«Всемирный день пельменя» фестиваль 2-7 толшоре ортчоз

2027-тӥ арын сиён-юонъя «Всемирный день пельменя» фестиваль нош ик выль ар каникулъёс дыръя ортчоз. 2-7 толшоре Ижкарысь Шор карлудын 10 улосвылъёсысь пӧрасьёс ас палысьтызы пельнянен но мукет сиёнъёсын тодматозы.

Шор карлудын «Гастрономическая карта России» федерал ӵектосэ пыриськись пӧрасьёслэн командаоссы ужалозы. Фестивале пыриськемзы сярысь веразы ни Камчатка шаерысь, Дагестанысь, Алтай Элькунысь, Челябинск улосвылысь, Бурятиысь, Алтай шаерысь, Ростов но Мурманск улосвылъёсысь пӧрасьёс. Нырысьсэ лыктозы Карелиысь поваръёс. Озьы ик йӧскалык сиён-юонъёс дасялозы Удмуртиысь пыриськисьёс.

Фестиваль улсын мастер-классъёс но концертъёс радъяськозы, Удмуртиысь каръёслэн но ёросъёслэн площадкаосазы соослэн аспӧртэмлыкенызы но учкымон интыосынызы тодматскыны луоз. Котькуд нунал Шор карлудысь валтӥсь сцена вылэ элькунысь устоосыз коллективъёс потозы, нош ӝытазе – тужгес яратоно артистъёс. Пӧртэм ужрадъёс Удмуртиысь мукет каръёсын но ортчозы.