Воткаысь крезьгуръя но педагогикая П. И. Чайковский нимо колледжысь дышетӥсь Сергей Трофимов «Гордость нации» VII огъяросси мерлыко премилэн I степенё лауреатэз луиз

Воткаысь крезьгуръя но педагогикая П. И. Чайковский нимо колледжысь дышетӥсь, удмурт калык инструментъёсъя «Сайкан» ансамбльлэн кылдытӥсез но кивалтӥсез Сергей Трофимов «Гордость нации» VII огъяросси мерлыко премилэн I степенё лауреатэз луиз. Со «Культура народов России» номинациын вормиз.

Сергей Трофимов колледжын ӝыны даур пала ужа ни. Со крезен шудыны дышетон сӧзнэт кылдытӥз. Дышетӥсьлэн методикаосызъя нылпи садъёсы ветлӥсьёс, школаын дышетскисьёс но колледжысь студентъёс дышетско.

«Сайкан» ансамбльын 30 арлэсь трос крезен шудо. Коллектив классика произведениосты но, йӧскалык гуръёсты но быдэсъя.

«Гордость нации» премиез басьтон понна быдэс Россиысь 1 сюрс 122 куриськон вуиз. Тямыс номинациын 31 мурт вормисе потӥз. Данъян ужрад 5-тӥ шуркынмонэ Москваын «Россия» йӧскалык центрын ортчиз.

Туспуктэм: "Удмуртия" агенстволэн ВКонтакте вотэсысь