Иворъёс
-
1-тӥ оштолэзе Удмурт Филармониын маскаръяськон ӝыт ортчоз
Концертэ пыриськозы элькунысь дано но тодмо артистъёс, маскарчиос но егит удмурт стендапчиос. Ужрад сӥземын Удмуртиысь но Россиысь калык артистлэн ,«Шулдыр ӝыт» ансамбльлэн кылдытӥсезлэн но кивалтӥсезлэн, писательлэн Анатолий Ушаковлэн вордскем дырысеныз 70 ар тырмонэзлы.Шулдыръяськон концерт сярысь вераськизы «ДаурТВ» интернет-телеканалын потӥсь «Нуназе подкаст» нимо телеадӟытонын «Шулдыр ӝыт» ансамбльлэн чеберетъя кивалтӥсез Наталья Ушакова но Александр Бикузин.
Подробнее → -
Улонысь кошкиз кылбурчи Лидия Чернова
Ижкарысь "Калыкъёслэн Эшъяськон юртсы" ужъюртысь ӧнерчиос гожъяськисьлэн ӵыжы-выжыосызлы мур куректэмзэс верало
Подробнее → -
Эдуард Петров: толэзьлы йылпумъянъёс
«Удмурт кенешлэсь» 30 аресъем юбилейзэ пусъён, «Кун кылъёс сярысь» катэ пыртэм выльдонъёс, бесерманъёс но йӧскалык ужрадъёс сярысь вера Удмурт Элькунысь йӧскалык политикая министрлэсь ужзэ быдэсъясь Эдуард Петров. Вераськон ортчиз ДаурТВ интернет-телеканаллэн меӵак эфираз.
Подробнее → -
Удмурт кылын гожъяськись егитъёс понна «ИнГОЖ» конкурс ялэмын
Конкурсэ пыриськыны быгато 16 аресысен 35 аресозь егитъёс.Келяно удмурт кылын гожтэм но нокытын печатласькымтэ ужъёсты. Номинациос: Тужгес усто кылбур Тужгес усто верос Тужгес усто повесть Котькуд номинацияя куинь вормисьёсты бырйыны чакламын. Соос 5 сюрсысен 25 сюрсозь коньдон премиосын пусъемын луозы, яке Йӧскалык прессая юрт юрттоз соослы книгазэс поттыны. Вожвылъяськон сярысь ужкагаз татын
Подробнее → -
Алнаш ёрос — финн-угор дуннелэн лулчеберетъя шоркарез
28-тӥ тулыспалэ Байтэрек гуртын Финн-угор дуннелэсь лулчеберетъя шоркарзэ сӥё-дано усьтон ужрад ортчоз Котькуд мылкыд карись понна Байтэрек лулчеберетъя центрын Ленар Ахметов суредасьлэн «Великий Лес. Великая Степь» нимо адӟытонэз ужалоз Ужрадлэн программаяз Удмурт Элькунысь финн-угор калыкъёс, творческой коллективъёс пыриськозы, учкисьёс понна «ИЖКАР» огазеяськон «Дауртон-вырон» перформанс возьматозы, озьы ик вуэм куноос «йыбырттон ин юбо» борды асьсэлэсь ӵушконзэс думылыны быгатозы. […]
Подробнее → -
Ижкарын «Пельнянлэсь дунневыл нуналзэ» пусйизы
Ужрад 8-тӥ арзэ ини праздник чотын ортче. 7-12-тӥ тулыспалэ Элькунлэн шоркараз нуналлы быдэ тунсыко пумиськонъёс, мастер-классъёс но шулдыръяськонъёс радъяськизы. Пельменьфестлэн туэ валтӥсь пуштросэз удмуртъёслэн толалтэ пукон-шулдыръяськон сямъёссылы сӥземын вал — «Шулдыр пуком, ческыт сиём». Вордӥськонэ Ижкарысь кафеосын пӧртэм мастер-классъёс ортчизы Пуксёнэ удмурт маскарчиос люкаськизы Стендап ӝытэ Вирнуналэ кырӟаны яратӥсьёс караоке ӝыт радъязы Ижкарын огаз клубын […]
Подробнее → -
Богдан Анфиногенов Эрик Батуев нимо премилэн лауреатэз луиз
Кузёбай Герд нимо йӧскалык премилэн 2021-тӥ ар понна лауреатъёсызлэн нимъёссы тодмо луизы. Соосты «Удмурт Кенеш» огазеяськонлэн исполкомаз юнматӥзы Данъетэн пусъемын луозы: Озьы ик шараямын вал Эрик Батуев нимо йӧскалык премилэн лауреатэз но. Исполкомлэн ёзчиосыз огкылысь куаразэс сётӥзы «Даур ТВ» интернет-телеканаллэн кылдытӥсезлы но азинтӥсезлы, Удмуртиысь Калыкъёслэн эшъяськон юртысьтызы методистэзлы Богдан Анфиногеновлы. Данъетъёс тулыспалэ «Удмурт Кенешлы» 30 […]
Подробнее → -
Татарстанысь удмуртъёслэн Автономиенызы тӧрое выльысь Андрей Герасимовез бырйизы
29-тӥ толшоре Татарстанысь Калыкъёслэн эшъяськон юртазы Бигерысь удмуртъёслэн лулчеберетъя йӧскалык автономизылэн йылпумъян-быръён собраниез ортчиз. Туннэ нуналлы автономилэн 11 ёзэтъёсыз усьтэмын. Соос ужало Огырчи, Бавлы, Балтась, Кукмор, Мамадыш, Менделеевск, Саба ёросъёсын но Елабуга, Набережные Челны, Нижнекамск, Казань каръёсын. Отысь кивалтӥсьёс кылем ар ӵоже ужамзылы йылпумъянъёс лэсьтӥзы но таяз аре ужан малпанъёссэс веразы. Ужрадэз йылпумъяса, люкаськемъёс огазеяськонлэн Уставаз пыртэм […]
Подробнее → -
Туннэ Ижкарын «Элькуновидение. Суперфинал» крезьгуръя вожвылъяськон ортчоз
Та минутъёсы Элькунысь 14 кырӟасьёс но коллективъёс сцена вылэ потыны дасясько. Котькудӥз выль кырӟанзэ быдэстоз. «Элькуновидение. Суперфинал» конкурсэ пырисько: Надежда Сидорова (Балезино ёрос) «Валан» ансамбль (Вавож ёрос) Юрий Князев но Александр Леонтьев (Глазов ёрос) Артемий Гаврилов но Антон Васильев (Дэбес ёрос) Влад Андреев на Мария Гроздова (Можга ёрос) «Сергейёс» ансамбль (Можга ёрос) «Ерпечкаос» ансамбль (Кияса […]
Подробнее → -
Удмурт стендапчиос дуно кузьым понна вожвылъяськозы
Ужрад «Пельняньлэн дунневыл нуналэз» улсын Ижкарысь «Сигма» вузкаронъя огъетын интыяськем Пинта барын ортчоз. Стендапе пыриськыны быгатэ котькуд мылкыд карись. Со понна гожтоно Александр Бикузинлы. Тужгес устоез маскарчи утоз спонсорлэсь кузьымзэ — робот-пылесос.
Подробнее → -
Кин басьтоз туэ Кузёбай Герд нимо йӧскалык премиез?
Та юан эскеремын вал «Удмурт Кенеш» огазеяськонлэн премиосъя комиссиезлэн ёзчиосыныз. Тунннэлы кандидатъёс быръемын ни. Азьветлӥсьёс нимъёсты уг шараяло. Дэмлам адямиослэсь кандидатураоссэс «Удмурт Кенешлэн» исполкомезлэн вуоно пумиськоназ юнматозы
Подробнее → -
Удмурт стендап ӝыт ортчоз Ижкарын 8-тӥ тулыспалэ
Таяз радэ стендапчиосты дунъялозы – нимысьтыз жюри быръёз тужгес серем но маскара выступлениез. Удмурт стендап «Пельняньлэн дунневыл нуналэз» улсын ортче.
Подробнее → -
Кыӵе ужрадъёс пырозы АФУН-лэн планаз
Россиысь финн-угор калыкъёслэн ассоциацизылэн ужан планаз Удмурт Элькунысь ӵектонъёсты пыртон пумысен кенешон ортчиз Ижкарысь калыкъёслэн эшъяськон юртазы. Ужрадэз нуиз «Удмурт Кенеш» огазеяськонлэн Тӧроез, АФУН-лэн кивалтӥсезлэн воштӥсез Татьяна Ишматова. Кенешонэ люкаськизы удмурт мер огазеяськонъёслэн ёзчиоссы но кивалтӥсьёссы: дышетон, лулчеберет удысын ужасьёс, журналистъёс, егитъёс, озьы ик мордва но пор калыкъёслэн огазеяськонъёссылэн кивалтӥсьёссы. Кызьы пусйиз Татьяна Ишматова, кылем […]
Подробнее → -
Владимир Напольских: куд-ог тунсыко удмурт кылъёслэн кылдэмзы сярысь
Этнолог, этнограф, этноисторик, лингвист, финноугровед Владимир Напольских «Нуназе подкаст» программаын куноын вал. Кытысь вуэмын удмуртэ «пельнянь» кыл, вань-а удмуртъёслэн асьсэлэн осконзы, кытысь чыжы-выжыоссы финн-угор калыкъёслэн? Та но мукет юанъёслы валэктонъёс шедьтоды Владимир Напольскихен видеоез учкыса
Подробнее → -
Ижкарын удмурт кинофильм лэсьтон борды басьтӥськизы
Фильм нимамын «Кин кызьы узырме, яке ограбление по-удмуртски». Сценарий гожтон уж кема кыстӥськиз, ар пала. Оскиськом, туэ гужем кутском ни съёмкаос борды. Та вакыт краудфандинг амалэн уксё люкаськом Максим Григорьев, Удмурт Театрысь артист Выль удмурт фильм бордын ужан, Удмурт Театрлэн выльдэм репертуарез сярысь вераз Удмурт Театрысь артист Максим Григорьев «Даур ТВ» интернет-телеканаллэн эфираз «Нуназе подкаст» […]
Подробнее → -
«Куара» огазеяськон утча удмурт кырӟасьёсты
Выль проектлэн нимыз — ПУС лаборатория. Отчы котькуд мылкыд карись кырӟась пыриськыны быгатэ. Курон — кырӟан азьвыл ик гожтэмын луыны кулэ ини. Оглом 4 крезьгуро адӟытон дасямын луоз. ӵектосэ пыриськон вылысь курон келяно та чӧлскетъя Тодады вайытом, «Куара» огазеяськон клипмейкинген кемалась тодмо ини. «Тамга» видеошкола улсын озьы ик видеоклипъёс лэсьтэмын вал.
Подробнее → -
Финн-угор егитъёс Ижкаре форуме люкаськозы
Со сярысь кенешизы Ижкарысь Эшъяськон юртысь ӧнерчиос но «Удмурт Кенеш» огазеяськонлэн азьветлӥсьёсыз. Улоскуспо ужрадэз коньывуон толэзе ортчытыны чакламын, финн-угор выжыысь калыкъёслэн нуналзы улсын. «Удмурт Кенеш» огазеяськонлэн Тӧроез Татьяна Ишматова: Пусъём, таӵе ужрадэз радъяны малпанэз кылдӥз вал Удмуртиысь делегацилэн Мордовиын ортчем Россиысь финн-угор калыкъёслэн ӧтчамазы
Подробнее → -
Дэбес ёросын «Толсур пукон» ужрад ортчиз
Пумиськон улсын люкаськемъёс «Удмурт Кенеш» огазеяськонлэсь 30 ар тырмонзэ пусйизы, озьы ик Выль арез, Ымусьтонэз но Вуж Выль арез пумитазы. Толсур пуконэ ӧтемын вал мукет йӧскалык огазеяськонъёслэн азьветлӥсьёссы но. Со сяна люкаськемъёсты ӟечкыланы вуылӥз ёрос администрацилэн аппаратэзлэн кивалтӥсез Светлана Хохрякова. Со кенешчиослы тау кариз удмурт лулчеберетэз азинтэмзы но вӧлмытэмзы понна. Азьланяз выль вормонъёс сӥзиз ёзчиосызлы […]
Подробнее → -
14-тӥ толшоре Кузёбай Герд вордскем дырысен 124 ар тырмиз
Солы сӥзьыса, шаерамы ортчизы буре ваён ужрадъёс. «Удмурт Кенеш» кичӧлтэмъя арлы быдэ Ижкарысь Йӧскалык музей вӧзысь Кузебай Гердлэн синпелетэз доры вань мылкыд карисьёс люкасько. Таяз радэ но отчы трос калык вуиз. Нылпиос, студентъёс Кузебай Гердлэсь кылбуръёссэ лыдӟизы, вань лыктэмъёс синпелет доры сяськаос понӥзы. Ужрадэ пыриськизы культурая министр Владимир Соловьёв, «Удмурт Кенешлэн» Тӧроез Татьяна Ишматова, йӧскалык […]
Подробнее → -
Удмурт егитъёс понна «Вамыш» лагерьлэн сменаез ортчиз
Со котькуд ар радъяське «Шунды» огазеяськонлэн кичӧлтэмезъя Туэ смена ужаз Ижкар вӧзысь «Лесная страна» лагерьын. Солэн ужаз пыриськизы Можга, Шаркан, Алнаш, Пичи Пурга, Вавож, Дэбес но мукет ёросъёсысь, озьы ик Башкириысь но Татарстанысь азинлыко егитъёс: бадӟым классъёсын дышетскисьёс но студентъёс. Котькуд нунал нылпиос 4 час ужазы быръем ӧръёсъя но берпуметӥ нуналэ возьматӥзы мар соос лэсьтӥзы […]
Подробнее → -
Иосиф Наговицынлэн семьяезлэн азьвыл улэм интыяз стенд пуктӥзы
Синпелет интыяськиз Глазов ёросысь Туктым гуртын Иосиф Наговицын — Удмуртилэсь кунлыксэ кылдытӥсьёс пӧлысь одӥгез луэ. Озьы ке но, дано муртлэн нимыз, оло, воксё вунысал, Валентина Хазиахметова сое улӟытон борды лулысь-сюлмысь ӧй ке кутскысал. Солэн но юрттӥсьёсызлэн тыршеменызы Иосиф Наговицынлэн нимыз элькунамы выльысь улӟиз. Иосиф Наговицын ортчиз ссылкаосты, кунмылэн пӧртэм сэрегъёсаз вуылӥз, но бертӥз вордскем палъёсаз. […]
Подробнее → -
Кияса ёросын «Палэп» медиашкола ужаз
Та ӵектос бордын удмурт егитъёслэн «Куара» огазеяськонысьтызы быгатӥсь азьветлӥсьёс тыршо. Лулчеберет удысысь ужасьёс тодӥзы, кызьы калык дӥне ивор вуттыны но ужрадъёсы кыскыны, кызьы чебер но тунсыко вотэс бамъёс нуыны, трос лайкъёс но гожтӥськисьёс люканы. 9-10-тӥ куарусёнэ школа Пичи Пурга ёросын ужзэ азьланьтоз
Подробнее → -
Элькунысь дышетон удысын ужасьёс понна конференци ортчиз
Туэ нырысьсэ программаын нимысьтыз саклык висъямын этнокультура удыслы: анай кылъёсты но лулчеберетъёсты дышетонлы Со сярысь гожтэмын Кузёбай Герд нимо гимназилэн «ВКонтакте» сайтысь вотэсбамаз. ««Выль визьнодан выль югдурын» трекъя Кузёбай Герд нимо удмурт кун йӧскалык гимназиын «Этнокультуралы дышетон но визьнодан» нимо площадка ужаз. Площадкаын уж куинь блоклы люкемын вал: «Анай кылъя дышетӥсьлы туала вакытысь куронъёс» «Анай […]
Подробнее → -
Кузёбай Герд нимо гимназиын дышетскисьёс понна лагерь смена ортчиз
Нылпиос отын дышетскизы суредаськыны, киужен вырыны, историос гожъяны, видео дасяны но кырӟаны. Татьяна Ишматова, «Удмурт кенеш» огазеяськонлэн Тӧроез: Зэм но пайдаез таӵе сменаослэн туж бадӟым. Пиналъёс ӵӧмысь асьсэос валатэк выё удмуртлык пӧлы. Быгатӥсь ӧнерчиос дышето соосты кыӵе ке ӧръя но со дыре пыӵато калык лулчеберетэз но кылэз гажанэз «Дэменчи» смена туэ кыкетӥзэ ортчиз ни
Подробнее →