Кун Кенешын ортчиз элькунысьтымы калык огазеяськонъёслы сӥзем нунал
17.11.2026 · Иворъёс · Наталья Ямщикова

Кун Кенешын ортчиз элькунысьтымы калык огазеяськонъёслы сӥзем нунал. Сессиос ортчытъян залэ ог 200 мурт люкаськылӥз.
Таӵе ужрад ӟеч сямлы пӧрмемын ни. Радъя сое Кун Кенешысь лулчеберетъя, туризмъя но йӧскалык политикая ялан ужась ӧри, Андрей Ураськин кивалтэм улсын но Йӧскалык политикая министерство, Калыкъёслэн эшъяськон юртсы но «Удмурт Кенеш» огазеяськон юрттэмъя.
Ужрадэ пыриськизы Кун Кенешлэн Тӧроез Владимир Невоструев, йӧскалык политикая министрлэсь ужзэ быдэсъясь Эдуард Степанов, лулчеберетъя министрлэсь ужзэ быдэсъясь Юрий Красноперов но элькунысьтымы пӧртэм калык огазеяськонъёслэн кивалтӥсьёссы но ёзчиоссы.
Элькун парламентлэн Тӧроез тау кариз калык огазеяськонъёслэн азьветлӥсьёссылы калыкен, уката но егитъёсын ужамзы понна. Ужрад дыръя люкаськемъёс кенешизы Эшъяськон арлы сӥзем ужрадъёс, нылпиосын, егитъёсын ужан, калыкъёслэсь кусыпъёссэс юнматыны юрттӥсь проектъёс сярысь. Асьсэ ужан амалъёсынызы тодматӥзы армянъёслэн «Арарат» но поръёслэн «Одо Мари Ушем» огазеяськонъёслэн азьветлӥсьёссы. Удмурт егитъёслэн калык кусыпъёсты юнматонлы сӥзем туала проектъёссы сярысь вераз «ДАУР ТВ» интернет-телеканаллэн директорез Богдан Анфиногенов.
Озьы ик Калыкъеслэн эшъяськон юртысьтызы ӟеч ужасьесты пусйизы таукаронъесын. Пумиськонъес уждэсь емышсэ возьматыны, ог-оген кенешыны, вуоно ужрадъесыз лэсьтыны юртто.
Нош ваньзылы капчи мылкыд кузьмазы мерлыко огазеяськонъёслэн коллективъёссы.