Ижкарын подкаст лэсьтонъя «Куара вера» мастерской усьтӥськоз

Ижкарын подкаст лэсьтонъя «Куара вера» мастерской усьтӥськоз. Отын сценарий гожтыны, нарративной подкаст кылдытыны, сое вотэсэ поттыны но вӧлмытыны дышетозы.

Валтӥсь спикер подкастъёслэн авторез но продюсерез, «Яндекс.Музыка» платформаысь подкастъёслэн редакторез Арина Тарасова луоз.

Дышетскон бере мастерское пыриськисьёс учкетъёсынызы тодматозы. Тужгес но усто малпанъёсты улонэ пыӵатозы. Оглом удмурт кылын куинь подкаст кылдытэмын луоз, котькудаз куинь выпуск.

Куриськонъёсты 23-тӥ шуркынмонозь куто. Дышетскон 3-тӥ толсуре кутскоз.

Ӵектос Удмуртиысь экономикая министерство но Росси азьмуртлэн грантъёсъя фондэз юрттэмен быдэстӥське.

Туспуктэм: «КУАРА» ВКонтакте вотэсысь