Туннэ, 7-тӥ коньывуонэ, «Удмурт Кенешлэн» исполкомез люкаськылӥз. Бадӟым ужпумъёс витё огазеяськонэз.
Толсуре вань удмуртъёслэн азьвыл чакламтэ ӧтчамзы ортчыны кулэ, нош солэсь азьвыл — Пичи кенешлэн пумиськонэз. Ӵапак отын делегатъёс но ӧтчамлэн нуналэз юнматэмын луозы.
Валтӥсез юан герӟаськемын «Удмурт Кенешлэн» уставаз тупатонъёсты пыртонэн. Кызьы пусйиз огазеяськонлэн Тӧроез Татьяна Ишматова, туннэ мерлыко огазеяськонъёслэсь ужзэс радъян пумысен федерал катрадлыке туж трос воштӥськонъёс пыртэмын, со дыре ик мукет кунъёсын кусыпъёсты радъян-возён ласянь куронъёс но чурытгес пуктэмын. Соин ӵош огазеяськонлэн уставез выльдӥськонэз кулэ каре, нош сое ӧтчам гинэ юнматыны быгатэ.
Али дыре «Удмурт Кенешлэн» котькуд кар но ёрос езэтъёсаз кык ар ужамзылы йылпумъянъёсын конференциос радъяськозы. Озьы ик ӧтчамын но быдэс огазеяськонлэн ужамезлы йылпумъянъёс лэсьтозы, азьланезлы ужпумъёс пуктозы.
«Удмурт нылкышно кенеш» нош ик ялӥз нылпиослы «Тыро-пыдо» конференция сярысь. Отчы 1-тӥ-4-тӥ классын дышетскись удмурт пиналъёс пыриськыны быгатозы.
Ужъёсты куинь ӧръёсъя дасяны луэ: «Шаертодон», «Адями но дунне», «Инкуазь». Ужъёс но соин тодматонъёс одно ик удмурт кылын луыны кулэ.
Ужъёсты 10-30 коньывуонэ udmurtnyl@yandex.ru электрон адресъя возьмало. Собере, 7-тӥ шуркынмонозь, жюри устооссэ 30 ужъёсты быръёз. Соослэсь авторъёссэ 15-тӥ шуркынмонэ Ижкарысь Кузебай Герд нимо гимназие ӧтёзы. Отын ини пиналъёс ужзы сярысь вералозы, дунъясьёслэн юанъёссылы валэктонъёс сётъялозы.
Котькуд ӧръя быръемын луозы куинь тужгес ӟеч быдэстэм ужъёс. Ужрад улсын ик нылпиос понна наукая тунсыко шудонъёс радъяськозы.
Конференцилэн куронъёсыныз пыр-почгес тодматскыны луэ гожтэм положениысь. Кылдэм юанъёсын жингыртоно 8-950-155-23-56 телефонъя.
Якшур-Бӧдья ёросысь нылпиосын семьяос понна «пукон корка» выллем удмурт шулдыръяськон ӝытъёс радъяськозы. Ужрадъёс тямыс гуртъёсын ортчытыны чакламын.
Радъясьёслэн верамзыя, озьы соос удмуртлыкез калыке пыӵатозы. Ӵектосэ пыриськисьёсты соос удмурт сям-йылолъёсын, фольклорен, калык праздникъёсын тодматозы, ӵошен эктозы-кырӟалозы, пӧртэм шудонъёсын шудозы, одно ик ческыт сиё-юонъёсты но пӧралозы.
Та нуналъёсы ӵектос улсын нырысетӥез пумиськон ортчиз ини. Радъяськиз со Якшур гуртысь удмурт культурая «Туклячиос» центрын.
«Куноосмы шумприч гинэ вуизы, гань-гань кылзӥськыса пукизы, тодматскизы сӥзьыл дыръя ортчытъяськись удмурт сям-йылолъёсынымы. Табере соос туж умой тодо «Виль», «Пукрол» но «Сӥзьыл юон» праздникъёсты. Мӧйыослы но, пичиослы но туж кельшиз кадь «пукон коркамы». Вуонояз пумиськонъёсамы но курисько ини», — вера проектлэн одӥгез радъясез Татьяна Колхир.
Шулдыръяськон ӝытэ пыриськемъёс удмурт шӧмо пичильтык синпелет кузьымъёсын кошкизы. Нош вуоноез пумиськон радъяськоз ини 7-тӥ коньывуонэ Сюровайын.
23-тӥ куарусёнэ удмурт кылбурчилы, писательлы, журналистлы 53 арес тырмысал.
«Удмурт Кенеш» огазеяськонлэн Дэри ёросысь ёзэтэз Эрик Батуевез буре вайыса акцие пыриськыны ӧте. Ёзэтлэн кивалтӥсез Лидия Биянова вера: «Акция улсын ӵектӥськом «Мон тодӥсько, Эрик Батуев…» предложениез азьланьтыса, Валера сярысь тодэ ваёнъёсмес гожтыны, малпанъёсынымы люкиськыны».
Эрик Батуев сярысь тодэ ваёнъёстэс, малпанъёстэс «ВКонтакте» мерлыко огинэ #ЭрикБатуевезБуреВайыса хештегъёс улын интыяны кулэ.
Удмурт центр итыяськоз Тыло гуртысь Самсоновъёслэн музей-юртазы. Сыӵе киӵӧлтонэн потӥз «Удмурт Кенешлэн» Пичи Пурга ёросысь ёзэтэз.
Центрез усьтыны чакламын 24-тӥ куарусёнэ 11.00 часын.
Та нуналэ ик музей котырын удмурт кылын бард кырӟанъя «Тылобурдо» фестиваль ортчоз. Ужрад туэ витетӥ ползэ радъяське ини. Отчы мылкыд карисьёс пыриськыны быгатозы 14 аресысен. Куриськонъёсты куто 8 (34138) 42439 телефон номеръя. Пыр-почгес фестивальлэн Положенияз.
10-тӥ куарусёнэ Ижкарысь Космонавтъёслэн парказы «Рыжий фестиваль» ортчиз. Татын «Удмурт Кенеш» огазеяськонлэн но площадкаосыз ужазы.
Эшъяськон садысь «Валче» сэрегын «Ми будӥськом валче» проект улсын вань мылкыд карисьёс понна удмурт мунё-оберег лэсьтонъя но перепеч чебер кутыны дышетсконъя мастер-классъёс радъямын вал. Киужен вырисьёслы мылкыд сётыса кырӟазы «Инвожо» ансамбльысь артистъёс.
Эшшо одӥгез «Горд берекет» нимо сэрег ужаз пичи сцена вылын. Лыктэм куноос удмурт дэремъёсын тодматскизы. Этно-дӥськутэн пӧрмытскем модалиос куспын конкурс ортчиз. Татын ик, «Кырӟась арама» площадкаын, люкаськемъёсты шулдыртӥзы мусо пичыльтыкъёс.
Мастер-классэ но вожвылъяськонэ пыриськемъёслы синпелет кузьымъёс кузьмамын вал.
10-тӥ куарусёнэ Ижкарысь Космонавтъёслэн парказы горд йырсиё адямиослы сӥзем фестиваль ортчоз. Котьку сямен праздник улсын «Удмурт Кенеш» огазеяськонлэн площадкаосыз ужалозы.
Индустри ёросысь кенешчиос вань мылкыд карисьёсты возьмалозы Эшъяськон садысь «Валче» сэрегын. Отын пиналъёслы удмурт мунё-оберег лэсьтонъя но перепеч чебер кутыны дышетсконъя мастер-классъёс ортчозы.
Со сяна, паркысь пичи сцена вылын ортчоз этно-дэремлы сӥзем ӵошатскон. Со улсын лыдэ басьтӥськозы пӧртэм пумо номинациосъя дасям тусбуръёс:
— Покчи усточи (нылпиослы костюм, пыриськыны быгато 12 аресозь пиналъёс);
— Тусбурчи (профессионалъёслэсь фешн-образ, ДПИ-ысь мастеръёс понна номинация);
— Зарни арлыд (арлыдоослэсь тусбур);
— Катар (тужгес усто презентация);
— Вашкала (калык дӥськутэз возьматон);
— Сад-бакча (выль удалтэм емышъёсын кылдытэм образ);
— Горд-кельыт (ужады горд тусэз аспӧртэмлыко кутон);
— Кильтро (туала шӧмо костюмъёс) но мукет. Номинациос сярысь пыр-почгес учкыны луэ положениысь.
Ӵошатсконэ котькуд пыриськись одӥг образ дасяны кулэ. Возьматыны быгатэ ачиз яке модали вылын. Одӥг-кык минут дыр сётӥське. Та дыр куспын костюм сярысь вераны, кырӟаны-эктыны, калыкен шудыны луэ.
Ӵошатсконэ пыриськон понна келяно зявка.
(Туспуктэм басьтэмын вотэсысь)
23-тӥ гудырикошконэ Ижкарысь Флор Васильев нимо лыдӟетъюртын удмурт дышетскись пиналъёслэн нырысетӥ слётсы ортчиз. Ужрадэз радъяз «Шокан» огин.
Ар но ӝыны талэсь азьло элькунысьтымы пӧртэм сэрегъёсысьтыз но бускель улосъёсысь нылпиос ас мылкыд каремзыя огазеяськыны малпазы. Удмурт кылэз азинтон, удмуртлыке выль омыр пыӵатон, малпанъёссэс шараян вылысь. Кызьы шуо огинлэн азьветлӥсьёсыз, удмурт огазеяськонъёс вань гинэ ке но, школаын дышетскисьёс понна соос нимысьтыз ӧвӧл.
Нырысетӥ слётазы люкаськемъёс та дыр ӵоже лэсьтэм ужзы сярысь вераськизы. Школаосын дышетскисьёс пӧлын удмурт кылэз азинтыны амалъёс утчазы. Кенешизы марлы азьланяз саклык висъяно. Кылсярысь, «Шокан» огинэ пыриськись пиналъёс малпало Интернет вотэсэ удмурт подкастъёс поттыны, пӧртэм марафонъёс, ӵошатсконъёс ортчытыны, ӵемгес таӵе пумиськонъёс радъяны, котькуд ёросъёсын ёзэтъёссэс усьтыны но вӧзазы тросгес выль дышетскисьёсты кыскыны.
Нош вань удмуртъёслэн «Удмурт Кенеш» огазеяськемзы но удмурт егитъёслэн «Шунды» дэменлыксы пиналъёслы юрттыны дась луэмзэс веразы.
Толон Можгаын «Выль» шулдыръяськонлы йылпумъянъёс лэсьтӥзы. Туэ со 6-тӥ гудырикошконэ городысь шор паркын ортчиз.
Туала «Выль» шулдыръяськон вашкала йылолъёсын гинэ уг улы. Кылсярысь, «Выль базар-азбар» сэрегын вань мылкыд карисьёс выль емышенызы вуз каризы. «Выль кужым – Байге» сэрегын куспазы вожвылъяськизы Башкириысь но Удмуртиысь батыръёс. Семьяос асьсэдыз котыр ласянь «Выль семья» конкурсын возьматӥзы, нош нылъёс но пиос «Егит мылкыд – юмал йӧлпыд» шудонэ пыриськозы. Со сяна праздникын бакча сульдэръёслэсь быдэс адӟытон пӧрмиз.
Праздникез радъям муртъёсты таукаронъёсын пусйиз Йӧскалык политикая министр Эдуард Петров.
Вчера в Можге подвели итоги Республиканского праздника «Выль». В этом году он прошёл 6-ого августа в центральном парке города.
Праздник был наполнен не только древними традициями, но и современными форматами. Так, например на площадке «Выль базар-азбар» («Новый торговый двор») состоялась ярмарка-продажа нового урожая. Семейные пары показали свой артистизм на площадке «Выль семья», а юноши и девушки поучаствовали в интерактивной игре «Егит мылкыд – юмал йӧлпыд» («Молодо-зелено»)…
Впервые на празднике работала площадка «Выль кужым – Байге» («Новая сила – Байге»). На ней Батыры (богатыри) из Удмуртии и Башкирии состязались в силовом многоборье и традиционных национальных играх. В организации данной части праздника активное участие принимал санаторий-профилакторий «Росинка» из республики Башкортостан.
Министр Национальной политики Эдуард Петров вручил благодарности всем, благодаря кому состоялся этот праздник.
Ужрад Чечы спас кутсконэн тупа. Соин ик валтӥсь малпанэз – мушез, чечыез, ужась адямиез сӥлы карон. Таяз радэ но элькунысьтымы пӧртэм сэрегъёсысь муш возисьёс люкаськизы.
Яркмаркае люкаськем калыкез ӟечкыласа вераськизы вуэм куноос. «Удмурт Кенеш» огазеяськонлэн Тӧроез Татьяна Ишматова шумпотыса пусйиз, туэ ярмарка удмурт шӧмо пӧрмиз шуыса. Зэм но, Глазкарлэн йырыз Сергей Коновалов но удмурт дэрем дӥсяса празднике лыктӥз. Шӧдӥськиз со нимпулъёсын но – ӟученыз артэ удмурт кылын гожтэмъёс адӟиськизы.
Туэ нырысьсэ сцена вылын этномода возьматӥзы. Тросэз коллекциос но удмурт шӧмоесь вал: удмурт кырӟанъёс улсын возьматэмын вал муресазьёс, дэремъёс, туала дӥськут но чеберъяськон арбериос. Удмуртэныз оградын вал бесерман, ӟуч но бигер культураос.
Нош мушкасьёслэн быгатонлыкъёссы адскизы ӝӧкъёссы вылын. Пӧртэм посудаосы тырем чечы палэнтӥ ортчыны нокинлы но ӧз сёты. Татын ик котькудӥз быгатӥз сувениръёс но, турын-куаръёс но басьтыны, мастер-классъёсы пыриськыны, концерт учкыны.
Ярмарка зэмос праздниклы пӧрмиз.
(Туспуктэмъёс вотэсысь басьтэмын)
Арысь аре, 2-тӥ гудырикошконэ, Ижкарысь Кызьпу арама удмурт калыкез «Выль» шулдыръяськонэ люка. Таяз радэ но куноос трос гинэ люкаськизы.
Огинэ люкаськем калыкез праздникен ӟечкылазы Кун Думаысь депутат Олег Гарин, йӧскалык политикая министр Эдуард Петров, Индустри ёрослэн кивалтӥсез Любовь Зайцева, «Удмурт Кенеш» огазеяськонлэн Тӧроез Татьяна Ишматова но мукет бадӟым куноос.
Татьяна Витальевна тау кариз вань люкаськемъёслы, ужрадэз радъясьёслы но вуэм фольклор коллективъёслы. Озьы ик со праздникен ӟечкылаз но шумпотонзэ вераз сям-йылолъёсмы туала арын но утисько шуыса. «Берло аръёсы элькунамы «Выль» праздник выль но выль кужым басьтыса калык пӧлы вӧлме. Со вера одӥгез сярысь: удмуртлыкмы азинске, асьмеос азьланьтӥськом удмурт лулчеберетмес. Со тӥляд тыршемдылы луыса! Азьпалан но ог-огмес валаса, тупаса улыны мед быгатомы. Праздникен эшъёс! «Выль» шулдыръяськонэн!» — шуиз со.
Празднике люкаськем куноосты шулдыртӥзы но шумпоттӥзы элькунысьтымы дано артистъёс Геннадий Бекманов но Геннадий Кузнецов, ӝужась кизилиос Оля Ипатова, Ирина Полякова но Александр Ешкеев, озьы ик Ижкарысь но Дэри ёросысь фольклор коллективъёс: «Тюрагай», «Чильтэр», «Мечтатели», «Ӟардон», «Ягдор» но «Задор мылкыд».
Пичиос но мӧзмыса ӧз улэ. Удмурт эпосысь геройёс – Батыр, Италмас но Лӧпшо Педунь – соосын ӵош йӧскалык шудонъёсын тодматскизы но шудӥзы.
Нош мылкыд карисьёс ас бакчаязы будэтэм емышъёсынызы «Удмурт емыш мунё» конкурсэ пыриськизы но кузьымъёс утӥзы. 1-тӥ интыез «Пыре ни азбарамы» лэсьтэм композициеныз Валентина Ившина басьтӥз. 2-тӥ «Лӧпшо Педунь» композициеныз Людмила Исхакова луиз. 3-тӥ интые «Бакча натюрморт» композициеныз Галина Эскендерова тубиз. Вормисьёс но котькудӥз, кин пыриськиз конкурсэ, имысьтыз синпель кузьымен пусъемын вал.
Ильин день, день Воздушно-десантных войск – у многих 2-ое августа ассоциируется именно с этими праздниками. А для удмуртов эта дата – время сбора нового урожая.
2-ого августа организация «Удмурт Кенеш» отметила традиционный удмуртский праздник «Выль» в Ижевском парке «Берёзовая роща».
А в качестве обрядового действа хозяева полей освящали колосья и листья овощей, макали их в суп, а после – молились и просили хороший урожаи в следующем году.
Древние обычаи живы и сейчас. Но в наши дни помимо привычных традиций, праздник обрёл и современные черты. На мероприятии состоялся концерт, где выступили хореографические и вокальные коллективы. Для малышей работали аниматоры в образах Батыра, девушки Италмас и Лӧпшо Педуня. Желающие играли в национальные игры и участвовали в конкурсе поделок из свежего урожая.
Выль емышъёслы сӥзем удмурт йӧскалык шулдыръяськон радъяськиз «Удмурт Кенеш» огазеяськонлэн Грак ёросысь ёзэтэзлэн кичӧлтэмезъя.
Грак ёросын «Выль» шулдыръяськон арлы быдэ ортче. Таяз радэ но со туж шулдыр праздниклы пӧрмиз. Люкаськем калыкез ӟечкылазы Грак ёрослэн йырыз Виктор Белов, «Удмурт Кенеш» огазеяськонлэн Тӧроез Татьяна Ишматова, Грак ёросысь ёзэтмылэн кивалтӥсез Александр Аблаев.
Праздникын радъямын вал кибашлыослэн ужъёсынызы вузкарон, выль сиён-юонъёсын адӟытонъёс. Сцена вылысен чузъяськизы шулдыр кырӟанъёс. Мылкыд карисьёсты мае ке ас киынызы лэсьтыны дышетӥзы. Пичи пиналъёс понна нимысьтыз площадкаос ужазы. Нош егитъёс вожвылъяськонын кужымзэс мерттазы. Праздник пумын вань люкаськемъёсты ческыт ӝукен куноятӥзы.
«Удмурт калыклэн сям-йылолъёсыз утисько шуыса тау карисько ёросъёсын но каръёсын тыршись кенешчиосмылы. Малы ке шуоно таӵе выллем праздникъёс семья куспын возисько ик ай, нош куке соос радъясько быдэс ёрос понна, со туж бадӟым огазеяськон, удмуртлыкез утён мылкыд сётэ калыклы, нимысьтыз егитъёслы! Туж шулдыр но асшӧмо ортчиз «Выль» шулдыръяськон Грак музъем вылын! Ӝутскем мылкыдын бертӥ сомында тодмоосын адӟиськыса, кырӟаса- вераськыса, выль бакча сиёнъёсын куно луыса», — гожтӥз мылкыдзэ аслаз вотэс бамаз Татьяна Ишматова.
6-тӥ гудырикошконэ ӧтиськомы вань мылкыд карисьёсты Можгае «Выль» празднике.
«Вылез» удмурт калык али но пусъе. Праздник вашкала йылолъёсын гинэ уз пачыла, туала шӧмыз но луоз.
Кылсярысь, «Выль базар-азбар» сэрегын вань мылкыд карисьёс выль емышенызы вуз карозы. «Выль кужым – Байге» сэрегын куспазы вожвылъяськозы Башкириысь но Удмуртиысь батыръёс. Семьяос асьсэдыз котырл ласянь «Выль семья» конкурсын возьматозы, нош нылъёс но пиос «Егит мылкыд – юмал йӧлпыд» шудонэ пыриськозы. Со сяна праздникын бакча сульдэръёслэсь быдэс адӟытон пӧрмоз.
Вань сэрегъёс сярысь пыр-почгес гожтэмын положениын.
Уже собрали первый урожай? Если нет, то сейчас самое время, ведь 6-ого августа в городском парке Можги пройдёт удмуртский праздник «Выль».
Традиция собираться на «Выль» жива по сей день! Праздник будет наполнен не только древними традициями, но и современными форматами.
Так, например на площадке «Выль базар-азбар» («Новый торговый двор») состоится ярмарка-продажа нового урожая. На площадке «Выль кужым – Байге» («Новая сила – Байге») своими силами померятся Батыры (богатыри) из Удмуртии и Башкирии. Семейные пары покажут свой артистизм на площадке «Выль семья», а юноши и девушки поучаствуют в интерактивной игре «Егит мылкыд – юмал йӧлпыд» («Молодо-зелено»). Так же на празднике будет работать уникальная выставка огородных чучел.
Подробнее обо всех площадках праздника, а также бланки для участия в них можно найти в положении
Таяз шутэтскон нуналъёслы семьялы но яратонлы сӥзем ужрадъёс Удмуртилэн пӧртэм сэрегъёсаз ортчизы. Кылсярысь, уйпалан – Глазов ёросын – «Тугоко» фестиваль радъяськиз.
9-тӥ пӧсьтолэзе одӥг сцена вылэ потӥзы Яр, Балезино, Кез, Глазов ёросъёсысь усто, адӟем карымон семьяос. Ваньзы соос удмурт лулчеберетэз, сям-йылолъёсты утё, удмурт сямен кырӟаны-вераны быгато, эшъяськыса улэмзылы калыкез синмаськыто.
Жюриос пусйизы: вормисез бырйыны туж секыт вал, гось котькуд семья сярысь «тужгес но устоез» шуыса вераны луиз. Соин ик семьяосты нимысьтыз номинациосъя гинэ пусйизы. Вуоно аре «Тугоко» фестиваль ортчоз Яр ёросын.
Ижкарысь 284-тӥ номеро нылпи сад дасяське выль дышетскон арысен удмурт группа усьтыны. Али со бордын нимысьтыз ӧри ужа ини.
Нимысьтыз ужась ӧрие пырисько — садысь дышетӥсь, психолог, валтӥсь визьнодась, крезьгуръя кивалтӥсь но удмурт группаосын ужаны дась визьнодасьёс. Ваньзы ик люкаськемъёс бадӟым мылкыдзэс веразы «Удмурт Кенеш» огазеяськонэн кусып тупатыса ужаны.
«284-тӥ номеро нылпи сад туж мыло-кыдо пыриське пӧртэм удмурт ужрадъёсы, инъетсы соослэн дась», — шуэ «Удмурт Кенеш» огазеяськонлэн Ижкарысь Октябрь ёрос ёзэтэзлэн кивалтӥсез Валентина Ившина.
«Удмурт Кенеш» огазеяськон ивортэмъя.
24-тӥ инвожое, Егитъёслэн нуналзылы сӥзьыса, Ижкарын «Удмурт-а мон?!» улосвылкуспо форум ортчиз. Отчы 100 пала мыло-кыдо удмурт егитъёс пыриськизы.
Форумез радъязы Удмуртилэн Кун Кенешысьтыз тодосъя, дышетонъя, лулчеберетъя, туризмъя но йӧскалык политикая ялан ужась ӧри, «Удмурт Кенеш» огазеяськон но удмурт егитъёслэн «Шунды» огазеяськонзы элькунысь йӧскалык политикая министерство юрттэмъя.
Форумлэн нырысь ик пленарной кенешонэз ортчиз. Егитъёс люкаськизы Удмурт Элькунысь Кун Кенешлэн юртаз. Кенешонэз нуиз «Удмурт Кенеш» огазеяськонлэн Тӧроез Татьяна Ишматова. Со пусйиз, форум радъямын вал егитъёслэсь мылкыдзэс ӝутон, кулэлыксэс шӧдытон, ас кужымзылы оскон пыӵатон понна шуыса.
Егитъёсты ӟечкыласа вазиськизы Кун Кенешлэн тӧроез Владимир Невоструев, йӧскалык политикая министр Эдуард Петров, Егитъёсын ужан политикая агентствоен кивалтӥсь Алексей Выстребов, Удмурт егитъёслэн «Шунды» огазеяськонзылэн тӧроез Виолетта Анисимова.
Форумлэн пленарной люкетаз ик докладъёс но чузъяськизы. «Даур ТВ» интернет-телевиденилэн кылдытӥсез, Удмуртиысь Калыкъёслэн эшъяськон юртысьтызы методист Богдан Анфиногенов егитъёслэн туала удмурт ӵектосъёссы пумысен вераськиз. Нош «Шунды» огазеяськонэн 2008-тӥ-2009-тӥ аръёсы кивалтӥсь, Йӧскалык прессалэн юртысьтыз ӧнерчи Людмила Чернова мадиз удмурт азьветлӥсьёсты будэтонын «Шундыкар» лагерьлэн бадӟым интыез сярысь.
Пленарной кенешон бере форумлэн ужез секциосын азьланьтӥськиз. Отын егитъёс улонзэс проект амалэн радъян пумысен кенешизы, мерлыко вотэсъёсын ужан амалъёсын тодматскизы, ас куаразылы но мугорзылы кузё луон сярысь мастер-классэ пыриськизы.
Таӵе кичӧлтонэн потӥз «Удмурт Кенеш» огазеяськонлэн Балезино ёросысь ёзэтэз, решени кутэмын йӧскалык ужпумъёсъя координаци кенешын. Со сярысь ивортэмын «Удмурт Кенеш»-лэн вотэс бамаз.
Али дыре положение бордын уж кутскемын, кенешчиос малпало сое куарусён толэзёзь вуттыны. Туннэ нуналын вераны луэ ини, премия кык арлы одӥг пол сётӥськоз шуыса, нош нырысетӥ лауреатъёс тодмо луозы вуоно арын Элькунмылэн нуналэз азьын.
Николай Дмитриевич Вахрушев — Удмуртиысь калык артист. Вордӥськиз 1938-тӥ арын Балезино ёросысь Ӟатчашур гуртын. Аслаз баритон куараеныз со шаерысьтымы но, Россиысь но учкисьёсты паймытыны быгатӥз. Соин ик сое калыкын уйпал уӵы шуылӥзы.
24-тӥ инвожое Ижкарын удмурт егитъёслэн «Удмурт-а мон?!» улосвылкуспо форумзы ортчоз. Солэн ужаз вань ёросъёсысь но каръёсысь, озьы ик мукет улосъёсысь 18-35 аресъем егитъёс пыриськыны быгато.
Нунал ӵоже егитъёс кивалтӥсьёсын, пӧртэм удысъёсъя ӧнерчиосын пумиськылозы. Озьы ик секциосын тодон-валанзэс будэтозы, кылсярысь, отын ӵектосъёсын, мерлыко вотэсъёсын ужан, аслад куараедлы но мугорыдлы кузё луон сярысь верськон мыноз.
Та нуналъёсы ужрадэ пыриськон понна мылкыд карисьёслэсь вазиськонъёссэс кутон кутскиз. Куриськонъёсты чӧлсконпусъя гожтоно, ужрадлэн положениез татын.
Ватсалом, форумез Удмуртилэн Кун Кенешыстыз тодосъя, дышетонъя, лулчеберетъя, туризмъя но йӧскалык политикая ялан ужась ӧри, «Удмурт Кенеш» огазеяськон но удмурт егитъёслэн «Шунды» огазеяськонзы элькунысь йӧскалык политикая министерство юрттэмен радъяло.
Пумиськон радъяськиз Калыкъёслэн эшъяськон юртазы. Ужэрадэз нуиз огазеяськонлэн Тӧроез Татьяна Ишматова. Пичи кенешлэн ужаз пыриськизы йӧскалык политикая министр Эдуард Степанович Петров, дышетонъя но тодосъя министр Светлана Михайловна Болотникова.
Пумиськонын котьку сямен лэчыт юанъёс ӝутэмын вал анай кылэз дышетон пумысен. 1-тӥ куарусёнысен школаос выль Федерал кун стандартъёсъя ужаны кутскозы. Таяз арын отчы 1-тӥ-5-тӥ классъёс выжозы. Нош быдэсак со улонэ пыӵаны кулэ 2025-тӥ арозь. Соин ик кенешчиослэн сюлмаськонъёссы кылдо, кызьы выль стандартъёс улсын дышетон радъямын луоз шуыса. Светлана Михайловна пусйиз, та учыре удмурт кылъя урокъёс кулэстэмын уз луэ шуыса.
Шуг-сектъёс кылдо удмурт учебникъёсъя но. Татарстанысь удмуртъёс али дыре электрон учебникъёсын дышетско шуыса вераз Лулчберетъя автономизылэн кивалтӥсез Андрей Сергеевич Герасимов. Татьяна Витальевна валэктӥз, со понна интыысь дышетонъя министерствоосы вазиськыны кулэ шуыса. Уго Удмуртиысь учебникъёсты басьтон понна соос коньдон висъяло. «Зэм но, та юан трос пол ӝутэмын ни вал Кукморын но, Балтасиын но. Но малы ке сое быдэстыны уг пӧрмыто али ке но. Ми но таӵе ик амалэн Татарстанысь бигер кылъя учебникъёсты октӥськом. Башкириысь удмуртъёс но учебникъёсмес капчиен басьто», — шуиз со. Ватсаса вераломы на, палэснысь удмуртъёслэн азьпалан шуг-секытъёссы медаз кылдэ шуыса, «Удмур Кенешлэн» кичӧлтэмезъя, Удмурт Элькунысь йӧскалык политикая министерстволэн выль кун программаяз удмурт кылъя учебникъёсты басьтон понна ватсаса люкет пыртэмын. Оскиськом, программа улонэ пыӵалоз шуыса, но учебникъёс котькуд школае вуозы.
Ӵапак али дыре со кун программаез юнматон но сое уксёен тырмытон бордын министерствоын уж нуиське. Со сярысь кенешчиослы ивортӥз Эдуард Степанович. Вань удмуртъёслэн 14-тӥез ӧтчамазы Резолюцие кутэм мукет ужъёслэн быдэсъяськеменызы но тодматӥз министр. Кылсярысь, со элькунамы кык кун кылъёслэн кутӥськемзы сярысь. Берло дыре ужъюртъёс, огазеяськонъёс но предприятиос нимъёссэс ас валамзыя но удмурт кылэз тодэмзыя берыктыны кутскизы. Соин ӟуч кылысь удмурт кылэ нимысьтыз берыктӥсьёсты юнматозы.
26-тӥ куартолэзе Ижкарысь Кызьпу арамаын «Песянайёслэн нуналзы» шулдыръяськон ортчоз. Ужрад кутскоз 17 часын.
Мылкыд карисьёс Брангуртысь песянайёсын тодматскыны, Ижкарысь «Птица счастья», «Чильтэр», «Дуслык», «Ӟаныкай» но мукет нылпи коллективъёслэсь номеръёссэс адӟыны быгатозы. Озьы ик ваньзылы шулдыр мылкыд кузьмалоз кырӟанъя но эктонъя «Италмас» ансамбль.
Со сяна, ужрадэ люкаськемъёс «Формирование комфортной городской среды» федерал ӵектосъя 2023-тӥ арын тупатъяно объектъёс понна куаразэс сётыны быгатозы.
Пусъём, Удмуртиын Песянайлэсь нуналзэ 2012-тӥ арысен пусъё. Со аре Брангуртысь песянайёс Азербайджанын «Евровидение» конкурсын кыкетӥ инты басьтӥзы.
Дэри ёросысь удмурт кылэз дышетӥсь пиналъёс понна «Гуждор» фестиваль туэ кыкетӥ ползэ ортчиз ни. Радъяськиз со «Лудорвай» музей-заповедникын.
Таяз радэ школаын дышетскисьёслы гинэ ӧвӧл, садике ветлӥсь пичыльтыкъёслы но празднике вуылыны луонлык кылдытэмын вал. Куное озьы ик ӧтемын вал элькунысьтымы Пичи Пурга ёросысь но Татарстанысь Агрыз ёросысь пиналъёс но.
Мыло-кыдо, удмурт шӧмо пӧрмытизы фестивалез люкаськемъёс. Калык дӥськутэн лыктэм нылъёс но пиос сцена вылысен кылбуръёс лыдӟизы, кырӟазы-эктӥзы, сценкаос но мода возьматӥзы.
Удмурт пиналъёсыз праздникен ӟечкыланы вуылӥзы Дэри ёрослэн йырыз Константин Русинов, «Удмурт Кенеш» огазеяськонлэн Тӧроез Татьяна Ишматова, Дэри ёрос ёзэтмылэн кивалтӥсез Лидия Биянова. Соос пиналъёслы азинлыкъёс сӥзизы, тау кылъёссэс веразы анай-атайёссылы, визьнодасьёссылы, дышетӥсьёссылы тыршемзы понна, нылпиослы удмуртлыкез пыӵатыны амалъёс шедьтэмзы понна.
