Татарстанысь удмуртъёслэн Автономиенызы тӧрое выльысь Андрей Герасимовез бырйизы
29-тӥ толшоре Татарстанысь Калыкъёслэн эшъяськон юртазы Бигерысь удмуртъёслэн лулчеберетъя йӧскалык автономизылэн йылпумъян-быръён собраниез ортчиз.
Туннэ нуналлы автономилэн 11 ёзэтъёсыз усьтэмын. Соос ужало Огырчи, Бавлы, Балтась, Кукмор, Мамадыш, Менделеевск, Саба ёросъёсын но Елабуга, Набережные Челны, Нижнекамск, Казань каръёсын. Отысь кивалтӥсьёс кылем ар ӵоже ужамзылы йылпумъянъёс лэсьтӥзы но таяз аре ужан малпанъёссэс веразы.
Ужрадэз йылпумъяса, люкаськемъёс огазеяськонлэн Уставаз пыртэм воштонъёсты, автономилэсь пуссэ, автономиен кивалтӥсьёсты но правленилэсь ёзчиоссэ юнматӥзы. Автономилы тӧрое выльысь Андрей Герасимовез ик бырйизы.
ивортон «Удмурт кенеш» огазеяськонлэн мерлыко вотэсбамысьтыз басьтэмын