Шаерамы Егитъёслэн парламентазы 60 адями бырйиське: 30-зэ ёросъёс ӵекто, 30-эз ас кужыменызы отчы шедё.

Соос Удмурт Элькунын улыны кулэ, 18-35 аресъем луыны кулэ. Кун Кенешын егит парламентарийёс 2 ар ӵоже ужало, пӧртэм проектъёсы пырисько, законъёслэн кылдэмзы сярысь тодон-валан люкало но соосты кылдытон бордын ужало.

Туэ парламентэ шедён понна кулэ келяны анкета но куриськон, туспуктэм, эмъюртысь басьтэм справкаос но конкурсной уж — кыӵе ке закон кутыны ӵектон яке калыклэсь улонзэ умоятон сярысь проект. Ужъёсты дунъялоз депутатъёслэсь кылдэм нимысьтыз жюри.

Куриськонъёсты ужан нуналъёсы ваёно Кун Кенеше (Ижкар, Октябрьлы 50 ар площадь, 15-тӥ юрт) 18-тӥ толшорозь 14 часысен 17 часозь.

Та сярысь пыр-почгес луэ тодыны шаерысьтымы Егитъёслэн парламентсылэн «ВКонтакте» бамысьтыз.