Иворъёс
-
Удмурт кылын библия
Библиез удмурт кылэ берыктон бордын тыршиз филологи наукаосъя доктор, Удмурт кун университетысь профессор, протодиакон Михаил Атаманов. Солы юрттӥськиз Хельсинкиысь тодосчи Марья Картано. Берыктон уж 25 ар чоже мынӥз. Удмуртъёс, Россиын улӥсь 5-тӥез выжы калык луизы, кинъёс Библиез быдэсак анай кылазы берыктӥзы. Нош ӧжыт лыдъем калыкъёс полысь — нырысетӥез. Ватсаса: Михаил Атамановлы «Удмурт Элькунлэн дано кунмуртэз» […]
Подробнее → -
Удмурт лулчеберетлы сӥзем акци ужаны кутскоз Дэри ёросын.
Толэзь ӵоже котькуд гуртын удмуртлыкен герӟаськем ужрадъёс ортчозы. Кылсярысь, кемалась ик ӧвол Подшивал гуртын финн-угор калыкъёслэн лулчеберетсылы сӥзем центр кылдытэмын. Солэн ужаз мыло-кыдо пыриське ветеранъёслэн «Дэлет» ансамбльзы. Кемалась ик ӧвол артистъёс Мордвае ветлӥзы. Месячник улсын гурт клубын соосын пумиськон-концерт ортчоз. Артистъёс удмурт кырӟанъёсты сяна, модва гуръёсты но мукет финн-угор кырӟанъёсты быдэстозы. Вера удмурт лулчеберетлы сӥзем […]
Подробнее → -
Башкириын ортчозы удмурт культуралы сӥзем нуналъёс.
Башкириын ортчоно ужрадэ пыриськозы Элькунысьтымы Йӧскалык политикая, Лулчеберетъя но Дышетонъя министерствоос. Со сяна Калыкъёслэн Эшъяськон юртсы но вань огазеяськонъёслэн кивалтӥсьёссы. Бускельёсмы доры лыктозы на мукет улосвылъёсысь но удмуртлыкез азинтонын тыршисьёс. Ваньзы соос тодматскозы Башкоротостанын удмурт центрлэн пуктэм уженыз. «Ужрад 2 нунал ӵоже мыноз, — азьланьтэ Флюра Чибышева. — Удмурт диаспораослэн ёзчиосынызы пумиськон луоз, озьы ик […]
Подробнее → -
Латвилэн шоркараз Ригаын Финн-угор фестиваль ортчиз.
Мадьяр профессор Агнеш Кережи ханты калыклэн улоназ шаманъёслэн интызы сярысь вераз, нош Хельсинки университетысь магистр Йоханна Тойванен финн но прибалтика калыкъёслэн кырӟанъёсазы писпу но кулон теман тодматӥз. Со сяна Таллинысь философи тодосъя доктор Людмила Ямурзина поръёслэн кулэм адямиез ватон йылолъёссы сярысь вераз. Озьы ик фестивале пыриськисьёс учкизы пор режиссёрлэсь Алексей Алексеевлэсь «Угиндэ» кинозэ но Удмуртиысь […]
Подробнее → -
Туала шудонъёс — удмурт кылын.
Шудком — тодмо но паськыт вӧлмем "Что? Где? Когда?" шудонлы укша. Валтӥсь пӧртэмлыкез — юанъёслы валэктон утчало кӧня ке командаос. «Шудкомын» соос 9 — пӧртэм ужъюртъёслэн, дышетсконниослэн но огазеяськонъёслэн огазеям командаоссы. Йылпумъянъёсъя, 9 команда пӧлысь вормисе потӥз "Валамон-паримон" команда. Пусйымон, соос 3-тӥ ползэ вормись чотын. 2-тӥ но 3-тӥ интыосты куспазы люкизы «Кыло-ымо» но «Кынкорт» нимо […]
Подробнее → -
Эгра каргуртын кинотеатрзы луоз
Кинотеатрез усьтыны луонлык кылдӥз киноен герӟасьем фонд юрттэм улсын. Басьтэм грант чотын выльдэмын ини залысь пуконъёс, экран, куара сётӥсь динамикъёс. Тужгес дуно усиз ачиз кино-проектор. Ӝоген со ужаны кутскоз. Кинофонд куремъя, ӝыныез возьматӥськись фильмъёс одно ик Россиын поттэмын луыны кулэ. Эграос премьералы дасясько. Коньывунэ возьматозы "Дуэлянт" кинофильмез. Вера Эгра ёрос администрациысь лулчеберетъя ёзэтэн кивалтӥсь Александр […]
Подробнее → -
«Удмурт Кенешлы» — 25 ар
Исполкоме пырисьёс ӵекто – та учырез тросгес калык мед тодоз шуыса, котькуд библиотекаосын, клубъёсын аспӧртэм пумиськонъёс, адӟытонъёс ортчытоно. Якшур-Бӧдья ёросысь «Удмурт Кенеш» огазеяськонлэн ёзчиосыз викторина дасяло. Отчы пырозы ёроссылэн, шаермылэн но «Удмурт Кенешлэн» историысьтызы юанъёс. Вера ёросысь ёзэтэн кивалтӥсь Вера Вахрушева: «Викторинаез ми котькуд гуртын ортчытыны чакласьком. Ми туж умой ужаськом котькуд гурт поселенилэн кивалтӥсьёсынызы. […]
Подробнее → -
Удмурт кылъя курсъёс кутско
29-тӥ куарусёнэ Калыкъёслэн Эшъяськон юртазы курсэз радъясьёс анай кылэз дышетыны мылкыд карисьёсын пумиськылӥзы, Вера удмурт кылъя дышетӥсьёслэн «Выжы» Ассоциацизылэн кивалтӥсез Ангелина Решетникова: «Удмурт кылмы быре, шуо. Соин ик котькудӥз, кин мылкыд каре удмурт кылмес дышетыны пичи шапык ватса кылмес улӟытыны, сое утьыны. Элькунысь Йӧскалык политикая министерство туннэ бадӟым юрттэт сётэ – удмурт кылэз дышетонъя курсъёс […]
Подробнее → -
«Улонлэн крезьгурез» чузъяськоз «Лудорвай» музей-заповедникын.
Экспозицилэн аспӧртэмлыкез со бордын – нырысьсэ огазеямын луозы синмын учкымонэз но пельын кылымонэз. Мукет сямен вераса, котькуд лыктӥсь адӟыны быгатоз юртъер котырын но йылолъёсын кутӥськись арбериосты. Огдыре чузъяськоз крезьгур — калык гуръёс но кырӟанъёс. Экспонатъёс чотын луозы калык костюмъёс, интрументъёс, куиськон но куэм арбериос, туспуктэмъёс, видеоужъёс. Куноос нырысьсэ адӟыны быгатозы манси калыклэсь кышномурт но воргорон […]
Подробнее → -
Артемий Лем — вормись
28-тӥ куарусёнэ Москваын 10-тӥез «Золотой голос России» фестиваль ортчиз. Отчы пыриськизы быдэс Россиысь 6 аресысен 37 аресозь 100 пала кырӟасьёс. Соос пӧлын асьме улосчимы Артемий Лем (Гаврилов). Со быдэстӥз Александр Серовлэсь «Как быть» кырӟанзэ. Дунъясьёс пӧлын тодмо артистъёс вал: Любовь Казарновская, Марина Девятова, Сати Казанова, «ЧиЛи» группа. «Мон туж шумпотӥсько вормонэлы, — шуэ Артемий. Но […]
Подробнее → -
Мынам азбаре — музей
Аслэсьтыз вордскем юртсэ музейлы пӧрмытыны кариськиз Удмуртиысь тодмо суредась, кибашлы Зоя Лебедева. Со азинтыны тырше песятаезлэсь но анаезлэсь мытэм ужзэс. Соос ас вакытазы узыр материал люкаллям гурт улон, сям-йылолъёс сярысь. Экспонатъёс луозы Зоя Лебедевалэн песятаезлэн Туктарев Михаил Григорьевичлэн шыкысысьтыз ужкагазъёс. Ортчем даурлэн кутсконаз со сельсоветлэн кивалтӥсез вылэм. Со сяна анаезлэн Анастасия Яковлевна Байсаровалэн суредъёсыз. Со […]
Подробнее → -
Калыкъёслэн Эшъяськон юртсы ӧте экскурсие
Экскурсоводъёслы вань мар сярысь вераны пиналъёслы: кӧня выжы калыкъёс уло шаерамы, кыӵе мунеёос лэсьтыло вылэм ӟучьёс, мар со Быдӟым Крезь, кыӵе дырпусъя уло еврейёс, ку Удмуртие вуиллям нырысетӥосыз немецъёс но трос мукет. Экскурсиос интерактив амалэн ортчылозы. Нылпиос кылзӥськем сяна, асьсэос но пӧртэм ужрадъёсы пыриськылозы, шуом, выжыкылысь геройёс луозы, крезьгур инструментъёсын шудозы, мунёос лэсьтозы.
Подробнее → -
Челябинскын «Русь мастеров» вожвылъяськон ортчоз
Туннэ понна кибашлы нылкышно ас удысаз быдэс шаерамы тужгес но устоез лыдъяське. Куиськон станок сьӧрын со 21-тӥ арзэ. Туннэ шумпотыса лыктэ уж дураз – Якшур-Бӧдья ёросысь кибашлыослэн юртазы. Нош кутскыкуз ай вал сюлмаськонъес. Вера Екатерина Виноградова: «Ог 15-20 ар талэсь азьло мон доры куиськыны лыктыны мылкыд карисьёс ӧй вал. Секыт шуо вал. Дыр ортчиз. Табере […]
Подробнее → -
«Элькуновидение» конкурсэ пыриськисьёслэн лыдзы йылэ
Шаркан ёросысь конкурсантлэн нимыз тодмо луиз. Отын бырйён концерт ортчиз. Жюриос огкылысь куаразэс сётизы Павел Смирнов понна. Со быдэстӥз аслэсьтыз "Ялан возьмаськод" кырӟанзэ. Шарканъёслэн «Элькуновиденилы» рос-прос дасяськемзылэн пайдаез син азьын. Соослэн кырӟасьёссы элькун вожвылъяськонын валтӥсь интыосын луо. 2013-тӥ арын 2-тӥ интые потӥз Наталия Юферовалэн но Владимир Ивановлэн быдэстэм кырӟанзы, 2015-тӥ арын озьы ик кыкетӥ луиз […]
Подробнее → -
Удмурт визьбур «Шудком» клуб ужзэ азьланьтэ
Визь сынанъя шудонэ пӧртэм арлыдо но ӧнеро 9 командаос пыриськозы. Соослэн нимъёссы тодмо ини: "Удмурт дунне" команда, капитанзы – Зинаида Рябинина; Удмуртиысь историяя, кылъя но литературая институтысь тодосчиослэн «Кынкорт» командазы, капитанзы — Александр Егоров; ГТРК "Удмуртия"-ысь журналистъёслэн "Кыло-ымо" командазы, капитанзы – Анастасия Петрова; "Шундылэн" выль правлениезлэн "Дырыз дыръя" командаез, капитанзы –Максим Агафонов; Егит активистъёслэн "Кызьыайсо" […]
Подробнее → -
«Зарни-Ё перепеч, табань но пельнянь» фестиваль ортчиз
Дэбесъёс огкылысь оскыто, соослэн ёроссы — перепечлэн кылдэм интыез. Татын гинэ, пе, со трос пумо но сокем ческыт луэ. Дэбесысь туризмъя но лулчеберетъя «Сибирь тракт» центрысь ӧнерчи Галина Опарина вера: «Бадӟым Зетым гуртысь песянай Елена Богданова шуэ, 30 пушкесо перепеч, пе, пыжиськом вал. Фестивальлэн инъетэз со ик луиз. Нош малы зарни? Нырысь ик чебер зарни […]
Подробнее → -
Горд сюез лулӟыто арлыдоос.
Горд сюйя мастерской 15-тӥ куарусенысен ужа. Та дыр ӵоже шӧдиськиз ини — мылкыд карисьёс трос. Ӧнерчи Надежда Иванова арняяз 2 пол 4-5 адямиосын ужа. Кулэ луись материал — нош со горд сюй, ёросын выли ӟечлыко. Юнме уг шуо, быдэс шаерамы умой горд сюйлэн интыез Якшур-Бӧдьяын гинэ. «Таӵе бадӟым проект нырысьсэ вуиз Удмуртие, — шуэ Якшур-Бӧдья […]
Подробнее → -
Калыккуспо медиа-форум ужаз Петрозаводскын
Конференцилэн кутсконаз Карелилэн тӧроез Александр Худилайнен Элькуназы прессалэн ужез сярысь ивортӥз: «Периодика» издательство газет, журнал но мукет литератураез 3 кылын поттэ – вепс, карел но финн. Берло дыре со кылъёслы арлыдоослэн тунсыкъяськонзы будӥз. Со сяна та кылъёсъя школаосын 7 сюрслэсь ятыр пиналъёс дышетско. Пусйыны кулэ на, вылӥ дышетсконниосы, кытын кулэ каро йӧскалык кылъёсты дышетонэз, пырыны […]
Подробнее → -
«МАЛЫМИ» — озьы кулэ
«Палэзян» фестиваль улсын «Бобровая долина» этнокомплексын ортчем рок-концертын «Малыми» группа «Малы ми – озьы кулэ» ужзэ быдэстӥз. «Та кырӟанлэн кылдонэз туж тунсыко ми понна, — шуиз «Малыми» группалэн азьветлӥсез Богдан Анфиногенов. – Со озьы ик «Шундыкар» лагерен герӟаськемын. Пияш юаз: «Малы мон?», солы вакчияк валэктизы: «Озьы кулэ». Со учыр кырӟанэ но группалэн нимаз пыриз.» «Малыми» […]
Подробнее → -
«Палэзян» фестиваль улсын рок-концерт ортчиз
Фестиваль 6 ар ӵоже радъяськытозь, рок-группаос нырысьсэ люкамын. Удмуртиын сыӵе коллективъёс чиньыен лыдъямон. «Та пумиськон соос понна выль ӧре валтон мед луоз, — шуиз фестивальлэн режиссёрез Дмитрий Корепанов, — азьпалан рок-крезьгурасьёсмы милемыз одно ик паймытозы шуыса оскем потэ». Нош Дмиртиез паймытиллям куноос. Марий Элысь Марина Садова но «Куат» рок-группа. «Пусйымон соиз, «Куат» рок-группа туж егит […]
Подробнее → -
«Ватэм пусъёс» но «Ингож»
21-тӥ куарусёнэ Калыкъёслэн Эшъяськон юртазы «Палэзян» фестиваль Анна Образцовалэн «Ватэм пусъёс» адӟытонэныз усьтӥськиз. Егит суредасьлэн нимысьтыз выставкаез нырысетӥез луэ. «Мон сое юри ӧй кылдыты, со кӧня ке ар ӵоже люкаськем ужъёсы, — шуэ Анна. — Мон туж яратӥсько вашкала но туала сямен воштэм мифологиез. Мыным тунсыко, кыӵе буёлъёсын адӟо адямиос валтӥсь образъёсты – Инмарез, Шунды […]
Подробнее → -
Казаньын мынэ йӧскалык пӧраськонлы сӥзем конкурс-фестиваль
Конкурсэ пыриськисьёс пӧраны кулэ бигер, мордва, чуваш, ӟуч, пор, башкир, удмурт, кряшен но булгар кухняосысь сиён-юонъёсты. "Поварское искусство" классын конкурсэ пыриськисьёс калык сиёнъёсты дасяны быгатэменызы куспазы вожвылъяськозы. Нош «Арт-классын» калык сямъёсты утёнлы сӥзем сиёнлэсь картинаос, панноос, но мукет ужъёсты быдэстозы. Фестиваль Казаньын улӥсьёслы сиён-юон пыр бигер шаерын улӥсь калыкъёслэн лулчеберетэнызы, соослэн аспӧртэмлыкъёсынызы тодматскыны луонлык сётоз, […]
Подробнее → -
«Палэзян» азьланьтӥське
Со вакытэ ик Ижкарысь 11 номеро школае финн калык инструментэн кантелен шудись Минной Раскинен но Марий Элысь «Куат» группа лыктозы. Пиналъёсты ас творчествоенызы тодматозы. Озьы ик «Кенеш» журналлэн редакцияз финн-угор дуннеысь кылбурчиос пумиськозы. 14 часын Калыкъёслэн Эшъяськон юртазы котырес ӝӧк сьӧрын люкаськозы этномодаез улонэ пыӵатӥсьёс. «Орнаментальные мотивы: традиция и современность» темая вераськон мыноз. Модераторез модая […]
Подробнее → -
«КЫЛ КУАЗЬ» — удмурт гожъяськонэз утёнъя но азинтонъя проект
«КЫЛ КУАЗЬ» проект кылдытэмын удмурт кылэз утён но азинтон вылысь. Со улсын Элькунамы улӥсьёс шаертодонъя но анай кылын литература сярысь тодон-валанъёссэс муромытыны но ёросъёсысь творческой калыкен тодматскыны быгатозы. Ужӵектослэн мукет ужпумез — удмурт сямен гожъяськонэз но лыдӟиськонэз вӧлмытон. Пуктэм малпанъёссэс улонэ пыӵатыса, 19-тӥ гудырикошконысен толэзь ӵоже проектэз радъясьёс удмурт кылбурчиосын но артистъёсын уйпал ёросъёсы потазы: […]
Подробнее →