Глазкарын «Краса студенчества Финно-Угрии – 2026» вожвылъяськонлэн финалэз ортчиз

Глазкарын «Краса студенчества Финно-Угрии – 2026» вожвылъяськонлэн финалэз ортчиз. Удмуртиысь студенткаосты номинациосын пусйизы.
Удмурт кун университетын дышетскисез Юлия Главатскихез «Берегиня рода» номинациын пусйизы.

Глазкарысь университетысь Ольга Атаманова «Национальная краса» но «Медиа-краса» луиз.

Вожвылъяськонэ Удмуртиысь, Комиысь, Марий Элысь, Мордовиысь но Юграысь нылашъёс пыриськизы. Ас чеберзэс сяна, соос анай кылзэс, ас калыксылэсь историзэ но йылолъёссэ тодэмзэс возьматӥзы. Чеберайёс «ВУЗ: сохраняя традиции» видеовизитка дасязы, «Сердце России в каждом из нас» пресс-конференцие пыриськизы, «Бадӟым этнографи диктант» акци борды итӥськизы. Озьы ик куноос Юкаменск ёросысь «Тылыс» огъетэ но Глазкарысь шаертодонъя музее вуылӥзы.

Гала-концертын «Грани творчества» вожвылъяськон улсын нылмуртъёс творческой номеръёссэс возьматӥзы, сцена вылтӥ йӧскалык дӥськутэн, йӧскалык йыре пононэн туала костюмъёсын ортчизы.

Вожвылъяськонын вормиз Мордовиысь кун университетын дышетскись Вера Храмова.

Туспуктэм: «ВКонтакте» (Медиацентр ГИПУ имени В.Г. Короленко)