Удмурт кылын библия

    Библиез удмурт кылэ берыктон бордын тыршиз филологи наукаосъя доктор, Удмурт кун университетысь профессор, протодиакон Михаил Атаманов. Солы юрттӥськиз Хельсинкиысь тодосчи Марья Картано. Берыктон уж 25 ар чоже мынӥз. Удмуртъёс, Россиын улӥсь 5-тӥез выжы калык луизы, кинъёс Библиез быдэсак анай кылазы берыктӥзы. Нош ӧжыт лыдъем калыкъёс полысь — нырысетӥез. 

    Ватсаса: Михаил Атамановлы «Удмурт Элькунлэн дано кунмуртэз» ним сётэмын. Со данъетэн пусъё Элькунысь мер но экономика удысъёсты азинтонын трос тыршем улосчиосмес. Сыӵе пуктэт юнматӥз Элькунлэн тӧроез Александр Соловьёв.