Ӧд на ке пуктэ смартфонъёсады яке компьютерады удмурт шрифт — тӥледлы таӵе юрттэт
Пайдаё чӧлскетъёс сярысь гожтэ программист Григорий Григорьев:
«Ӝук интые жук сиемед уг поты ке, пукты аслыд удмурт клавиатура:
Windows — udmspell.ru
Android:
1) https://play.google.com/store/apps/details?id=com.udm..
2) https://play.google.com/store/apps/details?id=com.any..
3) https://play.google.com/store/apps/details?id=com.goo..
4) https://play.google.com/store/apps/details?id=com.tou..
iOS — https://apps.apple.com/ru/app/swiftkey-keyboard/id911..
macOS — https://udmspell.ru/blog/udmurt-keyboard-in-mac/«
Сотрудник Дома Дружбы народов Богдан Анфиногенов презентует приложение для андроид — навигатор на удмуртском языке.
В обновленном навигаторе Вас будут сопровождать голоса Александра Бикузина и Августины Михайловой, которые можно выбрать в настройках приложения.
Скачать экспериментальный образец можно в телеграм-канале.
Об этом сообщил IT-разработчик Григорий Григорьев
Работа над переводом началась ещё в 2018 году.
Идея появилась после того, как Телеграм запустил свою площадку/инструмент для локализации Телеграма на разные языки. Это нужно для того, чтобы у людей, для которых удмуртский является родным, была возможность использовать Телеграм на родном языке, точно так же, как и для русских использовать русскую локализацию. Также это может помочь для людей изучающих удмуртский язык
Участвовать в переводе может любой желающий (пользователь Телеграма), но перевод подтверждает только админ. Переводчики могут предлагать разные варианты перевода, на площадке есть возможность голосовать за наиболее подходящий вариант и оставлять свои комментарии.
Для того, чтобы подключиться к работе, нужно перейти по ссылке
Григорий Григорьев отмечает, что чем больше людей подключаться к переводу, тем быстрее появится удмуртскоязычная версия мессенджера
Работа сложная, т.к. много новых слов, иногда используется плато просто заимствования из русского или английского языка . «ВКонтакте» уже переведён на удмуртский, то есть какая-то база уже есть – это немного облегчает переводческую работу
Напомним, удмуртский язык стал пятым языком России, на котором «заговорила» социальная сеть «ВКонтакте»
Григорий Григорьев — ижевский программист, автор мобильного приложения для изучения удмуртского языка, а также десятка других разнообразных удмуртскоязычных приложений и виджетов
Версию приложения разработали удмуртские активисты
К стандартному набору озвучек на разных языках добавились удмуртские голоса — женский и мужской.
Напомним, GPS-навигатор на удмуртском языке планировали запустить ещё к национальному празднику Гербер, но из-за пандемии работу над новым проектом перенесли.
Сегодня навигатор доступен для скачивания в телеграмм-канале, специально созданном для распространения удмуртскоязычных приложений.
Сотрудники Дома Дружбы народов одними из первых проверили удмуртский навигатор в действии и записали краткую видеоинструкцию.
Программистэн, андроид приложениосты, удмурт кылын даслэсь трос мобильной приложениосты но виджетъёсты кылдытъясь Григорий Григорьевен «Удмурт дунне» газетын потэм интервью
Григорий Григорьевлы луыса удмурт кыл туала улонэн ӵош вамышъя, планшетъёсы, смартфонъёсы пыӵа, быдэс дуннее вӧлме. Гриша — программист, андроид приложениосты, удмурт кылын даслэсь трос мобильной приложениосты, виджетъёсты кылдытӥз. Со сяна, Гриша… лобаны быгатӥсь пияш.
— Гриша, палэнысен учконо ке, программистъёс — туж аспӧртэм адямиос: соос маке сыӵезэ тодо, мае уг тодо мукетъёсыз. Нош тон астэ аспӧртэм адямиен шӧдӥськод-а?
— Малпасько, ми ваньмы пӧртэмесь, котькуд адямилэсь кыӵе ке аспӧртэм сямзэ шедьтыны луоз. Нош программистъёс висъясько, дыр, асьсэлэн малпаськон амалэнызы, малы ке шуоно ужзы ӵемысь герӟаськемын сыӵе арбериосын, кудъёссэ адӟыны уг луы. Туж троссэ йырын бергатыны кулэ. Программированиез мон ӵошатысал шахматэн. Та шудонын кадь ик, программист трос вамышъёслы азьлань учкыны кулэ. Шуом, адями тынад программаеныд ужа. Ма кароно, со программадэ медаз тӥя шуыса? Ваньзэ азьлапал малпано но программадэ сыӵе тӥяськонъёслэсь утьыны тыршоно.
— Озьыен, программист нырысь ик математик. Но удмуртъёслэн тодмо математикъёссы чиньыен лыдъямон. Кызьы тон, пичи гуртысь пияш, программирование борды кыстӥськид?
— Мыным малы ке но пичи дырысеным ик йырвизез тӥясь (логической) задачаосты лэсьяны кельше вал. Нош уравнениосты лэсьяны ӧй яратылы, соос мыным лултэмесь потылӥзы.
Атае но, анае но школаын математикаез яратӥллям. Атае Пичи Пурга ёросысь Выль Мӧнья гуртын вордӥськемын, анае — вӧзысь Вуж Мӧньялан. Семья кылдытэмзы бере соос ёросысьтымы ик Сосновка гуртэ улыны интыясько. Атае водитель луыса ужа, анае АЗС-ын. Сосновкаын соослэн 3 пиналзы вордӥське. Мон пичиез. Мыным одӥг-кык арес котырын семьямы атаелэн вордӥськем палъёсаз, Выль Мӧньяла, кошке.
8-тӥ классын дышетскыкум, компьютере кылдӥз. Зэмзэ вераса, сое агаелы басьтӥзы вал, но мон но бордаз пукси. Мыным туж тунсыко вал тодыны, кызьы ужа компьютер. Нош школаын милемыз программированилы соку уг дышето на вал. Соин огпол, Ижкаре вуылыкум, шедьтӥ Паскаль программирование кылэз дышетонъя книга, басьтӥ сое. Та книгаез лыдӟеме бере монэ ёрос центрамы, Пичи Пургала, информатикаен олимпиадае келязы. Отын мон аслэсьтым нырысетӥ программаме гожтӥ но 2-тӥ инты басьтӥ. Аслым ачим туж пайми. Соку ик малпай, программистэ дышетскыны мыно шуыса.
Удмуртъёс пӧлын программистъёс ӧжыт шуыны уг луы, дыр. Мынам тодмоосы, эшъёсы пӧлын вань кужмо удмурт программистъёс, соос гуртын будэмын, но, жаляса верано, удмурт кылзэс туж ляб тодо.
— Нош удмурт кылэз Интернет пыр вӧлмытыны малпанэд кызьы кылдӥз?
— Школаез йылпумъяме бере пыри Удмурт кун университетэ. Городын шӧдӥ, мыным удмурт кыл уг тырмы шуыса. Гуртын ваньмыз удмурт кылын гинэ вал, нош татын куддыръя вазьыны но нокинлы. Соин ик удмурт кылэз тодӥсь эшъёсыным котьку анай кылын вераськыны турттӥсько вал, ог-огенымы пумиськылыкумы гинэ ӧвӧл, вотэс пыр но. 2011-тӥ арын Роман Романов но Алексей Емельянов удмурт программистъёс «ВКонтакте» вотэс бамез удмурт кылэ берыктӥзы. Мон туж шумпотӥ! Та учыр монэ но бурдъяз вотэсын мар ке удмуртсэ лэсьтыны.
Со вакытэ компьютерам удмурт шрифтлэн раскладкаез вал ини, соин ик эшъёсыным мон, аффрикатаосты (ӝ, ӧ, ӵ, ӥ, ӟ) кутыса, гожъяськи ни. Но браузер удмурт кылъёсме ултӥз гордэн пусъе — шонер уд гожтӥськы, пе. Валамон, со ӟуч кылэз гинэ вала бере, удмуртсэ янгыш каре. Соин ик югдурез тупатоно кариськи. Туж трос утчаськи, кызьы программа эскере шонер гожъянэз (правописаниез). Валай, соин Hunspell программа выре но солы нимысьтыз дасям кыллюкам кулэ шуыса. Кӧня ке толэзь ортчыса, мон удмурт правописаниез эскерись кыллюкам кылдытӥ. Валамон, отын трос янгышъёсыз кылизы, озьы ке но со быгатэ ни вал эскерыны но тупатыны 9 миллион пала удмурт кылъёсты. Та сярысь мон вотэсын гожъяны кутски. Озьы монэ удмурт активист Алексей Шкляев шедьтӥз но «установщик» лэсьтыны дэмлаз. Со сыӵе программа, кудӥз адямиослэн компьютеразы удмурт раскладка но шонер гожъяськонъя кыллюкам пуктыны юрттэ. Озьы кылдӥз udmspell.ru вотэс бам но UdmurtPackage программа. Табере вань мылкыд карисьёс, пичи но сюлмаськытэк, вотэсын удмурт сямен гожъяськыны быгато.
— Но тон таин гинэ ӧд буйга. Андроид (Android) операционной системалы удмурт кылын приложениос лэсьтонъя проектэ пыриськид. Нош собере телефонъёслы но планшетъёслы удмурт кылын приложениос кылдытъяны кутскид. Ваньмыз со аслад мылкыдыдъя, малпамедъя яке кинлэн ке заказэзъя?
— Андроидлы приложениос мон лэсьяны кутски 2012-тӥ арысен. Огпол егит удмурт ужбергатӥсь Вася Широбоков мыным гожтӥз: андроидэ но удмурт раскладка кулэ, пе, вал, телефонысен но удмурт сямен гожъяськыны мед луоз шуыса. Аслам мынам соку андроидэн телефонэ ӧй вал ай, но солы программа гожтон малпанэ йырам бергаз ни. Озьы, кӧня ке дыр ортчыса, удмурт раскладка кылдытӥ но Интернет лавкае поттӥ, кинлэн потэ, ваньзы асьсэлы мед пуктозы, малпай. Озьы ик удмурт-ӟуч кыллюкам лэсьтыны быгатӥ. Мыным туж кельшиз андроидлы приложениос лэсьяны, соин андроид-разработчик луыса ужаны кутски.
— Тынад сюлмаськеменыд, кылдытэмын смартфонъёс пыр удмурт кылэз дышетыны луонлык сётӥсь «Кылдысин» приложение. Котькуд мылкыд карись сое аслаз телефоназ дунтэк пуктыны быгатэ. Кызьы со бордын ужад? Кӧня адями та приложениез аслыз пуктӥз ни?
— Удмурт кылэз дышетонъя приложение лэсьтэме кемалась потэ ни вал. Адӟисько вал: кылэз дышетыны мылкыд карисьёс трос, но луонлыкъёс ӧжыт. «Кылдысин» приложениме 7 сюрслэсь трос пол пуктылӥзы (скачивать каризы) ни, мон понна со туж шумпотымон. Нош, шуом, удмурт клавиатураме 5 сюрс пол пуктылӥллям.
Удмурт приложениосы пӧлысь «Кылдысин» тужгес зол вӧлмиз, калык сое туж яратэ. Та приложение кылдытэмын вал, Нациосын ужан политикая министерство юрттэмен, нимысьтыз грант утыса. «Кылдысин» приложение бордын ужамы быдэс командаен: дизайнзэ «Монами» студия суредаз, кылъёсты но предложениосты анай кылъя дышетӥсьёслэн «Выжы» огазеяськонзылэн кивалтӥсез Ангелина Решетникова дасяз, нош лыдӟиз «Мынам Удмуртие»
ТРК-ысь журналист Светлана Пикулева.
Мынам мукет кылъёслы но приложениосы вань, кылсярысь, пор, тува калыкъёслэн азьветлӥсьёссы вазиськизы, мон соослэн анай кылынызы приложениос, клавиатураос кылдытӥ.
— Азьланяз, пе, адямиез быдэсак воштозы компьютеръёс. Тынад малпамедъя, искусственной интеллект — ӟеч-а со, урод-а?
— Уг оскиськы, компьютеръёс адямиез быдэсак воштыны быгатозы шуыса. Золэз компьютер — ачиз адями. Со ужа биотопливоен. Зэм, искусственной интеллектэз адями ассэ ачиз кадь ик лэсьтыны турттэ. Мар солэсь пӧрмоз — тодмо ӧвӧл. Но искусственной интеллект милемлы эш луыны кулэ, со адямилэсь улонзэ каньылгес карон понна лэсьтӥське. Кыӵе ке профессиос бырозы, соос интые компьютеръёс, роботъёс луозы, но со вакытэ ик со компьютеръёсты, роботъёсты тупатъясь адямиос но тросгес кулэ луозы. Соин, малпасько, адями быдэсак ужтэк уз кыльы. Но мукет но сюлмаськонъёс кылдозы.
— Тодэ лыктэ «Восстание машин» фильм, отын адямиен кылдытэм визьмо роботъёс ассэ ик адямиез быдто. Улонын озьы луыны быгатоз-а?
— Улонын котьма луыны быгатэ, машинаослэн адямиослы пумит мынэмзы но, кыӵе ке мукет алама югдур но. Соин адями котьмалы дась луыны кулэ. Визьмо машинаосты лэсьтыку но, кулэ малпаны
кыӵе ке рубильник: секыт
югдур кылдыку, роботэз со мед кысоз.
— Али, коронавирус вӧлмон вакытэ, пӧртэм онлайн программаослы, приложениослы, соосты кылдытӥсь адямиослы кулэяськон будӥз-а?
— Программистъёс азьвыл но уг тырмо вал. Тани мон Москваысь одӥг компаниын ужасько, но ачим Ижын улӥсько, аслам ӝӧке, компьютере сьӧрын пукисько. Программистлэн сыӵе ини ужез — дуннелэн котькыӵе сэрегаз ужаны быгатод, Интернет гинэ мед луоз.
Озьы ик мон, гуртам пукыса, быгатӥсько Москваысь,
Санкт-Петербургысь, кунгож сьӧрысь кыӵе ке компаниос вылэ ужаны. Зэм, гуртын Интернет лябгес. Соин Ижын ик ужасько. Монэ ӵемысь пӧртэм компаниос доразы ужаны кыскало, кунгож сьӧрысь но ӧтёнъёс вань…
Нош коронавирус сярысь ке… Калыкез али дораз улыны косэмын, соин тросэз Интернетын пуко, фильмъёс учко. Соин сэрен Интернет уродгес ужа: ныпъетэз укыр секыт. Но азьланяз интернетлэн ӝоглыкез будоз гинэ. Тани али ӝог Интернетлэн 4G ӝоглыкез, но вань ини 5G ӝоглыкен но. Таиз кӧня ке поллы чаль ужа. Зэм, куд-огез шуэ, тазалыклы но со уродгес. Тани, пе, Великобританиын коронавирус сыӵе ӝог вӧлме укыр ӟеч Интернетэнызы валче — связез вӧлмытӥсь вышкаос янгышесь, пе. Но мыным ваньмыз
та серем гинэ, Интернетлэн ӝоглыкез тазалык вылын нокызьы уг шӧдӥськы, адямиез кышкатон гинэ со.
— Виртуальной улонэз зэмос улонэн воштысалыд-а?
— Ӧй, ӧй воштысал. Но, жаляса верано, али эшъёсыным но ӵемгес вотэсын вераськиськом, шер пумиськылӥськом. Со мыным уг кельшы. Компьютер сьӧрын нуналаз куддыр 12 часлэсь но тросгес пукисько. Соин эшъёсыным пумиськыны луонлык кылдэ ке, вань ужме куштыса, доразы дыртӥсько.
— Эшъёсыд, программистъёс пӧлын кушем нимыд Vorgoron (Воргорон). Туала вакытэ, тынад малпамедъя, кыӵе луыны кулэ зэмос удмурт воргорон?
— Кушем ним бырйыкум, мон малпай: вотэсын луыны кулэ воргорон, кудӥз маке ужалоз, маке кулэзэ лэсьтоз. Со сыӵе огшоры удмурт воргорон. Нош улонын зэмос удмурт воргорон — со сыӵе идеал, кудӥз доры кыстӥськыны кулэ. Котькуд адямилэн идеал сярысь аслаз малпанэз. Но котыр ласянь ӟеч гинэ луыны уг луы. Зэмос удмурт воргорон — со сыӵе адями, кудӥз аслэсьтыз яратоно ужзэ, сюрессэ шедьтӥз но со уженыз аслэсьтыз но калыклэсь, матысь адямиосызлэсь улонзэс ӟечгес каре.
— Интернет пыр яратонлы оскиськод-а? Семья кылдытон сярысь малпанъёсыд вань-а?
— Мон оскисько Интернет пыр тодматсконлы, синмаськонлы, но, малпасько, вотэс пыр яратон луыны уг быгаты. Вотэс адямиез ватэ, со пыр уг лу адямиез быдэссэ адӟыны, шӧдыны. Семья кылдытон сярысь малпанъёсы кемалась вань ини, но малы ке мынам син азям уг пуксьы, кыӵе со луыны кулэ, соин, дыр, семья ӧй кылдыты на…
— Гурезь куасъёсын нискыланы яратӥськод шуыса тодӥсько. Эшшо кыӵе спорт тыныд матын?
— Гурезь куасъёсын нискыланы мыным туж кельше, нырысь ик, чебер инкуазез, чебер гурезьёсты адӟон понна. Нош кӧня адреналин басьтӥськод! Малпасько, котькуд адямилы улоназ огпол ке но гурезьёсы тубано. Мон Сочиын, мукет интыосын ворттылӥсько, Удмурт шаермес ке басьтоно — Нечкиноын. Зэм, ӵемысь огнам ветлоно луэ, угось ваньмыз эшъёсы уг быгато гурезьёсысь нискыланы: кин ке со вакыт ужа, кинлы ке со туж дуно потэ. Эшъёсын ӵош ворттылыны шулдыр. Нош огнад ке, со воксё мукет мылкыдъёс ни: тон азьлань лобиськод, инкуазь аслаз чебереныз усьтӥське — со мылкыдъёсты кылын вераны но уг луы!
Нош гужем мон яратӥсько великен ворттылыны, котькуд ӵукна яке ӝыт потаны тыршисько. Куддыръя эшеным, Виталий Пронин программистэн, ӵош ворттылӥськом. Быдэс нунал компьютер сьӧрын пукисько бере, улонам одно ик спорт луыны кулэ. Котькуд нунал 8 сюрс вамыш ке но лэсьтыны турттӥсько, кыре потасько,
толалтэ куасэн бызьылӥсько.
— Нош кызьы тон, математик, программист, крезьгур удысэ вуид, бас-гитараен шудыны кутскид?
— Уг тодӥськы, герӟаськемын-а крезьгур но математика, но пӧртэм гуръёсты кылзыны мон яратӥсько. Пичи дырме тодам вайисько ке, гуртын одӥг юмшан но кырӟанъёстэк уг ортчы вал. Школаын дышетскыкум, кельше вал ӟуч рок: «Кино», «Король и Шут», «Агата Кристи» группаос но мукет. Соку ик мон акустической гитара басьтӥ. Туж потэ вал рок-группаын шудэме. Армиысь бертэме бере электронной гитара басьтӥ. Таиз сюлмыя ӧз луы. Удмурт азьветлӥсь Влад Степанов Peace Pu группа кылдытӥз но отчы бас-гитараен шудыны ӧтиз. Мон соку бас-гитараен уг шудӥськы на вал. Малпай, эскеро. Тодмоелэсь кури, шудыса эскери — пӧрмиз кадь. Собере магазинысь аслым басьтӥ ни. Зэм, али Peace Pu группа ӧвӧл ни, но мукет группаослэн, Ижысь «Арт-резиденцилэн» проектъёсаз одӥг-ог пыриськылӥсько.
Берло дыре кельше выль инди-группаосты кылзыны. Озьы ик — электронной крезьгур, кылсярысь, драм-энд-бэйс жанрен. Со туж шаплы, юрттэ мыным компьютер сьӧрын огсыр но ӝог ужаны, сыӵе вакытэ мон машина кадь малпаськыны кутскисько кадь потэ.
— Мон кылӥ вал, кыӵе ке лобась арбериос но лэсьтӥськод шуыса?
— Мыным кельше электронной устройствоос бичаны. Али «Ютубын» трос дышетӥсь видеоос вань. Озьы ар талэсь азьло бичай аслэсьтым квадрокоптерме, али соин рос-прос лобаны дышетскисько. Кызьы? Квадрокоптере вылэ видеокамера юнматӥ. Аппарат лоба, мон пультэн соин кивалтӥсько. Йырам шлем, нимысьтыз очки. Квадрокоптере инметӥ лоба, ваньзэ, мае адӟе видеокамера, мон адӟисько, ачим со квадрокоптер вылын пукем кадь. Озьы мон Выль Мӧнья гуртэлэн возьёсыз, нюлэсъёсыз вадьсытӥ лобасько, адямиосты, шуръёсты, нюкъёсты адӟисько. Тылобурдо кадь лобасько. Туж чебер! Квадрокоптере бадӟым ӧвӧл, 500 метре ӝутскыны быгатэ. Азьланяз, оло, кыӵе ке ӵошатсконъёсы но пыриськыны быгато.
Гуртэ мон котькуд шутэтскон нуналъёсы бертылыны тыршисько, угось отын уж ноку уг бырылы, анай-атаелы юрттӥськисько. Гуртын туж гань-гань, сюлэм буйга, ачид астэ кылзӥськод.
вераськиз Елена Миннигараева
На встрече организаторы предстоящего события определялись с тем, как будет выглядеть площадка празднования — где разместятся тематические площадки, и как логично расположить все запланированные активности, в том числе парковки для транспорта делегаций и гостей. Также работу начали участники творческой постановочной группы — они обговорили создание сценария для представления на главной сцене.
Стало известно и о планах удмуртских активистов сделать озвучку для GPS-навигаторов в смартфонах. В приложении к стандартному набору озвучек на разных языках добавятся удмуртские голоса — женский и мужской. Будут и необычные варианты.
“Мы сейчас думаем над разными вариациями, чтобы водителям было интересно и прикольно слушать. Есть договоренность с известным блогером Максимом Ивановым, который готов в своём узнаваемом стиле (пародии на удмуртский акцент — прим.ред.) записать набор фраз. Есть идея обыграть особенности удмуртской речи разных местностей — диалекты”, — отмечают активисты.
Приложение станет доступно в преддверии Гербера, и на праздник любой желающий сможет доехать по навигатору с удмуртским колоритом.
Кроме того, впервые готовится официальный сайт праздника, который расскажет не только о празднике, но и его главных героях. Пользователи Сети смогут узнать историю удмуртских воршудов (древних родовых объединений), представители которых по сей день живут в принимающем праздник Вавожском районе республики.
«Ӵемысь, эшъёсын пукыку, гитараен удмурт кырӟанъёс быдэстэм потэ, но аккордъёссэ шуак тодамы вайыны ум быгатӥське, — вера Григорий. — Соин ик малпамын кылдытыны таӵе огин — «Удмурт кырӟанъёс, аккордъёсын песенник» — татын удмурт кырӟанъёс аккордъёсын, текстъёсын люкамын луозы».
Али огинын трос ик кырӟанъёс ӧвӧл на, но со югдурез тупатыны капчи.
«Кинлэн вань мылкыдыз, келялэ асьтэлэсь текстъёстэс! Возьмалом!» — вазиське Григорий.
Нош та огинын люкам кырӟанъёс котьку но ки улын мед луозы шуыса, телефонъёсы «Песни под гитару» ватсэтэз пуктыны яра, со али аккордъёслы но кырӟанъёслы сӥзем приложениос пӧлысь тужгес но вӧлмемез. Отчы но удмурт кырӟанъёс ватсаськозы.
Организатором программы онлайн-семинаров «МАФУН Академия» является Молодежная ассоциация финно-угорских народов (МАФУН).
Вебинары посвящены как обзорным темам по языкам, истории и культуре финно-угорских народов, так и специальным вопросам языкового строительства, многоязычия и современных технологий сохранения языков.
На вебинаре Григорий Григорьев рассказал о реализованных им проектах в области электронной инфраструктуры удмуртского языка. Вместе со своим коллегой Виталием Прониным он наметил планы будущей работы и представил концепцию развития удмуртской электронной инфраструктуры.
Среди проектов, о которых рассказал Григорий Григорьев, были:
В Удмуртии создали мобильную игру для изучения удмуртского алфавита. Как рассказал один из разработчиков этого приложения Григорий Григорьев, она предназначена для детей в возрасте от 3 до 7 лет. Игра под названием «Удмурт алфавит» позволит малышам легко и непринужденно выучить удмуртские буквы и читать на родном языке.
На платформе Android приложение появится уже 30 ноября, на iOS чуть позже. В планах также запустить обучающую игру для изучения чисел на удмуртском языке. Проект реализуется за счет средств от «Фонда президентских грантов».
По словам Григория Григорьева, над ним сейчас работает небольшая команда. «У меня сформировалась небольшая команда: Виталий Пронин – он занимается звуком, Вера Штыкова – рисует дизайн, Наталья Ковалец – занимается тестированием, Женя Бикузин – пишет музыку и еще несколько человек помогают мне в разработке», — сказал Григорьев. Напомним, что ранее команда Григория Григорьева уже сделала два приложения для изучения удмуртского языка: «Кылдысин» и «Разговорник».
По материалам информационного агентства «Сусанин»
#народыУдмуртии
Кызьы вераз «Монами» удмурт дизайн-мастерскойысь усточи Андрей Соловьёв, кылдытӥсьёс «Открытка из Ижевска» акцилэн малпанэз бордысь мылкыд басьтӥзы.
«Сыӵе ватсэт лэсьтыны малпан кылдэм дырысен сое улонэ пыӵатон дорозь ӝыны ар ортчиз, но со бордын ми кема ик ӧм ужалэ. Милям ужпуммы вал суреданы чебер открыткаос, озьы ик программистлэсь ужзэ но Тол Бабайлэсь видеоӟечкыланзэ гожтонэз радъяны», — тодаз вае открыткаосты кылдытӥсь.
«Ватсам улон» — туала компьютер технология, кудӥз улонын ӧвӧлтэм макеосты «суредаса ватсаны» луонлык сётэ. Сыӵе амалъя ик дуннеез вырӟытэм Pokemon Go шудон лэсьтэмын. Тол Бабаен «улэп» открыткаосты кылдытон бордын ужаз Григорий Григорьев.
«Ватсэт ӟечкыланэн видеоез возьматон понна кутэ. Туннэ нуналлы ватсэт Android-лы гинэ лэсьтэмын вал, но азьланяз со выллем ватсэтъёсты iOS-лы но лэсьтыны мылкыд вань», — шуиз Григорий Григорьев.
Огъя вераса, Выль арлы карточкаосын кӧня ке серия поттӥзы: туспуктэмен открыткаос, удмурт тусъем пудо-пӧйшуръёсын суредъёсын открыткаос: гондырен, атасэн, ӟичыен но койыкен, кудъёсыз Выль арен кылбурен ӟечкылало но Тол Бабаен но Лымы Нылэн «ватсам улон» технологиен вить пӧртэм открыткаос.
Удмуртиысь Выль ар выжыкыл геройёс «улэп» открыткаосын кӧня ке кылын верасько.
«Вань удмурт, ӟуч но англи кылын открыткаос. Сыӵе открыткаосты посткроссеръёс ярато, соос мукет кунъёсы келяло, озьы ик соос финн-угор дуннеын вӧлмемын. Открыткос Финляндие, Эстоние но мукет финн-угор каръёсы «лобо», — валэктэ ӵектослэн огез кылдытӥсез.
Открыткаосты басьтыны луэ Ижкарысь вузкарон интыосысь, Шарканын Тол Бабайлэн юртысьтыз, Глазкарысь шаертодонъя музейысь но Алнашысь. Но соослэсь вань паймымон луэмзэс адӟон понна телефонэ нимысьтыз ватсэтэз кыскыны но пуктыны кулэ.
Ватсэт Выль AR нимаське. Сое шедьтыны но телефонэ пуктыны луэ Google Play интернет-магазинысь. Со дунтэк вӧлмытӥське.
Тол Бабайлэн но Лымы Ныллэн выль ар ӟечкыланъёсынызы открыткаос 1 сюрс тиражен потӥзы.
«Чибори» ватсэтын котькуд пудо-животлэн, тылобурдолэн но шундылэн пӧртэм мылкыдыз — шумпотон, куатаськон, вожпотон, ӧчкарон… Соя но нылпиен вераськонэз радъяны луэ, — шуэ кыккылолыкъя «Билингва» удмурт центрлэн кивалтӥсез Татьяна Волкова. — Суредэз кинлы ке келяны, телефонэ яке планшетэ утьыса кельтыны луэ».
Ватсэт бордын ужазы: суредась Екатерина Мензарипова, дизайнер Вера Штыкова, программист Григорий Григорьев, тодосъя но методикая консультант Татьяна Волкова. «Чибори» ватсэт лэсьтэмын Кыккылолыкъя «Билингва» удмурт центрлэн но Ивортодэтъя но дышетонъя «Этноресрус» центрлэн кичӧлтэмзыя Удмуртиысь Йӧскалык политикая министерство юрттэмен. Уж быдэстэмын «Россиын улӥсь калыкъёслэсь кусыпъёссэс юнматон, но лулчеберетсэс азинтон» нимысьтыз кун федерал программа улсын.
«Кылдысин» но «Удмуртско-русско-английский разговорник» ватсэтъёс бордын ужаз Пичи Пурга ёросысь егит программист Григорий Григорьев, дизайнзэ лэсьтӥз «Монами» удмурт студия. Таӵе куронэн соослы вазиськиз Йӧскалык политикая министерство.
— Та ватсэтъёсты мон лэсьтӥ 2 толэзь куспын, — вера егит програмист. – «Кылдысин» ватсэтлэн пуштросэз — кылъёсты, кылтэчетъёсты тренажёр пыр дышетон. Озьы ик отын вань грамматической материалэз но. Тужгес секыт вал кылэз дышетонъя методикаез валаны. Со понна мон юромо дышетӥсьёс доры но вазиськылӥ, та выллем ик мукет программаосты учкылӥ.
Тодады вайытом, Григорий Григорьев милемлы тодмо ни телефонэ чаклам удмурт приложениосыныз, шрифтъёсыныз. Соос пӧлын, кылсярысь, «Ӟенелик» шудон, нош телефонысь но компьютерысь удмурт шрифтъёстэк удмурт егитъёс улыны ик уг быгато ни кадь.
Удмурт кылэз дышетонъя электрон программаослэн кулэлыксы кемалась кылдӥз вал ни. Уго калык удмурт кылэн арысь аре золгес тунсыкъяськыны кутске. Сое адӟиськом удмурт кылъя курсъёсысь но — арысь аре удмурт кылэз дышетыны мылкыд карисьёслэн лыдзы будэ. Татарстанын нош, кылсярысь, бигер кылэз дышетонъя нимысьтыз сайтсы («Ана теле») но вань.