Удмуртиын Удмурт кыллэн нуналэзлы тупатэм ужрадъёс ортчо
18.11.2026 · Иворъёс · Наталья Ямщикова

18-28 шуркынмонэ Удмуртиын Удмурт кыллэн нуналэзлы тупатэм ужрадъёс ортчо.
27-тӥ шуркынмонозь Калыкъёслэн эшъяськон юртазы «КылГур» онлайн-марафон (0+) ортче. Озьы ик но нылпи садэ ветлӥсь 5-7 аресъем пиналъёслы удмурт кылын произведениосты шара лыдӟонъя «Анай кыл – луллэн кылыз» онлайн-вожвылъяськон (6+) радъяське но игротека «ТодмаТОН» радъяськоз.
26-тӥ шуркынмонэ Ижкарын «Этнокультурное образование Удмуртии: единство традиций и инновация в полиэтническом пространстве России» огъяросси тодос но дышетон форум (18+) ортчоз.
24-тӥ шуркынмонэ Глазкарын «Удмуртия мынам сюлэмам» фестиваль (6+) ортчоз. Сарапулын игротека «ТодмаТОН» ортчоз.
27-тӥ шуркынмонэ Эграын «Удмурт кыл» программа дасялозы. 28-тӥ шуркынмонэ Воткинскын игротека «ТодмаТОН» радъяськоз.
Вань иворез Калыкъёслэн эшъяськон юртсы огинысь тодыны луоз.
27-тӥ шуркынмонэ Татарстанысь Кукмор ёросысь Нӧръя черкогуртын удмурт лулчеберетлэн нуналэз (12+) ортчоз, кытчы Удмуртиысь делегация вуылоз. Со улсын пленарной заседание, мастер-классъёс, удмурт калыклэсь лулчеберетсэ, йылолъёссэ но кылзэ утёнлы но азинтонлы сӥзем стратегической сессия радъялозы. Программа Удмуртиысь калык кырӟанъя но эктонъя «Айкай» кун театрлэн концертэныз йылпумъяськоз. Та выллем ужрадъёс луозы мукет улосвылъёсын но, кытын удмуртъёс уло.