Калыккуспо медиа-форум ужаз Петрозаводскын

Конференцилэн кутсконаз Карелилэн тӧроез Александр Худилайнен Элькуназы прессалэн ужез сярысь ивортӥз: «Периодика» издательство газет, журнал но мукет литератураез 3 кылын поттэ – вепс, карел но финн. Берло дыре со кылъёслы арлыдоослэн тунсыкъяськонзы будӥз. Со сяна та кылъёсъя школаосын 7 сюрслэсь ятыр пиналъёс дышетско. Пусйыны кулэ на, вылӥ дышетсконниосы, кытын кулэ каро йӧскалык кылъёсты дышетонэз, пырыны мылкыд карисьёслэн лыдзы но йылӥз».

Конференци улсын ик Карелиысь Ветлозеро черкогуртын карел кыллэн Юртаз финн-угор журналистъёслэн эшлыко огазеяськонзылэн кенешез ортчиз. Та вакытэ Россиын финн-угор кылъёсын 60-лэсь трос изданиос пото. Зэмос тиражез но соолэн вӧлмонзы сярысь содружестволэн нокыӵе ивортонъёсыз ӧвӧл. Соин конференциын «ӵыжы-выжы дорын куноян» институтэз азинтыны ӵектӥзы. Соку журналистъёс, мукет улосъёсы вуылыкузы, коньдонзэс шыръян вылысь, интыосысь журналистъёс доры дугдыны быгатозы.