Удмурт лулчеберетлы сӥзем адӟытон усьтӥськиз Санкт-Петербургын

20.11.2026 · Иворъёс · Наталья Ямщикова

Удмурт лулчеберетлы сӥзем адӟытон усьтӥськиз Санкт-Петербургын

Санкт-Петербургысь Калининской ёросысь В. Г. Белинский нимо шор ёрос лыдӟиськонниын (Гражданской проспект, 83) удмурт лулчеберетлы сӥзем адӟытон ужа.

Со сярысь карын улӥсь удмуртъёслэн «Италмас» огазеяськонзылэн «ВКонтакте» мерлыко вотэсысь огиназ ивортӥзы. Адӟытон йӧскалык лулчеберетъёсъя XVII фестиваль улсын радъяське, со 22-тӥ шуркынмонозь мыноз. Удмуртъёслэн землячествоязы пыриськисьёс куноосты Удмуртиен тодматӥзы, мунё лэсьтонъя мастер-класс ортчытӥзы.

Лыдӟиськонниын нуналлы быдэ тематической лекциос радъясько. Кылсярысь, 20-тӥ шуркынмонэ 13 часын удмуртъёслэн крезьгуро калык инструментъёссы сярысь мадёзы. 16 часын Кияса ёросысь Уддяди гуртысь Удмурт лулчеберетъя центр сярысь кылзыны луоз. 22-тӥ шуркынмонэ «Невский италмас» ансамбль концерт возьматоз.
Ивор ИА «Удмуртия» огинысь