Калыкъеслэн эшъяськон юртын туннэ ортчиз «В единстве наша сила» фестиваль
04.11.2026 · Иворъёс · Наталья Ямщикова

Фестиваль сӥземын вал Калыкъёслэн огазе луон нуналзылы, Удмурт Элькунлэн кунлык басьтон нуналэзлы. Фестиваль туэ ортчиз 4-тӥзэ.
Калыкъеслэн эшъяськон юртын пӧртэм калык огазеяськонъёсысь адямиос возьматӥзы сям-йылолъёссэс, кырӟаны-вераны быгатэмзэс - пичиос но, бадӟымъёс но. Ужрадын куноос но вал - Киров, Пермь улосъёсысь калык огазеяськонъёсысь адямиос.
Сцена вылысен чузъяськизы удмурт, ӟуч, пор, бигер кылъёсын кылбуръёс, кырӟанъёс, возьматэмын вал калыкъёслэн сям-йылолъёссы, эктонъёссы. Котькуд ар фестивалез «Одо Мари ушем» огазеяськон радъя.
Люкаськемъёсты праздникен ӟечкылаз нациосын ужан политикая министрлэн воштӥсез Людмила Соковикова. Ужрад котькуд адямилы капчи, шуныт мылкыд кузьмаз! Фестивальын вал трос нылпиос - ужрадлы луыса, соослэн культураез, кунмылэсь историзэ, калыкъёслэсь сям-йылолъёссэс гажан мылкыдзы юнмаз.