Удмуртский молодёжный календарь

Фото девушки на фоне стены с удмуртскими надписями, Алина Крестьянинова

Новейшая удмуртская история

Напишем Удмуртскую Историю Сами!

ТОЛШОР (ЯНВАРЬ)

1-тӥ толшор:
– Выль Ар

1-тӥ толшор 1992 ар:
«Советской Удмуртия» газет «Удмурт дунне» нимын потыны кутскиз

2-тӥ (14-тӥ) толшор 1898-тӥ ар:
Малмыж уездысь (али Вавож ёрос) Покчивуко гуртын вордскиз Кузьма Павлович Чайников (Кузёбай Герд), фольклор, этнографи, литература удысъёсъя тодосчи.

Удмуртский молодёжный календарь

3-тӥ толшор:
вордскиз кылбурчи, журналист, удмурт филолог, дышетӥсь Мария Галеева. Асьмелы со удмурт хитъёсъя тодмо луыны кулэ. Кылсярысь, Иван Белослудцевлэн кыкез берпуметӥ кырӟанъёсыз -“Лушкем дунне” но “Вӧлъялом бурдъёсмес” – Мария Галеевалэн кылъёсызъя гожтэмын.

Удмуртский молодёжный календарь

5-тӥ толшор 2009-тӥ ар:
«Авиатор» уй клубын ортчиз «Жингырты, удмурт пелепон» нимо жыт

8-тӥ толшор:
вордскем нуналзэ пусъе «Шулдыр ӝыт» ансамбльлэн кивалтӥсез Наталья Ушакова

Удмуртский молодёжный календарь

9-тӥ толшор:
вордскем нуналзэ пусъе «Инвожо» журналысь дизайнер, удмурт ужрадъёслы афишаосты лэсьтись Дмитрий Антонов

10-тӥ толшор 1930-тӥ ар:
«Ӟечбур!» газетлэн нырысетӥ номерез потӥз

11-тӥ толшор:
вордскем нуналзэ пусъе «Удмуртлык» группаез кылдытӥсь Роман Романов

Удмуртский молодёжный календарь

14-тӥ толшор 1990-тӥ ар:
бесерманъёс асьсэлэсь огазеяськонзэс кылдытӥзы. Кичолтисез – Валериан Федорович Сабреков. Со ик луиз огазеяськонлэн тӧроез.

16-тӥ толшор 2009-тӥ ар:
Пермь карын ортчиз «Зимняя KAMWA» ужрад. Отчы пыриськизы Маша Корепанова, Полина Степанова, Александр Егоров

Удмуртский молодёжный календарь

18-тӥ толшор 1958 ар:
вордскем нуналэз Сергей Ксенофонтович Кирилловлэн – удмурт бард, самодеятельный композитор.
С. К. Кириллов – автор более 200 песен, написал песни на стихи удмуртских поэтов И. Боброва, А. Белоногова, М. Федотова, Л. Тихоновой, П. Захарова, А. Шумиловой и др. Песни самодеятельного композитора звучат на радио, их исполняют районные коллективы, эстрадный ансамбль «Шулдыр ӝыт», Светлана Ипатова и Алина Антонова.
Писать мелодии к песням Сергей Кириллов начал поздно. «Во время учебы в институте с ребятами тоже пели разные песни. Сочинял к словам мелодии, сами же их исполняли. В 70-е же годы понятия самодеятельный композитор как такового не было. Играя на гитаре, любил петь свои песни, написанные на стихи Сергея Есенина. Но это я тогда считал каким-то баловством. Об удмуртских же поэтах в те годы я ничего еще, можно сказать, не знал» [1] – вспоминает Сергей Кириллов.
Первую песню написал на стихотворение Иосифа Боброва «Сизьгурт вальс». «Без слов я не могу писать. Нахожу стихотворения, которые мне по душе. Вот тогда и появляется мелодия. И эта мелодия ложится на те слова, которым я верю, и которые трогают за душу» [1] – делится самодеятельный композитор. Есть у него несколько песен на свои слова.
Впервые на сцену Сергей Кириллов вышел в 1998 году на фестивале авторской песни,на котором стал дипломантом III степени. С дуэтом «Натӥ» записал много песен. Группа стала лауреатом V межрегионального фестиваля авторской песни «Чтоб в сердце пел огонь живой» в г. Кудымкаре.

20-тӥ толшор 1957:
Вордскиз Завалин Владимир Николаевич – йӧскалык политикая министерстволэн азьвыл кивалтӥсез, улонысь кошкиз 20-тӥ куарусён толэзе 2013-тӥ арын

Удмуртский молодёжный календарь

20-тӥ толшор:
Вордскиз Анатолий Добкряков – монтажёр, “Шундыберган” программалэн режиссёр

Удмуртский молодёжный календарь

21-тӥ толшор 2009-тӥ ар:
Yumshan Promo кутскиз «Авиатор» клубын  нимысьтыз адямиослы сӥзем ӝытъёс ортчытыны. Нырысетӥез Zagrebin party нимамын вал.

21-тӥ толшор 1961 ар:
возьматэмын нырысетӥез удмурт опера «Наталь», авторез – Г.Корепанов крезьгурчи

22-тӥ  толшор 1990 ар:
Хельсинки карын кылдытэмын М. А. Кастрен нимо огазеяськон. Огазеяськон азе валтӥсь ужпум пуктэмын вал: юрттоно кылзэс, лулчеберетсэс азинтыны финн, Европалэн шунды пуксён палысьтыз калыкъёслы, Сибирьысь уральской группае пырись кылъёсын вераськисьёслы. М. А. Кастрен нимо огазеяськон 1994-тӥ арысен ужа Финляндиысь дышетонъя Министерстволэсь выжы калыкъёсын кусып возёнъя программазэ улонэ пыӵатон бордын. Программа саклык висъя мукет шаеръёсысь ӧнерчиосын пӧртэм удысъёсын кусыпъёс тупатонлы. Общество пӧртэм пумо ужрадъёс ортчытэ. 1991-тӥ арын Эспоо карын литературалы сӥзем Урал конференция радъязы, отчы пыриськизы удмурт гожъясьёс.
Озьы ик, огазеяськон поттӥз К. Гердлэсь рукописьсэ «Человек и его рождение» нимен. Юрттӥз «Удмуртия» книгапоттоннилы «Финляндия толон но туннэ» (1997), Г. А. Ходыревлэсь «Кызьы меда лыктӥды» (1998), «Даур куара» (1998), «Родное слово» (1999) книгаосты поттыны. М. А. Кастрен нимо огазеяськон коньдон висъямен шаерамы анай кылэз азинтонъя трос проектъёс ужало.

22-тӥ толшор:
вордскем нуналзэ пусъе удмурт эстрадаысь кизили Сергей Галкин (1987)

Удмуртский молодёжный календарь

22-тӥ толшор:
вордскем нуналзэ пусъе удмурт треш-интеллектуал Анатолий Галиханов (Silent Woo Goore)

Удмуртский молодёжный календарь

24-тӥ толшор:
вордскем нуналзэ пусъе удмурт эстрадаысь кизили Дмитрий Загребин (1978)

27-тӥ толшор:
Вордӥськиз Удмурт Элькунысь калык суредась, Трокай Борисов нимо премилэн лауреатэз Семён Виноградов.
Тодмо суредась вордӥськиз Алнаш ёросысь Шайтангуртын. Пияш киужлы усто нылкышноос бордын будӥз — анаез но ӵужанаез куиськылӥзы, пужъятскылӥзы. Вуоно художник сак учкылӥз соослэсь сӥньыс буёл быръемзэс. Школаын дышетскыкуз ик Семён Виноградов пиналъёс пӧлын суредаськонъя тужгес но устоез вал. Нош зэмос тодон-валанъёс басьтӥз Можга педучилищеын. Инкуазен сётэм быгатонлыкъёссэ Семён Виноградов муромытэ Казаньысь художественной училищеын, бӧрысь Москваысь Суриков нимо институтын.
Cемён Виноградов ужа удмуртлыкез, удмурт адямиез, солэн улэм-вылэмез возьматон бордын. Солэн Удмурт дӥськутъя но удмурт пужыосъя книгаосыз потӥзы.

Удмуртский молодёжный календарь

30-тӥ толшор 2007-тӥ ар:
Анастасия Ӵушъяловалэн нырысетӥ клипез потӥз (“Пичи пыдъёсыныд” кырӟанэзъя)

31-тӥ толшор 2008-тӥ ар:
выжы калыкъёс тодматскизы Финно-угрия нимо выль сайтэн

ТУЛЫСПАЛ (ФЕВРАЛЬ)

4-тӥ тулыспал 1915 ар:
потӥз удмурт кылын нырысетӥез газет – «Войнаысь ивор».

4-тӥ тулыспал 2005 ар:
«Удмурт дунне» газетын ужасьёс пусйизы юбилейзэс. Газетлэн нырысетӥ номерез потэм дырысен ортчиз 90 ар.

5-тӥ тулыспал:
ворсдкем нуналзэ пусъе удмурт ужрадъёсты нуись, блогер, журналист Семён Семёнов (1986)

Удмуртский молодёжный календарь

7-тӥ тулыспал:
вордскем нуналзэ пусъе бесерман крезьёсты быдэсъясь Маша Корепанова (1984)

7-тӥ тулыспал 2011 г.:
Удмурт театрлэн кылдэм нуналэз

Удмуртский молодёжный календарь

7 тулыспалэ 2008-тӥ ар:
Кузебай Герд нимо нылпи садын нырысьсэ ортчиз “Шудон корка” ӝыт, кудӥз берло нылпиослы но анай-атайёссылы удмурт кылын шудон клуб нимаськыны кутскиз.

9-тӥ тулыспал 2010:
Ижкарын удмурт калыклэн дано пиезлы Кузёбай Гердлы сӥзем лыдӟонъёс ортчизы. Ужрад Гердлэн политика но мер удысын тыршемезлы сӥземын. «Кузёбай герд — политикая но мерлыкъя удысчи» нимо лыдӟонъёсты «Удмурт кенеш» огазеяськон радъяз. Отын ӟечкылазы Кузёбай Керд нимо премилэн 2009-тӥ ар понна лауреатъёссэ. «Удмурт кенеш» огазеяськонлэн исполкомезлэн ёзчиосыз, 2-тӥ тулыспалэ ортчем кенешонын, со дано нимез кылтодосъя докторлы, профессорлы Василий Ванюшевлы но элькунысьтымы калык артистлы Геннадий Бекмановлы сётыны пуктӥзы.

12-тӥ тулыспал 2009 ар:
нылпи творчествоя юрт дорын усьтэмын Афган но мукет пӧсь интыосын мынэм ожъёсысь берытскемтэ солдатъёслы памятник

13-тӥ тулыспал 2009 ар:
Эктом.ru огазеяськон егитъёслэн юртазы «Por-odo жыт. Yaraton-yaraton» нимо ужрад ортчытӥз

13-тӥ тулыспал 1919 ар:
Ижкарын кылдӥз нылпиос понна элькун библиотека

16-тӥ тулыспал 1918 ар:
Малмыж уездысь (али Ува ёрос) Выль Мултан черкогуртын усьтӥськиз удмурт дышетӥсьёсты дасянъя семинария. 1936-тӥ арын со луиз педучилище, 194-тӥ арын выжиз Увае.

16-тӥ тулыспал 2007 ар:
«Чеберина -2006» Надежда Чернова (Яковлева) пыриськиз Карелиын ортчем «Уйпал кизили» («Звезда Севера») конкурсэ. Отын кыкетӥ инты басьтӥз, солы сётӥзы «Уйпал ворекъян» ним.

Удмуртский молодёжный календарь

16-тӥ тулыспал 1946 ар:
вордскем нуналзэ пусъе Удмурт театрысь валтӥсь режиссёр Алексей Ложкин (1977)

Удмуртский молодёжный календарь

16-тӥ тулыспал:
вордӥськиз тодмо удмурт суредась но график Менсадык Гарипович Гарипов. Россиысь сӥё-дано суредась, Удмуртиысь калык суредась. Вордскемын Башкириысь Татышлы ёросын, Бальзюга гуртын.

Удмуртский молодёжный календарь

17-тӥ тулыспал 2005 ар:
Дэри ёросысь Подшивал гуртысь «Марӟан» ансамбль «Нылкышно мадёнъёс» нимо компакт-дискезлэсь презентацизэ ортчытӥз. Отчы пыртэмын гуртысьтызы удмурт но ӟуч кырӟанъёс. Нош нырысетӥзэ «Ой, тӧл тӧла» дисксэс дасязы 2002-тӥ арын.

20-тӥ тулыспал:
вордскем нуналзэ пусъе удмурт эстрадаысь кырзась, Удмурт театрысь куарая режиссёр, нылпи кырӟанъя «Камали» студилэн кивалтӥсез, крезьгурчи Анатолий Эркишев (1981)

20-тӥ тулыспал 2008 ар:
«Авиатор» клубын нырысетӥзэ удмурт позыръяськон ортчиз, радъямын вал удмурт караокея нырысетӥез чемпионат.
Аспортэмлыко ӵошатсконэ пыриськыны мылкыд карисьёс трос – токма уг шуо: удмуртъёс – кырӟаны яратӥсь калык. Озьы асьсэлэсь уӵы выллем чирдыны быгатэмзэс возьматэмез потӥз 6 командалэн: «Кельыт мылкыд» – «Мынам Удмуртие» телерадиокомпаниысь журналистъёс, «Галкин но компания» – Удмурт кун университетысь филология факультетысь студентъёс, егитъёслэн «Шунды» огазеяськонысьтызы егит пиос, «Малпан» ансамбль, Дмитрий Загребин но Пичи Пурга ёросысь Брангуртысь вуэм куноос.
Кырӟасьёслэсь быгатонлыксэс эскериз сӥё-дано жюри – Светлана Кибардина, Надежда Уткина, Светлана Белых но Александр Катков.
Нырысь котькудӥз команда ӵошен кырӟаз. Собере – командаысь одӥгез гинэ, нош эшъёсыз эктӥсьёслы пӧрмытскылӥзы. Со сяна, кырӟанэз сурдопереводэн валэктоно на. Озьы, «Мынам Удмуртие» телерадиокомпаниысь егит журналист Руслан Нуриахметов учкисьёсты турнаны но дышетӥз, италмаслы но пӧрмытскылӥз. Ньылетӥзэ кырӟанэз быдэстон понна командаысь одӥгез кырӟаз, нош эшъёсыз солэсь микрофонзэ тунсыко амалэн возизы. Шуом, Брангуртысь казакпиос микрофонэз бамъёсынызы пачкатӥзы – ӵапак «Рабочий но колхозница» памятник выллем.
Ӵошатсконэ ӟырдыт пыриськизы «висисьёс» но, эсьмаса, командаослэн куаразы но дырын-дырын ӧз кылӥськылы – сокем юрттӥськизы учкисьёс.
Конкурслэн пумаз вуиз кык команда: «Малпан» ансамбль но брангуртъёс. Ваньзы усто кырӟазы-эктӥзы, асьсэды сцена вылын кельышлы возизы.

21-тӥ тулыспал 2006 ар:
Феодосия Тубылова кивалтэм улсын Пичи Пурга черкогуртын усьтӥськиз «Инос» удмурт огазеяськон. Отчы пыриськизы удмурт кылэз яратӥсь но сое азинтыны сюлмаськись азьветлӥсьёс

21-тӥ тулыспал 2008 ар:
Нырысьсэ Виктор Цойлэн кырӟанъёсыз чузъяськизы удмурт кылын – соосты быдэстӥзы Брангуртысь песянайёс филармониын анай кыллэн нуналызлы сӥзем ужрадын

21-тӥ тулыспал:
анай кыллэн калыккуспо нуналэз.
Анай кыллэсь нуналзэ пусйыны кутскизы ЮНЕСКО огазеяськонлэн ӵектэмезъя 2000-тӥ арысен, дуннеысь калыкъёслэсь кылзэс, сям-йылолъёссэс утён но азинтон вылысь. ЮНЕСКО-ысь ӧнерчиослэн ивортэмзыя, дуннеысь 6 000 кылъёс пӧлысь ӝыныез матысь дыре берпуметӥ вераськисьсэс ыштыны быгатозы. Тужгес но вӧлмемын 7 «дунне» кылъёс – англи, испан, араб, ӟуч, фрунцуз, немец, португали. Соос трос улосъёсын пумисько. Китай, хинди но урду кылъёс но валтӥсьёсыз пӧлы пыро, но калыккуспо вераськонын шер кутӥсько. Тодосчиослэн верамзыя, 100 арскын 3 000-ысен 6 000-озь кылъёс ышыны быгатозы. 100 000-лэсь трос адями гинэ вераськизы ке, утьыны быгатозы анай кылзэс. Туннэ бырон калэ вуэмын 400 кылъёс. Соосын верасько арлыдоос гинэ. Кылсярысь, Уйпал Америкаын канса но чинук кылъёсын 20-лэсь ӧжыт адямиос верасько.

23-тӥ тулыспал – 4-тӥ южтолэзь 2009 ар:
Сочиын ортчиз егит кырӟасьёс куспын VI «Союз талантов России 2009» нимо калыккуспо фестиваль. Отын Ирина Ӵушъялова кыкетӥ инты басьтӥз

24-тӥ тулыспал 2007 ар:
Камсьӧр удмуртъёслэн огазеяськонзы кылдӥз

24-тӥ тулыспал:
«Дорвыжы» удмурт эпослэн калыккуспо нуналэз. Со нуналэ быдтӥз ужзэ Худяков(1920)

27-тӥ тулыспал 2005 ар:
Удмурт театрын ортчытэмын «Инву утчан гур” (“Мелодия небесной росы”) нимо ужрад. Со сӥземын вал вашкала крезьгур  инструментэз – крезез – улӟытон бордын 15 ар ӵоже тыршеммылы.

27-тӥ тулыспал 1926 ар:
лыдӟисьёс доры вуиз «Кенеш» журналлэн нырысетӥ номерез

27-тӥ тулыспал 1923 ар:
– Ижкарын усьтӥськиз Удмурт клуб. Татын пӧртэм кружокъёс ужазы. Соос инъет кылдытӥзы удмурт искусствоез азинтыны

– Сыктывкарын кылдытэмын фин- угор журналистъёслэн калыккуспо огазеяськонзы

28-тӥ тулыспал:
«Калевала» карел-финн эпослэн нуналыз
Та нуналэ котькуд ар Финляндиын но Карелиын шулдыръяськонъёс ортчо. Мылкыд карисьёс тунсыко дӥськут дасяло, сое дӥсяса ортчо урамъёстӥ, яке эпосъя пукто пичи возьматонъёс. Калевала гожтэмын вашкала дауръёсы. Эпосэз улӟытон бордын трос ужаз тодосчи но кылбурчи Элиас Лённрот (1802–1884), со быгатӥз, эпослэсь люкетъёссэ огазеяса, 1835 арын сое нимысьтыз книгаен поттыны. Эпос бадӟым юрттэт луиз финнъёслы асваланзэс ӝутыны но азьлапал улонзы сярысь малпаськыны. Уго та бадӟым эпической кырӟанын туж муресь малпанъёсыз вань. Калева выжыысь адямиос улонын ӟечез понна нюръясько. Эпослэн одӥгез валтӥсь героез – Вяйнямцйнен пересь. Со котьмар лэсьтыны быгатэ, пыж лэсьтэ, чорыга, кантеле крезь лэсьтэ. Со туж усто крезеныз шудэ но кырӟа. Аслаз тункыланы быгатэменыз со ӟеч гинэ визьма ушъяськись но шоккес Йоукахайненэз. Сьӧд кужымъёсын нюръясько Лемминкяйнен но Куллерво геройёс но. «Калевала» данъяське югыт улонлы оскытӥсь, мылкыдэз ӝутӥсь чуръёсыныз. Эпос синмаськытэ узыр кылыныз, яркыт пиштӥсь образъёсыныз. Туннэ нуналлы Калевала берыктэмын 50-лэсь трос пӧртэм кылъёсы. Нош удмурт кылын нимысьтыз книгаен поттыны дасяз Анатолий Уваров.

29-тӥ тулыспал 2008 ар:
Нырысетӥзэ чузъяськиз Электроники диджейёслэн «Яратӥ мон тонэ» кырӟанлы удмурт ремикссы

ЮЖТОЛЭЗЬ (МАРТ)

1-тӥ южтолэзь 1933 ар:
Удмуртиын кылдӥз нырысетӥез кырӟась труппа (Удмурт радиокомитетлэн хорез). Та вакытэ со хор нуллэ Avis canty хор капелла ним.

3-тӥ южтолэзь 1962 ар:
Ижын усьтӥськиз паськыт экранэн нырысетӥез кинотеатр («Удмуртия»)

5-тӥ южтолэзь 2020 ар:
интернетэ потӥз “Олокин но оломар но” подкастлэн нырысетӥ выпускез

6-тӥ южтолэзь 2009 ар:
Эктом.ru огазеяськон егитъёслэн юртсы ортчытӥз «Ой, тӥ, чебер нылъёс» ужрад

8-тӥ южтолэзь 2003 ар:
гурт спортсменъёслэн тол шудонъёсъя нырысетӥ росси ӵошатсконъёссы Удмуртиын ортчизы

8-тӥ южтолэзь:
Кышномуртъёслэн калыккуспо нуналзы.
Кышномуртъёслэсь нуналзэс Вашкала Римын улӥсьёс но пусйылӥллям. Тужгес но чебер дэремзэс дӥсяса, йыразы сяська керттэт думыса, нылъёс ветлӥллям Веста богинялэн, корка котырез утисьлэн, храмаз. Озьы ик, та нунал герӟаськемын кышномуртъёслэн катрадлыксы понна нюръяськеменызы – 8-тӥ южтолэзе 1857 арын Нью-Йоркысь басма поттӥсьёс но вуриськисьёс кивалтӥсьёссылы пумит ӝутскизы. Соос куризы уждунзэс будэтыны, ужан интыязы ӟечгес луонлыкъёс кылдытыны. Нош 2 ар ортчыса, кышномуртъёс мукет амалъёс малпазы, быгатӥзы асьсэлэсь профсоюззэс усьтыны. 1910 арын Копенгагенын ортчем калыккуспо конференциын ӵектэмын вал котькуд ар тыршись кышномуртъёслэсь нуналзэс пусйыны. 1911 арын нылкышноослэсь нуналзэс Австриын, Германиын, Даниын но Швейцариын улӥсьёс пусйизы. Нош Россие та праздник 1913 арын вуиз.  1966-тӥ арын та нуналэ ужамысь дугдӥзы.

13-тӥ южтолэзь 2009 ар:
удмурт кылъя дышетӥсьёслэн «Выжы» ассоциацизы 5 ар тырмонзылы сӥзем пумиськон ортчытӥз

14-тӥ южтолэзь 1923 ар:
Ижкарын кылдӥз медициная колледж. 1973-тӥ арын сётӥзы Совето Союзысь Геройлэсь Ф.Пушиналэсь нимзэ

14-20 южтолэзь 1997 ар:
башкир шаерын “Удмуртия-Башкортостан: национальная культура и молодежь” акции ортчиз. «Шунды» огазеяськонлэн ёзчиосыз, егит ӧнерчиос кусыпъёс тупатӥзы бускель элькунын улӥсьёсын

16-тӥ южтолэзь 2005 ар:
Ижкарысь нылпи творчествоя юртын усьтӥськиз калык киужъёсъя «Удмурт шӧмын, удмурт сямен» адӟытон. Радъямын вал «Прошлое будущему» проект улсын.

19 южтолэзь 2008 ар:
Ижкарысь «Авиатор» уй клубын ортчиз «ПЕЛЕПОНЫ & SHTANY» нимо ужрад. Эктон ӝыт паймытӥз «Ним юнматӥсь пус» люкетэныз. Юрий Лобанов суредась мылкыд карисьёслы юрттӥз вашкала выжы нимзэс выльдыны яке адямилы тупась кушем ним бырйыны. Выль удмурт нимез юнматӥзы туала сямен: ламинат бумага вылын. Отын туспуктэмез но вань.
Маша Корепанова – Лади Мари
Лариса Буранова – Микой Лари
Владимир Завалин – Микол Ладьмер
Надежда Уткина – Гозы Нади
Юрий Лобанов – Кучыран Юри
Андрей Клементьев – Ёша Онди
Вероника Самсонова – Верки Эрки
Андрей Прокопьев – Пыркей Онди
Наталья Прокопьева – Прок Натик
Руслан Нуриахметов – Валери Урус
Александр Егоров – Биктур Сандыр
Оксана Бисар – Бисар Окси
Алексей Ложкин – Алар Очей

20-тӥ южтолэзь 1999 ар:
этнографияя нырысетӥ фестивальлэн «Калмез» («Человек – рыба, рыба – человек») нимо ужрадэз ортчиз. Со кыстӥськиз 16-тӥ оштолэзёзь (ортчытӥз Юрий Лобанов)

20-тӥ южтолэзь 2009 ар:
Пичи Пурга ёросысь культурая юртын ортчиз «Чеберина» ӵошатскон

28-тӥ южтолэзь:
Вордскем нуналзэ пусъе кырӟась Снежана Эскандерова («Малпан» группалэн нырысетӥ составысьтыз артистка)

Удмуртский молодёжный календарь

ОШТОЛЭЗЬ (апрель)

1-тӥ оштолэзь:
Серекъян нунал. Сое пӧртэм шаеръёсын улӥсьёс пӧртэм сямен пусъё. Великобританиын ог-огзэс ӧрекчало ӵукна гинэ, нош Шотландиын кык нунал но дась серекъяны, пӧяськыны, шулдыръяськыны.

Профессор студенткалэсь юа:
– Вералэ ай, «яратӥсько» глагол вуоно дырын кызьы луоз?
– Яратӥсько – бызё.

Одӥг атас мукетызлы шуэ:
– Ойдо лавкае ветлом.
– Малы?
– Гольык курегъёсты учкыны

 Кык воргоронъёс Москвае мынӥллям но – туж сиемзы потыны кутскем. Адӟо – ресторан. Пырыны медо вылэм но – та, пе, кунгож сьӧрысь куноослы гинэ. Учко: адямиос лыкто но кунзылэсь нимзэ вераса пыро.
Огез лыктэ, вазе: «Уругвай». Мукетыз: «Парагвай». Та воргоронъёс но вордскем гуртъёссэс верано кариськиллям. Огез лыктэ: «Марым, Карамбай». Мукетыз шуэ: «Марым, Лудорвай». Пыриллям но сиськиллям.

(Басьтэмын «Кенеш» журналысь, № 5–6, 2002 ар)

4-тӥ оштолэзь 1898 ар:
вордскиз нырысетӥез удмурт поэтесса Ашальчи Оки

 5-тӥ оштолэзь 2007 ар:
Ӵушъялова сузэръёслэн “Тон кытын меда?” нырысетӥ альбомзы потӥз (пыртэмын Анастасия но Ирина Ӵушъяловаослэн но Дмитрий Загребинлэн кырӟанъёссы)

8-тӥ оштолэзь 2020 ар:
эфире потӥз нырысетӥез удмурт интернет-телеканал Даур ТВ.  Со ужа “ВКонтакте” мерлыко вотэсын котькуд нунал, меӵак эфирын. Отысь удмурт клипъёсты, фильмъёсты, мультфильмъёсты, телеадӟытонъёсты, влогъёсты но мукет пӧртэм видеосуредъёсты адӟыны луэ. Валтӥсь редакторез – Богдан Анфиногенов.

Удмуртский молодёжный календарь

10-тӥ оштолэзь 2008 ар:
«Авиатор» уй клубын «Perepechki Клаудии» нимо ческыт ӝыт ортчиз. Удмурт эктонъёсты быдэсъяны мылкыд карисьёслы нимысьтыз дышетон радъямын вал

 10-тӥ оштолэзь 1931 ар:
Ижкарын усьтӥськиз дышетӥсьёсты дасянъя институт –али Удмурт кун университет.

12-тӥ оштолэзь 1990 ар:
кылдытэмын кырӟанъя но эктонъя «Айкай» кун театр.
Павел Камашев, «Айкай» театрысь артист:

Мон  «Айкай» театре 2001-тӥ арын лыктӥ. Эше Олег Бимаков вераз – контрабасэн шудӥсь, пе, кулэ «айкайёслы». Крезьгуро арбериосын шудыны быгатэмме учкизы-кылзӥзы, ужаны кутӥзы. Паймоно кадь, сокем капчиен мон татысь артистъёсын эшъяськи. Соос мыным семья кадь потӥзы, нош монэ асьсэлэн пизы каризы. Бадӟым артистъёсын ужаны кылдӥз шуыса, туж данъяськисько. Татысен ик мон аслым кузпал но шедьтӥ. Пӧртэм шаеръёсы вуылӥськом, котькуд кун паймытэ. 2008-тӥ арын Кипре вуылӥм. Мыным отын туж кельшиз – отчы ветлэме али ке но уйвӧтын кадь потэ. Отын ортчиз ЮНЕСКО огазеяськонэн радъям фольклор фестиваль. Со люкаське ини дас куинь ар ӵоже, нош Россиысь нокыӵе ансамбль но отчы пыриськылымтэ. «Айкай» кун театр Россилэсь, нош соин валче Удмуртилэсь данзэ утиз нырысьсэ. Отын улӥсь калыкез ми бакомытыса кельтӥмы, соослы туж кельшиз кырӟаммы-эктэммы. Бен, Удмурт шаер сярысь отын уг тодо. Но ми соку ик тодазы вайытӥм Чайковскиез но Калашниковез. Озьы Удмурт шаерез син азязы пуктӥзы.

 12-тӥ оштолэзь 2008 ар:
Казаньын ортчем «Между Волгой и Уралом» ӵошатсконын Воткинскысь дышетӥсьёсты дасянъя колледжысь «Сайкан» ансамбль 1-тӥ инты басьтӥз

16-24-тӥ оштолэзь 1984 ар:
Удмурт кун университетсь «Чипчирган» ансамбле ветлӥсьёс вуылӥзы Эстоние – Тартуысь этнографической музейлы 75 ар тырмон юбилейзэ пусъён ужрадэ пыриськизы

 16-тӥ оштолэзь:
вордскем нуналзэ пусъе Udmurt People огазеяськонэз кылдытӥсь, туспуктӥсь, «Курутой пуны» мультфильмёслэн авторзы  Денис Корнилов

 18-20-тӥ оштолэзь 2008 ар:
вылӥ модая «Этно – Эрато» калыккуспо конкурс аслаз программаяз пыртӥз финн-угор номинациез

 18-19-тӥ оштолэзь 2009 ар:
“Урал кенешлэн” ёзчиосыз вуылӥзы Пичи Пурга ёросын улӥсьёс доры куное

20-тӥ оштолэзь 1937 ар:
вордскиз Леонид Григорьевич Романов
Является одним из ведущих театральных деятелей Удмуртии, спектакли (около 50 разножанровых спектаклей), поставленные Леонидом Романовым отличаются высоким профессионализмом, не меньшую популярность он приобрел и как актер, им сыграно более 300 ролей. Леонид Григорьевич уделяет большое внимание удмуртской драматургии, проявляет заботу о сохранении лучших традиций национального театрального искусства, он автор нескольких инсценировок пьес удмуртских писателей для постановки на сцене театра, им переведено около десятка пьес с русского на удмуртский язык. Режиссер-постановщик, ведущий актер автономного учреждения культуры Удмуртской Республики «Государственный национальный театр Удмуртской Республики». Имеет Почетное звание «Народный артист Удмуртской АССР»; Почетное звание “Заслуженный деятель искусств РФ”, награжден высшей наградой республики – Почетной грамотой Удмуртской Республики.
В 2020 году Леонид Романов Приказом Министерства культуры УР занесен на Доску Почета Министерства культуры Удмуртской Республики

Удмуртский молодёжный календарь

23-тӥ оштолэзь 1958 ар:
югдурез утёнысь кивалтӥсьёс нырысьсэ меӵак веразы: К.Гердлэн нокыӵе янгышъёсыз ӧй вал, писательлэн чылкыт нимыз берыктэмын (реабилитировать каремын)

24-тӥ оштолэзь 1935 ар:
Ижкарын усьтӥськиз Мунё театр

26-тӥ оштолэзь 2009 ар:
Ижкарысь одӥгаз йогая центрын Кучыран Юрилэн «Кучыран вӧтъёс» нимо крезьгуро дискезлэн презентациез ортчиз

27-тӥ оштолэзь 2007 ар:
Россиысь финн-угор калыкъёслэн лулчеберетсыя центрзылэн вордскем нуналыз.  Кема аръёс ӵоже Коми элькунын ужа финн-угор калыкъёслэн культуразыя центр. Отысь ӧнерчиос тыршо кусыпъёс тупатыны Россиысь пӧртэм улосъёсын, кунгож сьӧрысь выжы калыкъёсын. Коми центрлэн ужамез адӟем карымон луиз быдэс кунлы – финн-угор калыкъёслэн культуразыя Росси центр усьтӥськиз. Россиысь котькуд финн-угор улосысь ӧнерчиослэсь кылдытэмын кенеш. Кенешлэн ёзчиосыз программаос но проектъёс, грантъёс гожтон бордын ужало. Огазеяськонын кылдытэмын ивор вӧлмытонъя «Финноугория» центр (www.finnougoria.ru). Росси центр 2008-тӥ арысен поттыны кутскиз «Финноугория. Этнический комфорт» нимо журнал, юрттэ Коми шаерлы «АРТ» журналзэс поттыны, озьы ик финн-угор кылъёсы берыктэм ужъёсын «Черёмуховая река» нимо альманах, драматургъёслэн произведениосынызы бичет дася. Озьы ик, юрттэ ужрадъёс ортчытыны, крезьгур инструментъёсты лэсьтӥсь, вашкала киужъёсын вырись кибашлыослы.

28-тӥ оштолэзь 1974 ар:
Удмуртиысь культурая колледжын кылдӥз эктонъя но кырӟанъя «Зангари» ансамбль

 29 оштолэзь 2009 ар:
Дмитрий Загребин ортчытиз Fashion club-ын нырысетӥзэ удмурт позыръяськон. Ужрад «Эксей ӝыт» нимаськиз

30-тӥ оштолэзь 1940 ар:
Вотка карын П.Чайковскийлэн улэм юртаз усьтӥзы музей

КУАРТОЛЭЗЬ (МАЙ)

1-тӥ куартолэзь:
вордӥськем нуналзэ пусъе Удмурт Элькунысь Калык артист Геннадий Ганьков

Удмуртский молодёжный календарь

1-тӥ куартолэзь:
вордӥськем нуналзэ пусъе Кибардина Светлана Михайловна – автор программ «Кто мы», «Кык Олёшъёс» (Мужской клуб). На телевидении более 15 – ти лет. Работала корреспондентом студии телевидения ГТРК «Удмуртия». Была автором и ведущей детских программ «Рос – Прос» и «Питран», программы «Пумиськонъес» («Встречи»). В 1997 –ом году передача «Питран» вошла в тройку призеров на фестивале «Вся Россия» в номинации «Лучшая детская программа». Программа «Пумиськонъес» в 1998- ом и 1999 годах – призер Республиканских конкурсов в номинации «Лучшая программа о женщинах». За добросовестный труд, высокий профессионализм и в связи с 45- летием студии телевидения ГТРК «Удмуртия» отмечена Почетной грамотой Министерства печати и информации УР.

Удмуртский молодёжный календарь

На ГУП УР «ТРК «Удмуртия» с 2002-го года. Автор цикла «По соседству мы живём». В 2003- ем году за цикл программ «По соседству мы живем -1» награждена 1- ой премией Всероссийского конкурса журналистских и писательских работ «Моя малая Родина». В том же году отмечена Дипломом победителя конкурса Удмуртского регионального отделения МедиаСоюз в номинации «Жанры 21- го века». Авторская группа программы «По соседству мы живем» награждена Дипломом Министерства национальной политики УР за 1- ое место в Республиканском конкурсе журналистов «Удмуртия многонациональная» в номинации «Материалы, вышедшие в телеэфире».
Программа получила Гран-при на седьмом международном конкурсе “Золотой Бубен” (г.Ханты–Мансийск). В 2004 – ом году программа «По соседству мы живем – 2» на 11 Международном фестивале телефильмов и программ «Финно- угорский мир» получила Диплом в номинации «Приз зрительских симпатий».
Серия программ «Люди дела» из цикла «По соседству мы живём-4» в 2007-ом году стала победителем на республиканском конкурсе СМИ о малом предпринимательстве. В том же году эта программа — победитель Всероссийского конкурса.
Программы из цикла «Истории Победы» в 2005 году была отмечена дипломами на 7 Всероссийском фестивале «Щит России», на германско – русском форуме в Берлине в 2005 году.
На ТРК “Удмуртия” создала цикл программ “Жду тебя” – телевизионная служба знакомств.
С 2005 года – автор и ведущая прямого утреннего шоу “Шундыберган”. (“Подсолнух”). Эта программа стала одной из рейтинговых на телеканале. C 2011 года автор программ «Кык Олёшъёс» и программ из цикла «Кто мы?». Передача о старообрядцах из цикла «Кто мы?» получила первое место на Всероссийском конкурсе «Смиротворец -2011».
С 2006 года по 2010 год – автор сценария новогодних музыкальных фильмов. Также по сценариям Светланы Кибардиной снято более 150- ти клипов с участием артистов удмуртской эстрады, автор многочисленных промороликов. В 2007 году присвоено звание “Заслуженный журналист Удмуртии”.

6-тӥ куартолэзь 1958 ар:
Воткаын усьтӥськиз П.Чайковскийлы сӥзем нырысетӥез крезьгуро фестиваль. Та сярысь кичӧлтонэн потӥз СССР-ысь министръёслэн кенешсы

6-тӥ куартолэзь:
вордскем нуналзэ пусъе удмурт рэп гожъясь но быдэсъясь Павол (Павел Шибанов)

8-тӥ куартолэзь:
вордскем нуналэз Кирилл Кирилловлэн – Bobolenin группалэн азьветлӥсез

Удмуртский молодёжный календарь

12-14 куартолэзь 2005 ар:
Удмуртиын ортчиз «Новая Песня Древней Земли. Этно-pro-движение» юмшан-фестиваль. Шаерамы лыктэмъёс калык лулчеберетэн тодматскыны вуылӥзы Кияса ёросысь Карамас-Пельга гуртэ

12-16-тӥ куартолэзе 2005 ар:
Ижкарын ортчизы финн-угор студентъёслэн XXI калыккуспо конференцизы (IFUSCO),  финн- угор егитъёслэн ассоциацизылэн VII конгрессы.

13-тӥ куартолэзь 1964 ар:
Ижын чузъяськиз нырысетӥ удмурт симфония, авторез –Г.Корепанов

14-тӥ куартолэзь 1998 ар:
удмурт егитъёслэн «Шунды» огазеяськонзы кун регистраци ортчиз

15 куартолэзь 1992 ар:
кылдӥз Россиысь финн- угор калыкъёслэн ассоциацизы

15-тӥ куартолэзь 2008 ар:
Удмурт кун филармонилэн юртаз «Малпан» группалэн нырысетӥ сольной концертэз радъямын вал. Лыктэмъёс тодмо ӟуч но кунгож сьӧрысь кырӟанъёсты удмурт кылын кылзӥзы.

19-тӥ куартолэзь 1909 ар:
Удмуртиын (Сарапулысь клубын) нырысьсэ возьматӥзы кино.

20-24-тӥ куартолэзь 2002 ар:
«Шунды» огазеяськон удмурт егитъёс понна радъяз нырысетӥзэ улосвыл INTERNET-семинар

23-26-тӥ куартолэзь 2002 ар:
Ижкарын радъямын этнофутуризмъя «ИДНА» фестиваль. Вуизы Финляндиысь, Эстониысь, Карелиысь, Мордовиысь, Хант-Манси автоном округысь но мукет улосъёсысь егит суредасьёс, туспуктӥсьёс, кылбурчиос, кырӟасьёс, тодосчиос

24-тӥ куартолэзь 2006 ар:
кылбурчи но журналист – Зинаида Рябинина – удмурт филологи факультетын дышетскисьёсты тодматӥз «Синмаськем тӧлъёс» нимо кылбур бичетэныз.

Удмуртский молодёжный календарь

24-тӥ куартолэзь 1956 ар:
Швейцариысь Лугано городын ортчиз нырысетӥез «Евровидение» конкурс.
Отчы пыриськиз 7 кунъёсысь 14 кырӟась. Швейцариысь Лис Ассия нырысетӥ интые потӥз. Пумен ужрад паськытаз, тодмо луиз, пыриськыны мылкыд карисьёслэн лыдзы будӥз. Венгрия Евровидение нырысьсэ пыриськиз 1994 арын. Соку ик Фредерика Баер 4-тӥ инты басьтӥз. Нош Финляндия Евровидение конкурсэ нырысьсэ 1961-тӥ арын пыриськиз. Арлы быдэ пӧртэм мугъёсъя ӵошатсконэ вуылыны ӧз быгаты. 2006-тӥ арозь финнъёслэн нюръяськемзы емышъёс ӧз сётэ. Югдурез воштӥз Lordi рок-группалэн Грециын ортчем Евровидение ветлэмез. Со аре та группа понна тужгес но трос куара сётэмын вал. Та дырозь поп амалэн кырӟасьёсты гинэ пусъё вал конкурсын, нош соку рок амалэз но лыдэ басьтӥзы. 2005-тӥ арын Teräsbetoni группа но паймытиз кылзӥсьёсты финн кырӟанэн, но нырысетӥ интые ӧз поты. Пусйыны кулэ созэ но – нырысьсэ Евровидение меӵак эфирын возьматэмын вал 1960 арын. Та ужез бергатӥз Финляндия. Эстониысь кырӟасьёслы тужгес но удалтӥз 2001 арын. Соку Евровидениын нырысетӥ инты басьтӥзы Танель Падар но Дэйв Бентон. Соос ӵошен потӥзы сцена вылэ. Нош 2002 арын Эстониысь Sahléne кырӟась 3-тӥ интые потӥз.

24-тӥ куартолэзь 2009 ар:
Удмурт театрын ортчиз Кумышкалэн но Клаудиялэн «Артысь артэ» ужрадзы. Учкисьёс тодматскизы на Дарали Лелилэн соку гинэ потэм «Гур сьӧрысь суредъёс» нимо книгаеныз.

24-тӥ куартолэзь 1956 ар:
Швейцариысь Лугано городын ортчиз нырысетӥез «Евровидение» конкурс.
Отчы пыриськиз 7 кунъёсысь 14 кырӟась. Швейцариысь Лис Ассия нырысетӥ интые потӥз. Пумен ужрад паськытаз, тодмо луиз, пыриськыны мылкыд карисьёслэн лыдзы будӥз. Венгрия Евровидение нырысьсэ пыриськиз 1994 арын. Соку ик Фредерика Баер 4-тӥ инты басьтӥз. Нош Финляндия Евровидение конкурсэ нырысьсэ 1961-тӥ арын пыриськиз. Арлы быдэ пӧртэм мугъёсъя ӵошатсконэ вуылыны ӧз быгаты. 2006-тӥ арозь финнъёслэн нюръяськемзы емышъёс ӧз сётэ. Югдурез воштӥз Lordi рок-группалэн Грециын ортчем Евровидение ветлэмез. Со аре та группа понна тужгес но трос куара сётэмын вал. Та дырозь поп амалэн кырӟасьёсты гинэ пусъё вал конкурсын, нош соку рок амалэз но лыдэ басьтӥзы. 2005-тӥ арын Teräsbetoni группа но паймытиз кылзӥсьёсты финн кырӟанэн, но нырысетӥ интые ӧз поты. Пусйыны кулэ созэ но – нырысьсэ Евровидение меӵак эфирын возьматэмын вал 1960 арын. Та ужез бергатӥз Финляндия. Эстониысь кырӟасьёслы тужгес но удалтӥз 2001 арын. Соку Евровидениын нырысетӥ инты басьтӥзы Танель Падар но Дэйв Бентон. Соос ӵошен потӥзы сцена вылэ. Нош 2002 арын Эстониысь Sahléne кырӟась 3-тӥ интые потӥз.

25-тӥ куартолэзь 2000 ар:
этнографияя нырысетӥ фестивальлэн «Мушому» («Земля пчёл») нимо ужрадэз усьтӥськиз. Со кыстӥськиз 10-тӥ инвожоозь (радъясез – суредась Юрий Лобанов)

25-тӥ куартолэзь 2003 ар:
Токиоын ортчем мультипликациосъя «Лапута» фестивальын Юрий Норштейнлэн «Ёжик в тумане» мультфильмез тужгес но устоеныз ялэмын. Таӵе малпанэ вуизы пӧртэм шаеръёсысь 140 ӧнерчиос.

27-28-тӥ куартолэзь 2009 ар:
Брангуртысь песянайёс пыриськизы Людмила Зыкиналэн юбилеезлы сӥзем концертэ

28-тӥ куартолэзь 2009  ар:
Анастасия Ӵушъялова пыриськиз Москваысь Красной Площадьын ортчем концертэ

29-тӥ куартолэзь 2002 ар:
«Мисс Вселенная» ӵошатсконын нырысьсэ вормисе потӥз Россия – бриллиантъёслэсь коронаез сётӥзы Оксана Фёдоровалы

29-тӥ куартолэзь 2008 ар:
Авиатор клубын егитъёс тодматскизы Паволлэн но «Нылок» группалэн рэп амалэн быдэстэм кырӟанъёсынызы

ИНВОЖО (ИЮНЬ)

инвожо 1990 ар:
Инвожо” журналлэн нырысетӥ выпускез потӥз. Журналлэн кылдон сюресаз пытьы кельтӥз Удмуртиысь культура удысысь дано ужась Никвлад Самсонов. Со луиз журналлэн нырысетӥ редакторез. Солэн кичӧлтэмезъя удмурт егитъёс понна нырысьсэ потыны ӧдъяз яркыт журнал. Бӧрысь журналэн кема аръёс ӵоже кивалтӥз Удмуртиысь калык писатель Егор Загребин. Туннэ журналлэсь редакцизэ валтэ Пётр Захаров.

Инвожо 1990 ар:
кылдӥз МАФУН (Молодёжная ассоциация финно-угорских народов) – финн-угор егитъёслэн калыккуспо огазеяськонзы.
Удмуртъёслэн нимынызы отчы пыре “Шунды”. МАФУН-лэн ёзчиосыз луо ог 40 пала огазеяськонъёс. Соос дуннелэн пӧртэм сэрегъёсаз ужало – Россиын, Финляндиын, Венгриын, Эстониын, Швециын, Норвегиын. Финн-угор калыкъёслэсь анай кылзэс но лулчеберетсэс азинтон, соос сярысь иворъёс вӧлмытон, егитъёслы тодон-валан басьтыны юрттон – МАФУН азьын сылӥсь валтӥсь ужпумъёс. Ассоциация люкиське координационной центръёслы – фин, венгр, ӟуч, удмурт. 2009-тӥ арын кылдытэмын Россиысь финн- угор егитъёслэн ассоциацизы. Кивалтӥсе быръемын Татьяна Ишматова, штаб-квартираез интыяськемын Ижкаре.

3-тӥ инвожо 2009 ар:
Ижкарысь Авиатор уй клубын ортчиз «Эктоника» дискотека. Радъясез – Yumshan Promo

5-тӥ инвожо 1999 ар:
Россилэн футболъя сборной командаез вормиз дунне чемпионъёсты – Франциысь футболистъёсты. Россиын улӥсьёс одӥг нунал гинэ оз пусъе та вормонэз. Одӥгез спортъя газет ӵектӥз та нуналэз Росси футболлэн нуналэныз ялыны.

5-тӥ инвожо 1977 ар:
вузкаронниосы потӥз нырысетӥез профессиональной компьютер (Apple II). Бадӟым дуныз шоры учкытэк, 2 миллионлэсь трос адямиос мылкыд каризы сое басьтыны.

7-тӥ инвожо 2005 ар:
удмуртъёслэн «Дэмен» огазеяськонзы кутӥз пуктэт: азьмынӥсь дышетскисьёслэсь ужъёссэс Герман Ходырев нимо премиен пусъёно

9 инвожо 2005 ар:
Дэбес ёросысь депутатъёслэн кенешсы юнматӥз пуктэт: ёросын вордскем тужгес но тыршыса ужасьёслы Г.М.Корепанов-Камский нимо преми сётоно. Та премиен пусъемын ни Г.Опарина, П.Поздеев, В.Нуриахметов, Г.Образцова но мукетъёс.

9-тӥ инвожо 2006 ар:
Ижкарысь удмуртъёслэн шулдыръяськон интыязы– Кызьпу арамаын– усьтэмын кечлы памятник. Авторъёсыз –Александр Суворов, Дмитрий Постников.

Удмуртский молодёжный календарь

11-тӥ инвожо:
вордскем нуналзэ пусъе «Удмурт кенеш» огазеяськонлэн тӧроез, Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез Татьяна Ишматова (1980)

Удмуртский молодёжный календарь

12-13-тӥ инвожо 2009 ар:
 Дэри ёросысь «Тӧдьы юсь» ансамбль пыриськиз Карелиын ортчем «Выжы калыкен куноян» калыккуспо фестивале

13-тӥ инвожо:
вордскем нуналзэ пусъе удмурт эстрадаысь кырӟась, крезьгурчи, удмурт караоке кылдытӥсь Александр Катков (1980)

Удмуртский молодёжный календарь

13-тӥ инвожо 1934 ар:
кылдӥз Удмуртиысь писательёслэн огазеяськонзы. Нырысетӥ тӧроез Кедра Митрей вал.

14-тӥ инвожо 1992 ар:
шаерамы нырысьсэ ортчиз Элькун Гербер. Вашкала дырысен кылдэм Гербер праздникмес 1992 арын пӧрмытӥзы вань удмуртъёсты огазеясь праздниклы. Озьы нырысьсэ Алнаш музъем вылысь Кузёбае кыстӥськизы быдэс Элькунысьтымы но, палэнысьтыз но удмуртъёс, финн-угор дуннеысь куноос. Ӝужыт гурезь йылысь вашкала керемет вӧсь соку нырысьсэ, дыр, туж тросэн ӵош адзиз Ватка но Калмез выжы удмуртъёсты. Одӥг семья кадь соос вӧсяськизы, Инмарлэсь ӟеч улон куризы. Собере ог-огенызы тодматскизы, шулдыръяськизы.
Бӧрысь аръёсы Гербер праздникъёс ортчылӥзы Кияса, Можга, Шаркан, Завьял ёросъёсын. Котькудӥз огазеяз трос калыкез, зэмос праздниклы пӧрмылӥз. Чебереныз но ӟеч радъяменыз тросэзлэн сюлмазы кылиз, луоз, Кияса ёросын ортчемез. Куазь чидантэм пӧсь ке но, калык туж трос люкаськиз. Вань лыктэмъёс удмурт дэремъёсын, чыртывесьёсын. Но пӧлысьтызы тужгес но висъясько Кияса ёросысь удмурт нылкышноос: лемлет дэремъёсын, юг тӧдьы пужъятэм айшетъёсын ваче кутӥськыса, кырӟаса радэн-радэн мыно. Жингрес куаразы кыдёке чузъяське, асьсэос но выль кенъёс кадь адӟисько. Собере калык вуиз бусы дуре, вӧсяськемез учкыны. Вашкала дырысен кылдэм вань радзэ чакласа вӧсяськизы, луоз, та палась тӧдьы дӥсен дӥсяськем зэмос вӧсясьёс: малпамтэ шорысь чылк-чылк инбаме пилем люкаськиз но зорыны кутскиз. Пӧсен ӝокатэм калык нырысь паймиз, собере мускыт омырлы шумпотӥз. (Романова Г. Гербер шулдыръяськонъёс // Инвожо. № 1–2. 1999)

Удмуртский молодёжный календарь

17-тӥ инвожо 2008 ар:
кылдытэмын финн-угор калыкъёслэн Uralistica мерлыко сетьсы.

18-21-тӥ инвожо 2003 ар:
Ижкарын ортчиз этнофутуризмъя «Пельнянь» фестиваль. Кичӧлтӥсез – Юрий Лобанов

18-26-тӥ инвожо 2008 ар:
кырӟанъя но эктонъя «Айкай» театр вуылӥз Томск улосысь удмуртъёс доры, отын ортчизы калык лулчеберетлы сӥзем нуналъёс

19-тӥ инвожо 1829 ар:
Вотка заводын усьтӥськиз шаерысьтымы нырысетӥез музей.

19-21-ти инвожо 2009 ар:
Удмуртиын ортчиз 4-тӥез калыккуспо «Воршуд» фестиваль. Ужрадэ пыриськизы шаерысьтымы, Комиысь, Татарстанысь, Москваысь но мукет улосъёсысь фольклорен тунсыкъяськись егитъёс.

20-тӥ инвожо 1998 ар:
Кияса ёросын ортчиз удмурт егитъёслэн «Мервось» фольклор праздниксы. Пыриськизы лымшор ёросъёс. Егитъёс возьматӥзы удмуртъёслэсь тулыс но гужем праздникъёссэс.

21-тӥ инвожо 2009 ар:
Элькун Гербер ортчиз Дэри ёросысь Вуж Мартьяны гуртын

21-тӥ инвожо:
скейтбордлэн калыккуспо нуналыз
Нырысетӥ скейтборд кылдытэмын вал Америкаын 1958-тӥ арын. Соку пӧрмытэмъёсыз трослы висъяськизы туала модельёслэсь. Азьвыл егитъёс шонер доскаез кутӥзы, нош бӧрысь Ричард Стивенсон малпаз доскалы быж лэсьтыны но сое вылэ ӝутыны. Туннэ скейтбординг егитъёслэн одӥгез яратоно спортсы. Go Skateboarding Day – таче ӧтён улсын пусъё та нуналэз Россиысь егитъёс. 2006-тӥ арын скейтбордлэсь нуналзэ пусйизы кунысь 13 каръёс – Москва, Санкт-Петербург, Архангельск, Казань, Киров, Краснодар, Новороссийск, Новосибирск, Омск, Пермь, Сыктывкар, Чебоксары но Самара. Нош 2007 арын та лыдпус 19-озь вуиз. Арысь аре Россиысь скейтбордэн вырисьёс вӧзазы трос но трос эшъёс люкало. Котькуд карын 21-тӥ инвожое ӵошатсконъёс ортчо, егитъёс быгатонлыкъёссэс возьмато.

22-тӥ инвожо 1984 ар:
«Чипчирган» ансамбле ветлӥсьёс вуылӥзы Венгриын радъям егитъёслэн калыккуспо лагеразы

25-28-тӥ инвожо 1998 ар:
 Ижкарысь Егитъёслэн юртазы ортчиз творчество удысын ужась егитъёслэн «Этнофутуризм – 98» нимо ужрадзы

25-тӥ инвожо 2009 ар:
улонысь кошкиз поп-крезьгурлэн эксэез – Майкл Джексон

26-тӥ инвожо 1918 ар:
Елабугаын ортчиз удмуртъёслэн нырысетӥ Росси Ӧтчамзы.

27-тӥ инвожо 2003 ар:
Удмурт кун университет дорын усьтӥзы А.С.Пушкинлы памятник. Табере со студентъёслэн одӥгез яратоно шутэтскон интызы

Удмуртский молодёжный календарь

28-тӥ инвожо 1998 ар:
Ижкарын усьтӥськиз этнографияя нырысетӥез фестиваль. «Егит гондыр веме» («Дом молодого медведя») ужрад ортчиз. Кичӧлтӥсез – суредась Юрий Лобанов

29 инвожо – 6 посьтолэзь 2000 ар:
элькунын радъямын нырысетӥез «Лагерь дружбы» калыккуспо смена. Соку кылдытэмын пӧртэм выжы калык егитъёслэн «Вместе» огазеяськонзы

29-тӥ инвожо 1976 ар:
вордскиз Кондратьева Наталья Владимировна – филологи наукаосъя доктор, профессор, удмурт кылчи, Удмурт кун университетысь удмурт кылосбуръя, финноугроведения но журналистикая институтэн кивалтӥсь, 70 печатлам научной ужъёслэн авторзы

Удмуртский молодёжный календарь

30-тӥ инвожо 1936 ар:
Ижын усьтӥськиз «Динамо» стадион.
Быдӟым Ожын Вормонлы 65 ар тырмон юбилейлы сӥзьыса, 2009 арын шаерамы поттэмын «Воинская слава Удмуртии» книга. Авторез – Россиысь писательёслэн огазеяськонзылэн ёзчиез, Удмуртиысь сӥё-дано журналист – Николай Кузнецов. Нырысьсэ калык быгатэ тодматскыны сюрслэсь трос оже пыриськем улосчиосмылэн, шаерамы вуылэм ожгарчиослэн лэсьтэм ужъёсынызы, подвигъёсынызы. Соос сярысь верало архивъёсысь шедьтэм ужкагазъёс. Книгае котькуд ожгарчилэн туспуктэмез пыртэмын, вакчияк возьматэмын солэн улэм но ужам сюресэз. Озьы ик, басьтэм наградаоссы сярысь верамын. Шаерамы вордскем но оже пыремъёс пӧлысь 104-лы Совето Союзысь Герой ним сётэмын, Ленин нимо орденэн 38-эз пусъемын, Суворов нимо орден 10 адямилы сётэмын, Александр Невский нимо орден – 104-лы. «Берпуметӥ 5 ар куспын Россиысь обороная Министерстволэн Подольске интыяськем архивезлэн фондысьтыз наградаосъя 2000-лэсь трос ужкагазъёс шедьтэмын. Соос герӟаськемын асьме дорын вордскем ожгарчиосын,– гожтэ Н. Кузнецов книгалэн азькылаз. – Та книга ожгарчиослэсь нимзэс пыраклы улзытыны кулэ, мед шаерамы улӥсьёс тодазы возёзы соослэсь лэсьтэм подвигъёссэс. Адӟем мед карозы соослэсь»

Пӧсьтолэзь (ИЮЛЬ)

1-тӥ посьтолэзь 1990 ар:
Егитъёслы сӥзем  «Инвожо» журнал потыны кутскиз.

1-тӥ пӧсьтолэзь 2000 ар:
Алнаш ёросысь Кузёбай гуртын ортчиз фольклоръя но этнография нырысетӥез «Эру» праздник. Сое радъязы «Шунды» огазеяськонысь егитъёс

2 июля 2010 года:
в сети опубликована бета-версия Удмуртского Электронного Переводчика, автор разработки Андрей Болтачев.

2-тӥ пӧсьтолэзь 1960 ар:
Вордскиз Удмурт театрлэн директорез, культурая «Дэмен» огазеяськонлэн азьвыл кивалтӥсез, Удмуртиысь дано артист Андрей Ураськин.

Удмуртский молодёжный календарь

2-тӥ пӧсьтолэзь 1989 ар:
«Чипчирган» ансамбль пыриськиз Эстониын ортчем калык крезьгуръя «Балтика-89» фестивале

5-тӥ пӧсьтолэзь 1894 ар:
Николай II эксэй косэмъя Алнаш ёросысь Асанын усьтӥськиз гурт удыслы дышетонъя ферма – али совхоз- техникум

5-тӥ пӧсьтолэзь 1972 ар:
 вордскем нуналзэ пусъе Кун Думаысь депутат, история наукаосъя доктор, профессор, “Удмурт Кенеш” огазеяськемлэн исполкомчиез Алексей Загребин

Удмуртский молодёжный календарь

5-10-тӥ пӧсьтолэзь 2009 ар:
Финн-угор кылъёсты берыктӥсьёслэн Сыктывкарын слётсы ортчиз. Отчы пыриськизы шаерысьтымы егит берыктӥсьёс – Александр Егоров но Ирина Соснова. 

5-15-тӥ пӧсьтолэзь 2008 ар:
кырӟанъя но эктонъя «Айкай» театр пыриськиз Кипрын ортчем 13-тӥ калыккуспо фестивале

6-тӥ пӧсьтолэзь 2006 ар:
Александр Катков поттӥз удмурт кырӟанъёсын нырысетӥ караоке-диск

9-тӥ пӧсьтолэзь:
вордӥськем нуналзэ пусъе “Удмурт Кенеш” огазеяськемлэн Яр ёросысь ёзэныз кивалтӥсь Валентина Дементьева

Удмуртский молодёжный календарь

11-тӥ пӧсьтолэзь 1933 ар:
Ижкарын усьтӥськиз город но республика понна нырысетӥез стадион. Кема улӥз «Зенит» нимын, али валтӥсь элькун стадион шуыса нимаське

13-20-тӥ пӧсьтолэзь 1998 ар:
нырысетӥ этнографии фестивальлэн кыкетӥ  – «Одомаа» («Родная удмуртская земля») нимо ужрадэз ортчиз.

14-тӥ пӧсьтолэзь 1964 ар:
вордскем нуналзэ пусъе Георгий Грязев – “Удмуртия” книгапоттониысь валтӥсь редактор, Удмурт Элькунысь сӥё-дано журналист, “Удмурт Кенеш” огазеяськемлэн йӧскалык премиосъя ӧриезлэн кивалтӥсез, Эрик Батуев нимо йӧскалык премилэн лауреатэз Георгий Грязев.

Удмуртский молодёжный календарь

18-тӥ пӧсьтолэзь 2009 ар:
удмурт интернэт эшшо одӥг сайтлы узырмиз. Роман Романов, “ВКонтакте” сайтысь нырысетӥ удмурт социальной вотэслэн кылдытӥсез, Алексей Шкляевлэн ӵектэмезъя усьтӥз “Удмуртлык” нимо сайт.

19-31-тӥ пӧсьтолэзь 2007 ар:
Ижкарын усьтӥськиз этнофутуризмъя «Югытлыко устолык» («Искусство света») симпозиум. Нырысетӥез ужрад нимаськиз – «Сер но тур». Кичӧлтӥсез – суредась Юрий Лобанов

20-тӥ пӧсьтолэзь:
Вордӥськем нуналзэ пусъе Николай Николаевич Мусалимов – удмурт политик, «Удмурт кенеш» огазеяськонлэн азьвыл кивалтӥсез. Николай Николаевич трос аръёс ӵоже ужаз Удмурт Элькунлэн нырысетӥ президентлэн юрттӥсез луыса, со вал йӧскалык политикая министр, Кун Думалэн депутатэз, Удмуртиысь Правительстволэн Тӧроезлэн воштӥсез.Николай Николаевичлы “Удмурт Элькунысь кун но муниципал службаысь дано ужась” ним сётэмын. Со Удмурт Элькунысь кивалтэтлэн но Удмурт Элькунлэн Данъян грамотаосынызы пусъемын.Та вакыт (2020) Сьӧлта землячестволэн кивалтӥсез луэ

Удмуртский молодёжный календарь

21-тӥ пӧсьтолэзь 1994 ар:
родился Иван Белослудцев – автор текстов и музыки, певец, исполняющий свои композиции под свой же аккомпанемент, Иван запомнился многим (особенно девушкам) своими балладами о любви — романтичными и мелодичными. Некоторые из них стали саундтреками к удмуртскому фильму «Пузкар», и именно голосом Ивана пел главный герой картины. В 2012 году Белослудцев и его группа «4 чебер пиос» представляли Удмуртию на международном конкурсе в Испании — так называемом Евровидении малых народов Liet International. Ребята заняли 9 место. В 2015 году у них были мини-гастроли по Финляндии

22-тӥ пӧсьтолэзь 2020 ар:
Ӟуч кылэ берыктэмын Кузёбай Гердлэн “Матӥ” повестез. Со сярысь ивортӥз аслаз вотэсбамъёсаз писатель Андрей Гоголев. Повестез скачать карыса лыдӟыны яке кылзыны луэ – аудиоверсия но лэсьтэмын

Удмуртский молодёжный календарь

25-тӥ пӧсьтолэзь 2020 ар:
ортчиз онлайн амалэн Кубыз фестиваль. Анастасия Шумилова гожтэ:
“Ёросъёсын улӥсьёслэн луонлыксы кылдӥз трос удмурт кырӟасьёсты адӟыны, Иже вуылытэк. Пӧртэм арлыдо адямиос учкизы фестивалез. Тросэз туала исполнительёс кырӟало клубъёсын но, оло, мӧйыгес калык уггес дӥсьты отчы мыныны. Нош татын вотэс аслэсьтыз ӟеч функцизэ быдэстӥз — эрик сётӥз, пӧртэм арлыдо адямиосты ваче вуттӥз.
“Туала + вашкала” концепция выль ӧвӧл ини — та заветэз асьмелы Павел Поздеев кельтӥз, оло, кин ке солэсь азьло но… Али тросэз удмурт проектъёс та малпан вылэ пыкисько. Но туннэ та концепция сыӵе югыг вал. Кызьы валэктод — пӧртэм вакытъёс, поколениос куспын метафорической выж адӟиськиз. Кыӵе асьмелэн профессиональной коллективъёс, кыӵе быгатыса егитъёс вашкала гуръёсты быдэсто… И вообще кыӵе ваньзы пӧртэмесь. Авторской крезьгур но поп-музыка вискын но выж кылдытӥзы каверъёс (кыӵе ӟеч вылэм “Палас”). И та форматэз но — “Золотой граммофонэз” тодэ вайытӥсь — тоже кыӵе ке огазеясь. Мон пичи дыръям сое анай-атаен учкылэмын. Дарали кӧня ке ретро стилен ведущей вал, синмаськымон.”

Удмуртский молодёжный календарь

25-тӥ пӧсьтолэзь–16-тӥ гудырикошкон 1947 ар:
Нырысетӥзэ радъямын вал егитъёслэн но студентъёслэн дунне фестивальзы. Кыкетӥ дунне ож бырем бере, Лондонын ортчиз тупаса улонлы сӥзем конференция. Отчы пыриськизы будэс дуннеысь студентъёс. Соос вераськизы тупаса улон понна нюръяськись егитъёслэсь дунне огазеяськонзэс кылдытон пумысен, озьы ик егитъёслэсь но студентъёслэсь фестивальёссэс радъян сярысь. Нырысетӥез фестиваль ортчиз Прагаын. Ужрадэ пыриськизы 70-лэсь трос шаеръёсысь 17 сюрс адями. Бӧрысь таӵе фестиваль кык арлы одӥг пол ортчылӥз. Ужрадын ӝутэм юанъёс тупаса улонэн, егитъёслэн луонлыкъёссы но катъёссы понна нюръяськонэн, мукет выжы калыкъёсын огкыл утчанэн герӟаськемын. Тужгес но трос калык люкаськиз 1957-тӥ арын Москваын ортчем VI фестивале – 34 сюрс адями. 2001-тӥ арын егитъёс но студентъёс нырысьсэ люкаськизы Африкае – XV фестиваль ортчиз Алжирын.

25-тӥ пӧсьтолэзь–16-тӥ гудырикошкон 2009 ар:
кырӟанъя но эктонъя «Айкай» театр пыриськиз Бельгиын но Нидерландын ортчем калыккуспо фестивале

27-тӥ пӧсьтолэзь – 3-тӥ гудырикошкон 1985 ар:
«Чипчирган» ансамбль пыриськиз Москваын ортчем егитъёслэн но студентъёслэн ХХI дунне фестивалязы. Татын тодматскизы Испаниысь, Англиысь, Мексикаысь студентъёсын

28-тӥ пӧсьтолэзь–2-тӥ гудырикошкон 2009 ар:
Юрмалаын ортчем «Новая волна – 2009» калыккуспо ӵошатсконын куинетӥ интые потӥз Глазкарысь Марк Юсим

31-тӥ пӧсьтолэзь:
вордскем нуналзэ пусъе удмурт шӧмо дӥськут вурись дизайнер Polina Kubista

Удмуртский молодёжный календарь

ГУДЫРИКОШКОН (АВГУСТ)

1-тӥ гудырикошкон 1993 ар:
Глаз ёросын кылдӥз инбам улысь «Иднакар» музей

2-тӥ гудырикошкон:
“Выль” шулдырьяськон

2-тӥ гудырикошкон 1918 ар:
удмурт калык учкиз нырысетӥзэ анай кылын спектакль. Глаз уездысь Ягошур гуртысь дышетӥсь – А. Н. Ураснова – берыктӥз Л. Н. Толстойлэсь «От неё все качества» комедизэ но сое сцена вылын пуктӥз.

 2-3-тӥ гудырикошкон 2008 ар:
 “АРТАНА” ялкарон базаын “ВЫЛЬ” праздниклы сӥзем шулдыръяськон ортчиз.

3-тӥ гудырикошкон 2013 ар:
Один из старейших музыкальных порталов рунета zaycev.net выложил ижевскую электронную музыку на фронтпейдж. В плейлист наряду с РяБа Мутантъ попали и Post-Dukes & Bobolenin с треком Alangasar.
В 90-е годы прошлого века Ижевск получил неформальный статус «столица русской электронной музыки». Столько танцевальных и этноэлектронных проектов, ротируемых на Западе, не удалось создать ни Москве, ни Санкт-Петербургу. Одному из самых интересных явлений в истории отечественного андерграунда — ижевской электронной сцене конца 1980-х — начала 1990-х посвящена эта подборка на Зайцев.нет.

3-8-тӥ гудырикошкон 2003 ар:
«Шунды» огазеяськон гуртын улӥсь егит семьяос понна нырысетӥзэ «Шудо семья» лагерь радъяз.

 5-тӥ гудырикошкон 2007 ар:
усьтӥськиз выльдэм Св. Михайловский Собор

 8-тӥ гудырикошкон:
вордскем нуналзэ пусъе удмурт ужрадъёсты нуись Ольга Угланова (1988)

Удмуртский молодёжный календарь

8-тӥ гудырикошкон:
вордскем нуналзэ пусъе удмурт егит кылбурчи, егит тодосчи, кырӟась, Богдан Анфиногенов (1990).

Удмуртский молодёжный календарь

9-14-тӥ гудырикошкон 2006 ар:
Ижкарын ортчизы гужем шудонъёсъя 6-тӥез России гурт ӵошатсконъёс.

 11-тӥ гудырикошкон 2009 ар:
Москваысь удмурт егитъёслэн огазеяськонзылы «МУШ» ним сётэмын.

12-тӥ гудырикошкон:
егитъёслэн калыккуспо нуналзы

12-тӥ гудырикошкон 2000 ар:
 Баренцево зарезе выйиз ву улын ветлӥсь «Курск» лодка. Бырыны шедизы 118 ӧнерчиос но армиын служба нуись егитъёс.

13-тӥ гудырикошкон, 1987 ар:
вордскем нуналзэ пусъе Дарали Лели(Елена Владимировна Петрова) – гожъяськись, прозаик, дизайнер, драматург, “Юмок” театрлэн кивалтӥсез. Наградаосыз но премиосыз:

  • Бадӟым проза гожтӥсьёс пӧлын «Кенеш» журналлэн литературной конкурсаз вормись («Зорнамер но Занна» роман), 2018
  • Эстониысь ӵыжы-выжы луись калыкъёслэн программазылэн «Древо мира» премиез удмурт кар лулчеберетэз кылдытэмез но вӧлмытэмез понна, 2014
  • Удмурт журналистика удысысь Эрик Батуев нимо премия, Егитъёсын ужанъя министерстволэсь нимысьтыз приз «Удмурт дуннеысь» егитъёслы сӥзем «Дарт» ватсэтсэ дасямез но тунсыко материалъёс гожъямез понна, 2012
  • «Зарни вотэс» чошатсконын нимысьтыз приз – ноутбук, 2012
  • «Удмурт кенешлэсь» егитъёслы нырысети удмурт кино пуктэм понна Таукарон, 2011
  • «Юмшан-promo» «Удмурт блогиня» ним сётиз, 2010.
Удмуртский молодёжный календарь

15-18-тӥ гудырикошкон 2005 ар:
ортчытэмын этнофутуризмъя калыккуспо «Артана» фестиваль

18-тӥ гудырикошкон 1929 ар:
Дэбес ёросысь Ягвуко гуртын вордскиз крезьгурчи, кырӟась, Россиысь искусство удысысь дано ужась, Удмуртиысь калык артист Геннадий Корепанов-Камский

Удмуртский молодёжный календарь

19-тӥ гудырикошкон:
вордскем нуналзэ пусъе кырӟась, “Шунды” огазеяськонлэн азьвыл кивалтӥсез, “Проектный Офис Удмуртских Школьников” ӵектосэн кивалтӥсь Юлия Никитина

Удмуртский молодёжный календарь

 20-тӥ гудырикошкон 1938 ар:
кылдӥз Удмурт кун филармония

21-тӥ гудырикошкон 2008 ар:
Yumshan Promo но Нациосын ужанъя политикая министерство ортчытӥзы лымшор но уйпал удмуртъёс куспын нырысетӥ удмурт футбол. Шудӥзы «Бенъёс» но «Бонъёс» командаос. Табере та шудон ӟеч сямлы пӧрме: 2009 арын но уйпал но лымшор пиос кужымзэс мертазы футбол бусыын. …Шаплы бызьыло шудӥсьёс. Туп бусылэн огпалысьтыз мукет палаз лобе. Капкаос дорын пось нюръяськон мынэ. Но капка возьмасьёс – Кун Думаысь депутат Николай Мусалимов но «Мынам Удмуртие» радиоысь корреспондент Александр Бикузин – сак уло. Озьы ке но лымшор палась Вадим Михайловлы удалтиз нырысети гол пыртыны. Бугырскизы учкисьёс. Шудон эшшо но пуромиз. Тани, зэмос Марадона сямен, тупсэ «бонъёслэн» капказы пала нуэ Павел Поздеев, сьорысьтыз уг кыльы Дмитрий Загребин. Жадёнэз валатэк, лоба «бонъёслэн» капитанзы Роман Романов. – Эх, –лулзылэ шоразы учкыса Светлана Кибардина, –тамында чебер пиос, туп сьоры калтыртытозь, нылъёс сьоры бызьылэ вал. Со куспын «бонъёс» эшшо гол пыртизы. «Бенъёслы» уг удалты – зеч возьмаське Александр Бикузин. – Киыз клеен зырамын, дыр, – куспазы серекъяло висисьёс. Туплэн лымшоръёслэн капкаязы пыремез уг поты – я штанга борды шуккиське, я Алнаш палась тол сое палэнэ нуэ. «Бонъёс» вормизы 6:0 лыдын… (Образцова Н. Удмурт футбол // Инвожо. № 9–10. 2008 ар)

22-тӥ гудырикошкон 1991 ар:
Москваысь Правительстволэн юртэз вадьсын ӝутскиз тӧдьы-лыз-горд куншет – гордэз интые. Россилэн кун флагезлэн нуналыз

 24-26-тӥ гудырикошкон 2006 ар:
«Культура России» федерал программа улсын шаерамы ортчиз 3-тӥез финн-угор калыкъёслэн «Воршуд» фестивальзы. Со сӥземын вал калык эктонъёслы

 29-тӥ гудырикошкон 2009 ар:
Удмурт театр шаерысьтымы егитъёсты лэзиз Москвае Щепкин нимо училищее артистлы дышетскыны

23 августа 2010 г.:
Открыт перевод интерфейса на Удмуртский язык самого посещаемого сайта России ВКонтакте.ру. http://www.kazak-of-sky.ru/vkontakte-na-udmurtskom-yazyke.html

КУАРУСЁН (СЕНТЯБРЬ)

 1-тӥ куарусён 1936 ар:
кылдытэмын кырзанъя но эктонъя “Италмас” ансамбль

1-тӥ куарусён 2003 ар:
Ижкарын усьтӥськиз выль цирк

2-тӥ куарёсун 2008-тӥ ар:
ӧсъёссэ усьтӥз выльдэм Удмурт театр

3-тӥ куарусён 2008 ар:
усьтӥськиз Ижкарысь Калыкъёслэн Эшъяськон юртсы

4-тӥ куарусён 2008 ар:
«Мынам Удмуртие» телеканалын потыны кутскиз иворъёсын но аналитикаен удмурт кылын нырысетӥез программа – «Малы ке шуоно»

5-тӥ куарусён 1904 ар:
Глазовын усьтӥськиз воргоронъёслы гимназия.

9-тӥ куарусён 2009 ар:
Екатеринбургысь «Нирвана» клубын FEMME FATALE II (РОКОВАЯ ЖЕНЩИНА) нимо ужрад ортчиз. Отчы пыриськиз SILENT WOO GOORE группа но

11 куарусён 2004 ар:
«Ижевск – культурная столица Поволжья» акци улсын Ижкарын нырысьсэ ортчиз Гордъёслэн фестивальзы. Сое радъян борды басьтӥськизы Индустрии ёрос администраци, лулчеберетъя Восточный юрт. Фестиваль ортчиз кызьпу арамаын

12-тӥ куарусён 2019 ар:
bobolenin группалэн нырысетӥ клипез потӥз

 13-тӥ куарусён 2008 ар:
Ижкарысь Космонавтъёслэн парказы нырысьсэ чузъяськиз Гордъёслэн фестивальзылэн гимнэз

15-тӥ куарусён 2005 ар:
Кылдытэмын Удмурт ПЕН-клуб. Огазеяськонэ пыриськизы егит гожъясьёс. Солэн тӧроез – «Инвожо» журналлэн валтӥсь редакторез Петр Захаров.

17-тӥ куарусён 2005 ар:
Ижкарын усьтӥзы крокодиллы сӥзем памятник

17-тӥ куарусён 2008 ар:
Ижкарысь «Газпром» стадионын Удмуртилэн Россие пыремез дырысен 450 ар тырмон юбилейзэ пусйизы

20-тӥ куарусён 1990 ар:
Удмурт Элькунлэн суверенитетэз сярысь Декларации кутэмын

20-тӥ куарусён 1973 ар:
кылдӥз Удмуртиысь Крезьгурчиослэн огазеяськонзы

20-тӥ куарусён 1991 ар:
кылдытэмын егитъёсын ужанъя кун комитет

21-23-тӥ куарусён 2008 ар:
выльдэм Удмурт театрын ортчиз «Сюан» спектакльлэн премьераез

21-тӥ куарусён 2009 ар:
Егитъёслэн театразы (Театр “Ö”, закрыт 1 апреля 2010 г.) пыриськыны мылкыд карисьёс нырысетӥ пумиськон ортчытӥзы. Соос люкаськизы Удмурт театрлэн юртаз. Кичӧлтисьёсыз – Юмшан Промо, Удмурт театрен кивалтӥсь – Андрей Ураськин.

23 куарусен 1969 ар:
вордскиз Эрик Батуев (зэмос нимыз Валерий Николаевич Батуев; вордиськиз 23 куарусёнэ 1969, Симанки (Куштошур) гуртын, Дэри ёросынУдмурт АССР — кулӥз 31 южтолэзе 2002Муско) — удмурт кылбурчи, писатель, журналист (дуннелы тодмо луиз «ӟырдыт точкаосысь» репортажъёсыныз).

Удмуртский молодёжный календарь

24-тӥ куарусён 1971 ар:
Ижкарын усьтӥськиз «Ижсталь» йӧ дворец

24-тӥ куарусён:
вордскем нуналзэ пусъе Удмурт Элькунысь дано кырӟась, артистка Надежда Уткина. Вордӥськиз 24 куарусёнэ 1966 арын Ижевскын1988 арын быдтӥз Удмурт кун университетысь кылосбуръя факультетэз, 2005 арын — ГИТИС-ысь эстрадая факультетэз. Надежда Уткиналэн вань кырӟанъёс удмурт но ӟуч кылын, кырӟа финн-угор калык кырӟанъёсты но.
Кырӟан карьераез кутскиз 1991 арын — А. Анкудиновлэн «Арганчи» театр-студияз огез кырӟасез луыса, бергес «Лулгур»-лэн кивалтӥсез луиз. Трос аръёс ӵоже кырӟалляз ВенгриынЭстониынФинляндиынУэльсынНорвегиынКомиМордовияМарий ЭлТатарстан но Башкортостан шаеръёсын, Перм улосвылынМоскваынУльяновскынСаранскын но Пензаын.
Надежда Уткина поттӥз 5 альбом: «Песни надежды»(1995), «Витьы монэ (1997)», «UDM.RU» (2002), «UCHKE ALI»(2004). Надежда Эдуардовна Уткина — «Культурный капитал Ижевска» фондлэн азьветлӥсез, Ижевскысь Общественной палаталэн ёзчиез. 2002 арысен кылдытылэ но радъя пӧртэм ужрадъёс.
16 ар ӵоже Удмурт егитъёслэн мерлыко «Шунды» огазеяськонлэн «Шундыкар»-ысь нылпиослы кылдытэм эстрадая мастерскойен кивалтэ.
2008 арысен — «Калыкъёслэн эшъяськон юрт»-лэн калыккуспо но финн-угор валчеужанъёсъя ёсэслэн кивалтӥсез, «Ижевскысь Межкультурные города» ужан котретлэн ёзчиез.

Удмуртский молодёжный календарь

24-тӥ куарусён 2008 ар:
удмурт егитъёс пӧлын ортчиз «ПЕЛЕПОН-BATTLE» ужрад

25-тӥ куарусён:
вордскем нуналзэ пусъе «Малпан» ансамбльын но SILENT WOO GOORE группаын кырӟась Светлана Ручкина (ЛАДИ СВЕТИ)

Удмуртский молодёжный календарь

КОНЬЫВУОН (ОКТЯБРЬ)

1 коньывуон:
А. Ушаковлэн Вордскем нуналэз

1-тӥ коньывуон:
Вордӥськем нуналзэс пусъё Степанова Надежда Андреевна – «Удмурт кенеш» огазеяськонлэн исполкомезлэн ёзчиез, “Удмурт нылкышно кенешлэн” кивалтӥсез;

Удмуртский молодёжный календарь

1-тӥ коньывуон:
Баймиев Ханиф Муллаевич – Башкортостанысь калык культурая центрлэн советэзлэн ёзчиез, удмурт движение мыло-кыдо пыриськись. Башкортостанысь Татышлы ёросысь Выль Балтач гурт.

2-тӥ коньывуон 2008 ар:
егитъёс тодматскизы «Silent Woo Goore» нимо выль группаен. Удмурт крезьгур дуннеын кылем арын кылдӥз выль группа – Silent Woo Goore, яке вакчияк вераса – «SWG». Егит учкисьёсты со нимыныз гинэ (“сайлент” кыл, англи кылысь берыктыса, шыпыт шуэмез возьматэ) ас бордаз ӧз кыскы. «SWG»-ослэн аспӧртэмлыко шудэмзы-кырӟамзы соку ик лякиськиз туала егитъёслэн сюлэмъёсазы. Ма, таиз валамон но: соосты, угось, попсаен (пӧртэм арлыдъем адямиослы чаклам малпаськытисьтэм кырӟанъёсын) уд гочаты – егитъёслэн котькинлэсь но котьмалэсь эрико луэмзы, пушказы пуромись мылкыдзэс кыре ӧръямзы потэ. Та ласянь номырин воштонтэм луэ рок. Ӵапак таӵе шӧмо удмурт кырӟанъёс кылдытон борды басьтӥськиз «Silent Woo Goore». Удмурт крезьгур дуннеын со выль усьтон кадь луиз. Пусйыны кулэ: «SWG» группае пырисьёс – ваньзы удмуртъёс. Светлана Ручкина – кырӟась, Анатолий Галиханов но Владимир Жуйков бас-гитараен шудо, Григорий Степанов барабан «жуге». Та группалэн тужгес но тодмо кырӟанъёсыз: «Эмезе, эмезе», «Кызьы меда лыктӥды», «Сирота ныллэн кырӟанэз». Соос быдэстэмын инди-рок шомын… (Никитина Е. “Эмезе, эмезе”, яке кыче со удмурт инди-рок // Удмурт дунне. № 132 (24477). 8-ти куарусён 2009 ар).

3-тӥ коньывуон 1994 ар:
 Удмуртиын кылдытэмын йӧскалык политикая министерство

3-тӥ коньывуон 2009 ар:
«Мынам Удмуртие» радиоын меӵак эфирын нырысетӥзэ чузъяськиз «Эктоника» проект

3-тӥ коньывуон:
Вордскиз Васильев Кузьма Гаврилович – Татарстанысь удмуртъёслэн калык культурая автономизылэн кивалтӥсез. Казань.

4- тӥ коньывуон:
Вордӥськем нуналзэ пусъе Крестьянинов Михаил Арсентьевич – «Удмурт кенеш» огазеяськонлэн Грак ёросысь правлениезлэн ёзчиез, «Родина» СПК-лэн азьвыл кивалтӥсез.

Удмуртский молодёжный календарь

4- тӥ коньывуон 1930:
Вордскиз Михаил Покчи-Петров  – удмурт кылбурчи. 29 ар ӵоже гинэ улытозяз со бадӟым пытьы кельтӥз удмурт поэзиын но удмурт театрын.
Михаил Покчи-Петров вордскиз Можга ёросысь Бадӟым Сибы гуртын. Йылпумъяз Москваысь Луначарский нимо театральной институтэз. 1956-тӥ арысен удмурт театрын режиссёр луиз. 3 ар ӵоже ужатозяз 12 спектакль пуктӥз.Сценаен но кылбур гожъяськонэн пинал дырысеныз ик юн герӟаськемын вал. 28 арес дыръяз Покчи-Петровез Совето Союзысь писательёслэн огазеяськоназы кутӥзы. Поэзие «Тодматскон» но «Малпаськон» нимо кылбур бичетъёсын пыриз. Актёрлы но режиссёрлы Михаил Покчи-Петровлы сӥзьыса, удмурт йӧскалык театрын туспуктэмъёсын адӟытон усьтэмын.

Удмуртский молодёжный календарь

6-тӥ коньывуон 2004 ар:
культурая «Дэмен» огазеяськон пуктэт кутӥз: удмуртлыкез азинтонын тужгес но мыло-кыдо тыршисьёслэсь ужъёссэс Трофим Борисов нимо премиен пусъёно

8-тӥ коньывуон:
Вордӥськем нуналзэ пусъе Перевозчикова Алевтина Николаевна – «Удмурт кенеш» огазеяськонлэн Вотка ёросысь ёзэзлэн правлениезлэн ёзчиез, Кукуи гуртысь нылпи садлэн директорезлэн воштӥсез.

9- тӥ коньывуон:
Вордӥськем нуналзэ пусъе Лопатина Надежда Серафимовна – Удмурт культурая «Дэмен» огазеяськонлэн правлениезлэн ёзчиез, «Ӟечбур!» газетлэн редакторез.

Удмуртский молодёжный календарь

10-тӥ коньывуон 1909 ар:
Сарапулын усьтӥськиз шаертодонъя музей, нырысетӥез Удмуртиын.

10-тӥ коньывуон 2019 ар:
Ижкарын усьтӥськиз Udmurt Stand Up клуб

Удмуртский молодёжный календарь

10- тӥ коньывуон:
Вордӥськем нуналэз Хайдарова Надежда Васильевналэн – «Вордскем кыл» журналлэн отделэзлэн редакторез.

11-тӥ коньывуон 1851 ар:
Кез ёросысь Полом черкогуртын вордскиз нырысетӥ удмурт писатель, тодосчи, дышетӥсь, югдытӥсь Г. Верещагин (1851-1930)

Удмуртский молодёжный календарь

11-19-тӥ коньывуон 2009 ар:
Брангуртысь песянайёс вуылӥзы Эстоние, выжы калыкъёслэн нуналъёссылы сӥзем ужрадъёсы пыриськизы

14-тӥ коньывуон 1939 ар:
кылдӥз Удмуртиысь суредасьёслэн огазеяськонзы

14- тӥ коньывуон:
Вордӥськем нуналэз Тубылова Федосья Михайловналэн – «Удмурт кенеш» огазеяськонлэн Пичи Пурга ёросысь ёзэзлэн правлениезлэн ёзчиез, «Зарни шеп» ансамблен кивалтӥсь.

15-тӥ коньывуон 1898 ар:
 Эгра ёросысь Зура черкогуртын усьтӥськиз дунтэм библиотека

15- тӥ коньывуон:
Вордӥськем нуналэз Насибуллин Риф Шакрисламовичлэн – Удмурт кун университетысь математика лингвистикая лабораторилэн кивалтӥсез, филология наукаосъя доктор, профессор.

Удмуртский молодёжный календарь

16-25-тӥ коньывуон 1998 ар:
нырысетӥ этнографияя фестивальлэн «Эрумаа» («Земля любви») нимо ужрадэз ортчиз

17-21-тӥ коньывуон 1997 ар:
пор шаерын лулчебертъя «Удмуртия – Марий Эл: национальная культура и молодежь» акции ортчиз. Ужрадэ пыриськизы «Шунды» огазеяськонысь егитъёс, артистъёс, журналистъёс

19-тӥ коньывуон 2009 ар:
йӧскалык библиотекаын ортчиз выль поттэм удмурт-ӟуч кыллюкамлэн презентациез. Та словарь 1983-тӥ арын поттэмезлэн ватсаса дасям 2-тӥ изданиез

19- тӥ коньывуон:
Вордӥськем нуналэз  Васиуллин Александр Галиахметовичлэн – «Удмурт кенеш» огазеяськонлэн Башкортостанысь ёзэзлэн правлениезлэн ёзчиез, Янаул ёросысь «Победа» СПК-лэн кивалтћсез.

Салимова Надежда Васильевна – «Удмурт кенеш» огазеяськонысь бухгалтер.

20-тӥ коньывуон:
Вордӥськем нуналэз Загребин Леонид Дмитриевичлэн – удмурт калык движение мыло-кыдо пыриськись адями, Ижысь техникая кун университетысь физикая кафедраен кивалтћсь, физика-математика наукаосъя доктор.

20-23-тӥ коньывуон 2008 ар:
удмурт кун университетын Россиысь вылӥ дышетсконниосысь хоръёслэн «Гаудеамус» нимо 5-тӥез фестивальзы ортчиз.

21-тӥ конывуон 1991 ар:
финн- угор калыкъёс пусйыны кутскизы выжы калыкъёслэсь нуналъёссэс. Ортчыто котькуд ар коньывуон толэзьлэн куинетӥ арняяз

23-тӥ коньывуон 1964 ар:
нырысьсэ возьматэмын удмурт легендаосъя «Чипчирган» опера-балет, крезьгурзэ кылдытӥз Г.Корепанов-Камский, либреттозэ гожтӥз В.Садовников

23-26-тӥ коньывуон 2009 ар:
финн-угор егитъёслэн нырысетӥ мер но экономикая калыккуспо форумзы ортчиз. Азьветлӥсьёс люкаськизы Пермь улосысь Кудымкаре.  Павел Баженов, «Вордскем кыл» журналлэн азьвыл валтӥсь редакторезлэн воштӥсез: 23-26-тӥ октябре Кудымкарын ортчиз финн-угор егитъёслэн нырысетӥ социально-экономической форумзы. Ужрадэ пыриськисьёс тодматӥзы проектъёсынызы, кудъёссэ асьсэ шаеразы улонэ пыӵатыны туртто. Ассэ яркыт возьматыны быгатӥз Удмуртиысь делегация: “Шунды” огазеяськон (О. Угланова, Ю. Никитина, Е. Коротаева) тодматӥз “Шундыкар”, “Егит семья”, “Вожодыр” лагеръесыныз; Р. Романов гуртын улӥсь егитъёслы интернетэ пырон сюресъёс пумысен проектсэ вераз; Д. Корнилов “Udmurt People” клублэн удмурт кылын мультфильмъёсты но вакчи фильмъёсты лэсьтон сярысь вераз, нош мон шаерысьтымы школаосын дышетскись пиналъёсын ӵош “Удмуртиысь гуртъёс” интернет-энциклопедия лэсьтон сярысь мади. Форум финн-угор егитъёслэсь улоназы выльзэ но тунсыкозэ кылдытон бордын мылысь-кыдысь тыршемзэс адӟытӥз, азинскон ӧръёссэ возьматӥз.

23-тӥ коньывуон:
 вордскем нуналзэ пусъе «Удмурт дунне» газетэ егитъёс сярысь гожъясь журналист Елена Никитина (1980)

24-тӥ коньывуон 2005 ар:
“Юмшан-промо”-лэн нырысетӥ ужрадэз ортчиз.
Ирина Шайдуллина, служба информации ТК «Новый Регион»:
“Удмуртская культура 21 века – синтез современной музыки и традиционного фольклора удмуртов. Демонстрационный вечер «Юмшан-промо», который прошел 24-го октября, показал, почему и для чего нужно изучать культуру удмуртского народа. В первой части вечера этно-коллективы республики исполняли саунд-трек на свой лад к фильму «Соперницы» снятому в Удмуртии в 1923 году. Во второй – сцена национального удмуртского театра превратилась в поле битвы. В музыкально-танцевальной борьбе сошлись актеры театра и студия традиционного танца «Эктон корка».
Дети земли и дети неба. Корифеи – актеры и студенты – любители. Борьба двух стихий – традиционная игра удмуртов – «Гур крещь»-«мелодия гуслей» на новый лад. Актеры национального театра решили взять победу опытом, участники «Эктон корка» – молодостью. Демо-вечер «Юмшан-промо» – это попытка представить традиции удмуртского народа в современном формате, доказать – удмуртская культура – это интересно”.

Удмуртский молодёжный календарь

25-тӥ коньывуон:
Миронова Нина Михайловна – «Удмурт кенеш» огазеяськонлэн Алнаш ёросысь ёзэзлэн правлениезлэн ёзчиез, Асан муниципал кылдытэтлэн йырыз.

26-тӥ коньывуон:
Поторочина Ольга Вениаминовна – «Удмурт кенеш» огазеяськонлэн Красногорск ёросысь ёзэзлэн правлениезлэн ёзчиез, Удмурт нылкышно кенешлэн ёрос ёзэныз кивалтћсь, «Победа» газетысь корреспондент.

27 коньвуон 1907 ар:
Вотка завод бордын усьтӥськиз училище, али – машина лэсьтон техникум

27-тӥ коньывуон 2008 ар:
Нырысьсэ Ижкарысь уй клубын – Fashion club- ын этно- футуризм удысъя ужась дизайнеръёслэн «Великолепная мунё» нимо возьматонзы ортчиз. Отчы пыриськизы Полина Булдакова, Вера Кузнецова но мукет егитъёс. 

27-тӥ коньывуон:
Никитина Галина Аркадьевна – «Удмурт кенеш» огазеяськонлэн исполкомезлэн ёзчиез, Историяя, кылъя но литературая Удмурт институтлэн директорезлэн воштӥсез, история наукаосъя доктор, профессор.

28-тӥ октябрь 2006 ар:
Ижкарысь Краев нимо ульчаын усьтэмын пельняньлы памятник. Авторез – Алексей Шкляев.

28-тӥ коньывуон 2008 ар:
егит кылбурчиос Ольга Тронина (“Кытын мынам ошмесэ?”)  но Эрина Чачабей («Гӧгӧрсин») студентъёсты тодматӥзы нырысетӥ кылбур бичетэнызы.

28-тӥ коньывуон:
Поткина Алевтина Ивановна – «Удмурт кенеш» огазеяськонлэн Пичи кенешезлэн ёзчиез, Удмурт театрын ужась.

29-тӥ коньывуон:
вордскем нуналзэ пусъе «Эктон корка» студиен кивалтӥсь Андрей Прокопьев (1972)

29-тӥ коньывуон 1994 ар:
чагыр экранэ потӥз «Алангасарлэн вужерез» нырысетӥез буёло кино. Кылдытэмын удмурт калыклэн легендаосыз вылэ пыкиськыса. Дасямын Шаркан ёросын

29-тӥ октября 2009 ар:
Кун Кенешын кылдытэм Егитъёслэн парламентсылэн нырысетӥ сессиез ортчиз

31-тӥ коньывуон 2008 ар:
Башкириын улӥсь удмурт нылъёс пӧлын нырысьсэ ортчиз «Чеберина» ӵошатскон

ШУРКЫНМОН (НОЯБРЬ)

1 ноября:
День памяти о дне расстрела удмуртского писателя Кузебая Герда.

2-тӥ шуркынмон 2005 ар:
Ижкарысь йӧскалык музей дорын усьтэмын Кузёбай Гердлы памятник. Синпелетэз быдэстӥз скульптор – Анатолий Аникин

3-тӥ шуркынмон 2003 ар:
ужаны кутскиз «Мынам Удмуртие» радио

4-тӥ шуркынмон 1956 ар:
первая передача ижевской студии телевидения. День рождения удмуртского ТВ.

4-тӥ шуркынмон 2004 ар:
Ижкарын М.Калашников нимо музеез усьтӥзы.

4-тӥ шуркынмон 1994 ар:
вань удмуртъёслэн кыкетӥ ӧтчамзы ортчиз.

4-тӥ шуркынмон 2012 ар:
нырысьсэ ортчиз “Элькуновидение” — удмурт кырӟанъя ӵошатскон, кудӥз телевизионной Евровидение ӵошатскон амалэн ортче. Ӵошатсконэ пыриськыны быгато коллективъёс яке нимаз кырӟасьёс. Котькуд ёросысь пыриськисьёс кырӟаны быгато одӥг гинэ кырӟан, со кырӟан гожтэмын луыны кулэ со ёросын улӥсь яке отын вордӥськем адямиен. Одӥг ёрос — одӥг пыриськись (коллектив яке огназ кырӟась).
Со Элькунмылэн но «Мынам Удмуртие» телерадиокомпанилэн вордӥськем нуналэзлы сӥзьыса концерт-ӵошатскон выллем ортчиз. Концертэ пыриськизы пӧртэм ӧръя кырӟанъёсын артистъёс: трос аръёс ӵоже кырӟась фольклор коллективъёс, егит артистъёс. Ваньмыз ӵошатсконэ пыриськиз 20 ёросысь коллективъёс но артистъёс. Кырӟасьёсты эрико жюри дунъяз — котькуд ёрослэсь одӥг представитель. Эшшо одӥг вормись пусйиськиз sms-куарасётонэн. Озьы ик нимысьтыз кузьымъёс — Бран Песянайёслэсь («Евровидение-2012» ӵошатсконэ пыриськисьёс) но Silent Woo Goore группалэсь («Пичи Калыкъёслэн Евровиденизы» ӵошатсконэ пыриськисьёс) сётӥськизы. 2012-тӥ арын тужгес но вылӥ дунъет басьтӥзы “Вить кырӟась сюлэмъёс” ансамбль. Калык пӧлын соосты “5 Сергейёс”

4-тӥ шуркынмон 2009 ар:
Россиысь “Молодежная ассоциация финно-угорской молодежи РФ” мер огазеяськонэз (движениез) кылдытонъя конференции (учредительная конференция) ортчиз. Солы тӧролы бырйизы Татьяна Ишматоваез

5 ноября 1932 года:
первая радиопередача на удмуртском языке

День рождения радиовещания в Удмуртии.

5-18 ноября 2000 г.:
Россиысь калыкъёслэн Ассамблеязы нырысетӥзэ «Мы – россияне» нимо егитъёслэсь форумзэс радъяз. Отын «Шунды» огазеяськон 10 ар тырмонзэ пусйиз.

7-тӥ шуркынмон 2007 ар:
егит гожъясьёс Лариса Орехова («Ярдуртэм нюлэс»), Алексей Арзамазов («Эн») лыдӟисьёсты тодматӥзы 4 пӧртэм кылын, нош Петр Захаров («Куинь синъёсын усьтӥське») эстон кылын потэм выль книгаосынызы

8-тӥ шуркынмон 1961 ар:
чагыр экранэ потӥз КВН-лэн нырысетӥ передачаез

9-тӥ шуркынмон 2007 ар:
кылдытэмын «Удмуртлык» группа. Авторез – Роман Романов (Эрик KAZAKof SKY): – Удмуртлык кылдытэмын вал ог толэзь пала дыр ортчыса, куке мон тодӥ ВКонтакте социальной вотэс сярысь, шонергес вераса, 9-тӥ шуркынмонэ 2007 арын. Коня ке отын бугыръяськеме бере валай, контактын но (озьыен быдэсак интернетын но), трос гинэ удмуртъёс вань шуыса, нош интернетын одиг интызы, кытын Музъемлэн пӧртэм серэгъёсысьтыз удмуртъёс быгатысалзы нокинлы люкетытэк ог-огенызы анай кылынызы вераськыны, соослэн овол.
Сыче малпанэн (кыдёке учкись Оля Урасиновалэн чектэмезъя) кылдытэмын вал Удмуртлык группа, кудиз ке вакчи дыр куспын люканы быгатиз сыче трос удмуртъёсты, конязэ та дырозь оз на быгаты вал люканы одигез но удмурт интернет-проект. Со дыре Удмуртлык группа вал на ог-огеныд зулён но кыл быдтон инты гинэ. Нош дыр ортчемъя тросэз дунъяны кутскизы сое умой маркетинговой арбериен, кудаз SMM (social media marketing) но SMO (social media optimization) амалъёсты уже кутыса туж жогак но курадзытэк ивортыны луэ аслад малпанъёсыд сярысь: шулдыръяськон-позыръяськон-а со, огшоры пумиськон-а, выль туспуктэм-а яке кырзан-а но мукет. Малпасько, али Удмуртлык трос-трос удмурт проектъёслэн тужгес но юнэз герзась кужымез луэ. Та дыре Удмуртлыке 1200 пала адями пыриське, нуналаз Удмуртлыклэсь бамъёссэ 80 палан пӧртэм адями учкылэ. Таче лыдо удмурт Интернет-проектэз лыдэ басьтытэк кельтыны уг луы. Луэ, дыр, ни вераны сыче учыр сярысь, кудзэ ниманы луэ удмурт электронной ниша, кудзэ асьсэос но валатэк каллен куспазы люкылыны кутско трос-портэм удмурт адямиос. Со нишаез юнматыса но герзаса возе Удмуртлык.

10-тӥ шуркынмон:
Вордскиз М. Калашников

12-15-тӥ шуркынмон 2009 ар:
Ижкарын туала удмурт лулчеберетъя нырысетӥез фестиваль ортчиз. Со сӥземын вал Эрик Батуевлы.

12-тӥ шуркынмон 2009 ар:
Татьяна Зыкина Ижкаре вуылӥз нырысетӥ сольной концертэныз

13-тӥ шуркынмон 2009 ар:
«КАМА records» огазеяськон тодматӥз выль поттэм «Послушай бабушку» дискеныз. Бичетэ пыртэмын Маша Корепановалэн, Брангуртысь песянайёслэн, Надежда Уткиналэн, «Эктон корка» студилэн, «Птица Тылобурдо» группалэн кырӟанъёссы

14-тӥ шуркынмон:
вордскем нуналзэ пусъе Ольга Урасинова, Москваысь удмуртъёслэн «МУШ» огазеяськонзылэн ёзчиез (1984)

17-тӥ шуркынмон 1960 ар:
Москваын усьтӥськиз калыкъёслэн эшъяськон университетсы (РУДН)

17-18-тӥ шуркынмон 2008 ар:
Москваын радъязы удмурт лулчеберетлы сӥзем нуналъёс

17-тӥ шуркынмон:
студентъёслэн калыккуспо нуналзы. Прагаын дуннеысь студентъёслэн конгрессы ортчиз. Та ужрадын ик тупатэмын студентъёслэн калыккуспо нуналзы, чех егитъёсты сӥлы карыса. 28-тӥ коньывуонэ 1918 арын Чехословакии кун кылдӥз. 1939 арын но фашистъёсын киултэм Прагаын студентъёс но дышетӥсьёс демонстрацие потизы – Чехословакилэсь вордскем нуналзэ пусйыны малпало вал. Ульчаосысь егитъёсты уллязы. Соку ик фашистъёслэн пулязылэсь улонысь кошкиз медициная академиын дышетскись Ян Оплетал. Сое ватон нуналэ но егитъёслэн мылкыдъёссы пуромизы – фашистъёслы пумитъяськыны кутскизы. Троссэ соос пӧлысь кыл кутытыны ӝегатӥзы. 17-тӥ шуркынмонэ гестаповецъёс но эсэсовецъёс вазь ӵукна ик студентъёслэсь огъяулонниоссэс котыртӥзы. Ог 1200 пала егитъёс арестовать каремын но Заксенхаузенысь концлагере пытсамын. Тужгес но кышкасьтэм 9 студентъёслэсь улонзэс уретӥзы. Гитлерлэн кутэм приказэзъя Чехословакиысь вань дышетсконниос пытсамын вал ож бырытозь.

19-тӥ шуркынмон 2008 ар:
Россиысь анай кылъя дышетӥсьёс пӧлын ялэм ӵошатсконлы Москваын йылпумъянъёс лэсьтӥзы. Вормисе потӥз Ижкарысь 56-тӥ гимназиын удмурт но финн кылъя дышетӥсь Татьяна Юмина

Удмуртский молодёжный календарь

22-тӥ шуркынмон:
вордскем нуналзэ пусъе «Шулдыр ӝыт» ансамбльын кырӟась Эльвира Панченко

Удмуртский молодёжный календарь

22 шуркынмон:
вордӥськем нуналзэ пусъе “Удмурт Кенеш” огазеяськон. Историысь чуръёс. 1988-тӥ арын Ижкарысь азьмынӥсь удмуртъёс клуб кылдытӥзы. Дыр ортчыса соос «Дэмен» нимаськыны кутскизы. Ӵапак отчы пырись удмуртъёс ӵектӥзы ӧтчам люканы. Отчамын ялэмын вал «Удмурт кенеш» огазеяськонлэн кылдэмез сярысь. Пусйизы валтӥсь ужрадъёсты но: улӟытоно но азинтоно удмуртлыкез, утёно удмурт калыклэсь эрикрадъёссэ. Огазеяськонлэн нырысетӥ тӧроез луиз экономика наукаосъя доктор, профессор Михаил Шишкин. Со дырысен вошъяськизы тӧроосыз но — Роза Яшина, Иван Гришкин, Василий Осипов. 1997-тӥ арын куатетӥ удмурт ӧтчамын «Удмурт кенеш» огазеяськонлэн кивалтӥсез луиз Валентин Тубылов. 13 ар ужамез бӧрсьы сое воштӥз Николай Мусалимов. Бӧрысь огазеяськонэн кивалтӥз Игорь Семёнов, Татьяна Ишматова

22-тӥ шуркынмон 2014 ар:
Удмурт клипъёслы сӥзем нырысетӥез видеообзор потӥз. Авторез – Шарканысь крезьгурчи Павел Эль

23-тӥ шуркынмон 2003 ар:
в Ижевске прошел I фестиваль современной этнокультуры “Новая Песня Древней Земли”

23-тӥ шуркынмон 1991 ар:
Ижкарын кылдытэмын Вань удмуртъёслэн «Удмурт кенеш» ассоциацизы

24-тӥ шуркынмон 2007 ар:
Удмуртлык” группае пыриськись егитъёслэн нырысетӥ пумиськонзы ортчиз. Кенешизы группаез азинтон амалъёс пумысен.

26–27-тӥ шуркынмон 2008 ар:
шаерысьтымы сиён пӧзьтӥсьёс нырысьсэ пыриськизы калыккуспо фестивале. Со ортчиз Пермь улосын. «Прикамская кухня» фестиваль арлы быдэ ортче, Екатеринбургын, Соликамскын, Пермь улосысь каръёсын но бускель шаеръёсын улӥсьёсты огазея. Ӵошатсконэз радъясьёс тыршо пӧртэм выжы калыкъёслэсь сиён дасян амалъёссэс шараяны, со сям-йылолъёссэс мукет калыкъёслы возьматыны, вӧлмытыны. Ужрадэ пырисьёс ӵемгес куто коми-пермякъёслэсь, поръёслэсь, удмуртъёслэсь, чувашъёслэсь, ӟучъёслэсь рецептъёссэс. Россиын одӥг гинэ таӵе калыккуспо фестиваль ортче. 2008 арын фестивале нырысьсэ пыриськыны мылкыд каризы шаерысьтымы сиён пӧзьтӥсьёс. Асьмэлэн команда – куинь сиён пӧзьтӥсьёс но официант – вормонъёсын берытскизы. Ӵошатсконлэн «Сохраняя национальные традиции» люкетаз Удмуртиысь «Берекет» команда нырысетӥ интые потӥз, сиён пӧзьтӥсьёс зарни медаль басьтӥзы. Со сяна, ужъёссы 3 дипломъёсын пусъемын. Фестивале пыриськисьёс возьматӥзы удмурт калыклэсь вашкала сиён пӧзьтон амалъёссэс.

27-тӥ шуркынмон 2018 ар:
кылдӥз удмурт егитъёслэн “Куара” огазеяськонзы. Ӵектосъёс: Аныкай медиашкола, удмурт блогеръёслэн школазы, научно-популярной видеолекциосын Тубат сузьет, Тамга видеошкола, вакчи лекциосын ӝыт Куара вера, удмурт стендап клуб, Горон быдтон, анай-атайёслы Ныло-пиё подкаст, видеокурсы удмуртского языка

Удмуртский молодёжный календарь

27-тӥ шуркынмон 2009 ар:
Москваысь финн посольствоын М.А.Кастрен огазеяськонэн журналистика удысын ялэм конкурсын вормисьёслы премиос сётэмын. Валтӥсь преми басьтӥз «Удмурт дунне» газетын тыршись Елена Миннигараева.

28-тӥ шуркынмон 2009 ар:
Удмурт кун университетын дышетскисьёс пӧлын «Огни большого города» конкурс йылпумъяськиз. Отын егитъёс возьматӥзы артист быгатонлыкъёссэс. Вормисьёс пӧлын – удмурт филологи факультет. («Стёпка» спектакль )

29-тӥ шуркынмон 2009 ар:
Игра ёросын егит кырӟасьёс куспын ортчиз 11-тӥез «Ӝужась кизилиос» ӵошатскон.

ТОЛСУР (ДЕКАБРЬ)

1–3-тӥ толсур 1992 ар:
Сыктывкарын ортчиз быдэс дуннеысь финн-угор калыкъёслэн нырысетӥ конгрессы
Финн-угор калыкъёслэн нырысетӥ конгрессазы пӧртэм юанъёсты эскеризы. Калыкъёслэн валтӥсь ужпумъёссыя Декларация кутэмын. Ужкагазын верамын: таӵе конгрессъёсы пыриськыны быгато выжы калыкъёс, соос огкылысь ужаны кулэ калыкез утён вылысь, гажаны кулэ мукет калыкъёслэсь сям-йылолъёссэс, кутэм катъёссэс. Озьы ик, нырысетӥ конгрессэ люкаськемъёс вераськизы финн-угор калыкъёслэсь кенешон комитетсэс (Консультативный комитет) кылдытон пумысен. Та комитет чакланы кулэ улосъёслэсь, калыккуспо огазеяськонъёслэсь кусыпъёссэс, йӧскалык огазеяськонъёслэсь ужан амалъёссэс. Кенешон комитетлэн штаб-квартираез Хельсинкие интыяськемын. Конгресс ортче ньыль арлы одӥг пол. Нырысетӥяз пумиськонэ пыриськизы 14 пӧртэм выжы калыкъёс, нош кыкетӥяз – 19. Берпуметӥез – 5-тӥез конгресс – радъямын вал 2008-тӥ арын Ханты-Мансийскын.

Толсур 1997 ар:
кылдӥз «Эктон корка» студия. Кичӧлтӥсез но кивалтӥсез – Андрей Прокопьев. Студия кылдытэмын вал Ижкарысь удмуртъёсты огазе шулдыръяськыны люкан вылысь, калык фольклорез паськытгес вӧлмытыны. Ӝытъёсы пумиськыса, эктонъёс радъязы. Нош туннэ та студия шаерамы гинэ ӧвӧл, кунгож сьӧрын но тодмо. Артистъёслэн репертуарзы узыр – соос сцена вылын быдэсъяло лымшор, уйпал, кам сьӧр, бигер но Киров улосъёсысь удмуртъёслэсь кырӟан-эктонъёссэс, пӧртэм обрядъёсты возьмато. Бордазы быгатӥсь егитъёсты кыско. 2001-тӥ арын студие ветлӥсьёс басьтӥськизы вашкала удмурт крезьгур инструментъёсты улӟытон борды, соосын шудыны кутскизы. Быдэстэм кубызъёссэс табере ужазы куто мукет ансамбльёс но. «Эктон корка» студия арлы быдэ сямен пыриське Финляндиын, Эстониын, Венгриын ортчись калыккуспо фестивальёсы, озьы ик потало Европаысь мукет шаеръёсы. Али студиысь егитъёс репетиоссэс Эшъяськон юртын ортчыто. Берло дыре эктыны дышетскыны мылкыд карисьёс понна нимысьтыз ӝытъёс радъяло.

Удмуртский молодёжный календарь

2-тӥ толсур 2007 ар:
Эгра ёросын кылдытэмын егитъёслэн парламентсы – со луиз элькунын нырысетӥез

2-тӥ толсур 2014 ар:
Мария Галеевалэн творческой ӝытэз ортчиз.
Мария Галеева – кылбурчи, журналист, удмурт филолог, дышетӥсь но егит анай. Асьмелы со удмурт хитъёсъя тодмо луыны кулэ. Кылсярысь, Иван Белослудцевлэн кыкез берпуметӥ кырӟанъёсыз -“Лушкем дунне” но “Вӧлъялом бурдъёсмес” – Мария Галеевалэн кылъёсызъя гожтэмын.
Ужрад ортчиз “Эмос удмурт веме” акци улсын. Концертын люкам коньдон удмурт мультфильм поттонлы кошкиз

Удмуртский молодёжный календарь

 2-тӥ толсур 2009 ар:
«Шунды» огазеяськонлэн правлениеныз кивалтыны быръемын Юлия Никитина. Солэсь азьвыл Шундылэн тӧроез вал Людмила Черноваез. Ужаз 2012-тӥ арозь

 4-тӥ толсур 2009 ар:
Пермь карысь «Хромая лошадь» нимо уй клубын потэм тылпу 100-лэсь трос адямилэсь улонзэс уретӥз

 5-тӥ толсур 2008 ар:
К. Герд нимо гимназиын «Удмурт сюй мунё» книгалэн презентациез ортчиз. Авторъёсыз – Анатолий Степанов но Вера Степанова

6-тӥ толсур:
вордскем нуналзэ пусъе «Эктон корка» студиын кырӟась но эктӥсь, «МуГур» студиысь кибашлы Вера Степанова (1984)

Удмуртский молодёжный календарь

 7-тӥ толсур 2008 ар:
удмурт пиослэн но нылъёслэн командаоссы тодон-валанъёссэс эскеризы Yumshan Promo -ен радъям «Мадиськон ӝытын». 

 7-тӥ толсур:
вордскем нуналзэ пусъе удмурт эстрадаысь кизили Анастасия Ӵушъялова

 7-тӥ толсур 1994 ар:
юнматэмын Удмурт Республикалэн туала Конституциез. Отын удмурт кыл ӟученыз ӵош нырысьсэ ялэмын кун кылэн.

 10-тӥ толсур 2008 ар:
Россиысь кунгож ужъёсъя министерстовын ортчиз Удмуртилэн презентациез. Шаерысьтымы ӧнерчиос Москваын улӥсьёсты тодматӥзы шаерамы азинскись оръёсын

11-тӥ толсур 1994 ар: 
Россилэн азьмуртэз Борис Ельцин Чечняын кылдэм югдурез эскеронъя указ гожтӥз. Со бордысен ик кутскиз ож.

12-тӥ толсур 2008 ар:
Ижкарын ортчиз вань удмуртъёслэн 11-тӥ ӧтчамзы. Люкаськемъёс «Удмурт кенеш» огазеяськонлы тӧрое бырйизы Кун Думаысь депутатэз – Николай Мусалимовез.

12-тӥ толсур:
Росси Конституцилэн нуналыз

12-тӥ толсур 1997 ар:
эстрада кырӟанъёсты быдэсъясь егитъёс пӧлын ортчиз нырысетӥез «Ӝужась кизилиос» ӵошатскон

13-тӥ толсур 2008 ар:
Пичи Пурга ёросысь «Арганчи» ансамбль вуылӥз Свердловск улосэ, «Урал кенеш» огазеяськонэнлэн ёзчиосыз дорын кунояз.

15-тӥ толсур:
Эшъяськон юртын усьтӥськиз Удмуртиын улӥсь калыкъёслэн 2-тӥ конгрессы

17-тӥ толсур 2008 ар:
Юмшан Промо огазеяськон радъяз Выль арлы сӥзем «Шильтыр-шальтыр party» ӝыт

Удмуртский молодёжный календарь

19-тӥ толсур 2008 ар:
егит кылбурчи Людмила Чернова Пичи Пурга ёросысь вордскем Гожня гуртаз улӥсьёсты нырысетӥ книгаеныз тодматӥз. Сое поттыны быгатӥз Д. Приговлы сӥзем лыдӟонъёсын басьтэм «Ошмес» нимо премилы луыса.  

25-тӥ толсур 1998 ар:
кылзӥсьёс нырысьсэ тодматскизы «Птица Тылобурдо» группалэн творчествоеныз. Кырӟасьёс пыриськизы Дмитрий Маныловлэн Ымусьтонлы сӥзем концертаз.

25-тӥ толсур 2019:
кылдӥз удмурт йӧскалык шыкыс – корпус удмуртского языка

31-тӥ толсур 1999 ар:
Россилэн нырысетӥ азьмуртэз Борис Ельцин ивортӥз ас интызэ Владимир Путинлы сётон сярысь. 

Дом Дружбы народов