Калыкъёслэн огазеяськон нуналзэс но Удмуртилэн кунлык нуналэз пусйизы Ижкарын

Калыкъёслэн огазеяськон нуналзылы но Удмуртилэн кунлык нуналэзлы сӥзьыса карын уно ужрадъёс ортчизы. Концерт ортчиз Ижысь Шор площадьын.
Ижкарысь пиналъёслэн но бадӟымъёслэн творчетсвоя коллективъёссы портэм калыкъёслэсь эктон-кырӟанъёссэс быдэстӥзы. Кылсярысь, чузъяськизы Удмуртиез но Россиз данъясь кырӟанъёс.

4-тӥ шуркынмонэ ик Удмуртиысь операя но балетъя П. И. Чайковский нимо театрын «Симфония Единства» гала-концерт ортчиз.

Чузъяськизы юри та ӵектослы шуыса кылдытэм сочинениос. Быдэстизы удмурт, ӟуч, бигер, пор, башкир, армян, азербайджан, белорус но мукет кылъёсын кырӟанъёсты. Котькуд композицилэн инъетаз – Удмуртиысь кылбурчиослэн ужъёссы, озьы ик соослэн, кин понна элькунмы кыкетӥ дор луиз.