Кузёбай Герд нимо йӧскалык премилэн 2021-тӥ ар понна лауреатъёсызлэн нимъёссы тодмо луизы. Соосты «Удмурт Кенеш» огазеяськонлэн исполкомаз юнматӥзы

Данъетэн пусъемын луозы:

Удмуртиысь но Россиысь наука удысысь сӥё-дано ужась, кылосбур наукаосъя доктор, Удмурт кун университетысь профессор, 500 пала научной ужъёслэн но 50 пала монографиослэн авторзы Валей Кельмаков

туспуктэм басьтэмын Сыктывкарысь Кун университетлэн сайтысьтыз

Удмуртиысь калык суредась, «Ижкар» творческой огазеяськонлэн ёзчиез Вячеслав Михайлов

Вячеслав Михайлов адӟытон залын

Озьы ик шараямын вал Эрик Батуев нимо йӧскалык премилэн лауреатэз но.

Исполкомлэн ёзчиосыз огкылысь куаразэс сётӥзы «Даур ТВ» интернет-телеканаллэн кылдытӥсезлы но азинтӥсезлы, Удмуртиысь Калыкъёслэн эшъяськон юртысьтызы методистэзлы Богдан Анфиногеновлы.

Богдан Анфиногенов «Даур ТВ» студиын

Данъетъёс тулыспалэ «Удмурт Кенешлы» 30 ар тырмонэз пусъён ужрадын сётэмын луозы.

ивор басьтэмын «Удмурт кенеш» огазеяськонлэн мерлыко вотэсбамысьтыз