Мар возьма азьланяз учкисьёсты? Кыӵе мыно ужъёсыз телеканаллэн? Вера «ДАУР ТВ» каналлэн малпасез но валтӥсь редакторез Богдан Анфиногенов
Нырысетӥзэ ДАУР ТВ эфире 8-тӥ оштолэзе потӥз. 8 час ӵоже ВКонтакте-ысь нимысьтыз группаын канал меӵак эфирын вал. ВКонтакте-ын нуналлы быдэ трос учкисьёс понна меӵак эфир нуыны умой луонлык вань. Каналлэн программаяз художественной но документальной фильмъёс, видеолекциос, умдурт крезьгуро клипъёс, серемес видеоос, удмурт кылын мультфильмъёс, тодмо телепрограммаослэн люкетъёссы но видеоблогъёс.
Богдан Анфиногенов:
«8-тӥ куратолэзьысен эфир 15 час ӵоже мыныны кутскиз, али со 7:00 час ӵукнаысен 22:00 час ӝытозь мынэ. Таче выльдӥськон каналлы одӥг толэзь тырмонэзлы сӥземын вал. Со бере мон аслым ужпум пуктӥ — котькуд толэзе маке выльзэ ватсано, мазэ ке воштоно. Кылсярысь, 8-тӥ инвожое дорысеным меӵак эфире потыны, учкисьёсын вераськыны малпасько«
Телеканал меӵак эфире потыны кутскыку ВКонтакте-ысь группаын 2500 гожтӥськисьлэсь ӧжытгес вал, нош туннэ понна 4,5 сюрслэсь тросгес гожтӥськись ини. 26-тӥ оштолэзе телеканалэз тужгес но трос калык – 41 адями – учкиз. Нунал куспын каналэз 3-5 сюрс адями учке, нош 26-тӥ куратолэзе «Брангурт песянайёс» сярысь эфирез 15 час куспын 14 сюрс адями учкиз.
«Лыдпусъес бадзымесь ик ӧвӧл, уго контентэз но телеканаллэн огшоры ӧвӧл. Со сяна, али эфирын видеоослэсь «лултэм» возьматонъёс гинэ мыно, со материалъёсты котькудӥз мылкыд карись ачиз Интернетысь шедьтынын быгатэ. Мон администратор бере, шумпотӥсько, адямиос котькуд нунал кыӵе ке комментарий, вазиськон, кельто, эфирез Россилэн пӧртэм сэрегъёсаз – Пермьын, Татарстанын, Воронежын, Белгородын но о.а. – учко шуыса»
Тужгес но учкисьёсты удмурт кылын полнометражной фильмъёс – «Пузкар» но «Узы-Боры» тунсыкъяськыто. Куартолэзе проектэз азинтон понна уксё бичаны луонлыкез кылдӥз. Туннэ нунал понна учкисьёс 1250 манет висъязы ини.
Каналлэн эфирез зэмос телевиденилэсь туссэ басьтэ ини – татын перепеч вуттон сярысь реклама адӟыны луэ.Нош матысь дыре учкисьёсты студиысь меӵак эфиръёс возьмало, соос авторлэсь рубрикаослэн «демо-версизы» луозы. Азьланяз рубрикаос ДАУР ТВ-лэн программаосыз луыны быгатозы, со понна Калыкъёслэн Эшъяськон юртазы нимысьтыз видеостудия дасямын луоз.
«Проектлэн валтӥсь малпанэз – котькуд мылкыд карись, ачиз группае пырыса, эфирез телевизорез сямен мед учкоз. Али дырлы ваньмыз ВКонтакте-ысь репостъёс но ивортонъёс пыр ортче. Мукет сямен вераса, пӧртэм интыосы эфирез уд вӧлмытиськы ке, лентаын уд потаськы ке, адямиос уг пыро но уг учко. Но пӧлазы вань кӧня ке котьку но эфирез учкись адямиос, соослы мон туж шумпотӥсько. Малпасько, группаын тросгес пыриськись луиз ке, каналлэн аслаз контентэз кылдиз ке, ужпум мукетгес луоз»
Молодежный интернет-телеканал на удмуртском языке вещает каждый день вот уже почти 2 месяца. Мы пообщались с автором идеи канала и его главным редактором, Богданом Анфиногеновым, и узнали, как дела у проекта и что ждет зрителей в самом ближайшем будущем.
Впервые ДАУР ТВ вышел в эфир 8 апреля. Вещание продолжалось на протяжении 8 часов в одноименной группе ВКонтакте. Сервис прямых трансляций в этой социальной сети позволяет каждый день вести эфир для широкой аудитории подписчиков. «Программу передач» составляют художественные и документальные фильмы, видеолекции, удмуртские музыкальные клипы, юмористические видео, мультфильмы на удмуртском, фрагменты известных телепрограмм и даже видеоблоги.
«Начиная с 8 мая, эфир стал занимать уже весь день — 15-ти часовой прямой эфир с 7:00 до 22:00. Это было сделано «в честь» того, что проекту исполнился месяц и я поставил себе такую негласную задачу каждый раз в этот день добавлять какие-то изменения, нововведения. Например, 8 июня планируется выйти в прямой эфир из домашней «студии», пообщаться вживую со зрителями», — говорит Богдан.
Немного статистики:
— На момент старта прямых эфиров в группе насчитывалось меньше 2500 участников, на сегодняшний день их уже почти 4,5 тысячи.
— 26 апреля канал одновременно смотрело рекордное количество человек: в один момент за трансляцией следил 41 зритель.
— В среднем за день канал успевают посмотреть 3-5 тысяч человек.
— 26 мая эфир про «Бабушек из Бураново» собрал 14 тысяч просмотров за 15 часов.
«Цифры конечно очень небольшие, но стоит учитывать узкую направленность и специфичность контента и также то, что в эфире идет пока «бездушный» поток видеозаписей, которые в принципе пользователь может сам найти и посмотреть в интернете. Меня, как администратора, радует конечно наличие комментариев практически каждый день, интересно, что смотрят эфир в разных местах России, в Перми, в Воронеже, в Татарстане, в Белгороде и т.д», — отмечает Богдан Анфиногенов.
Особым интересом у зрителей пользуются полнометражные фильмы на удмуртском языке – «Пузкар» и «Узы-Боры». В мае у проекта появилась возможность сбора пожертвований. На сегодняшний день зрители пожертвовали уже 1250 рублей на дальнейшее развитие интернет-канала.
В эфире канала появляются атрибуты настоящего телевидения – сейчас можно увидеть рекламу доставки перепечей. А в ближайшем будущем зрителей ждут прямые эфиры из студии, которые станут «демо-версией» авторских рубрик. Сами же рубрики могут стать постоянными программами ДАУР ТВ уже в сентябре, после того как в Доме Дружбы народов будет оборудована видеостудия.
«Идея, суть проекта – в том, чтобы в любой удобный момент человек сам заходил в группу и смотрел бы эфир, как телевизор. Но пока что всё происходит по большей части только через репосты, уведомления. То есть, если не репостить, не напоминать и не появляться в новостной ленте, то люди не заходят и не смотрят, кроме, разве что, нескольких постоянных зрителей, которым я, конечно, очень рад. Я думаю, что по мере роста числа участников группы, появления своего контента и просто со временем всё-таки в этом плане ситуация будет улучшаться», — подводит итог создатель интернет-канала.
Богдан Анфиногеновлэн «Удмурт дунне» газетын печатлам интервьюэз
20-тӥ декабре ӟечкылазы Удмуртилэн Тӧроезлэсь «Признание» премизэ басьтэм лауреатъёсты. Пӧлазы — удмурт пияш Богдан АНФИНОГЕНОВ — кылбурчи но кырӟась, удмурт культураез азинтӥсь но вӧлмытӥсь. А. Бречалов Б. Анфиногеновлы вотэсын удмурт «ДаурТВ» телеканалэз лэсьтыны сертификат сётӥз.
«Пишу, говорю, читаю
по-русски…
Замыкаюсь в себе
по-удмуртски…»
— Мон вордски 1990-тӥ арын Пичи Пурга черкогуртын. Анае та ёросысь ик Арлан гуртын будэмын, атае — Николаевской хуторысь (али та гурт ӧвӧл ини). Песятае Брангуртысь вылэм. Анай-атае удмуртъёс, но монэн но Ярослав агаеным ӟуч кылын котьку вераськизы. Райцентр понна со паймымон ӧвӧл.
Гужемлы быдэ мон Арланэ ӵужае доры вуылӥ. Гуртысь удмурт эшъёсыным вераськылӥ ӟуч кылын. Нокыӵе шуг-секытъёс ӧй вал. Арлан — эрико улонэ выён кадь. Эшъёсын калгонъёс-вераськонъёс, тылскем дорын гитараен пуконъёс… Сьӧр гуртэ дискотекае нюлэс пыр ветлылӥм. Оло, соин мыным удмурт культура кельшиз — малы ке шуоно со нырысь ик герӟаськемын эрикен.
Со вакытэ, куке пиналъёс клубе ветлыны кутско ини, мыным анае шуиз: тон дискотекаосы уд ветлы, отын тамак кыско, юо, алама пиналъёсын кушласькод. Нош мыным со вакытысь крезьгур туж кельше вал, мон яратӥ MTVканалэз. Пургалан шор площадьын дискотека ортчыку, мон, гуртын пукыса, син азям пуктылӥ, мар отын луэ. Собере озьы пӧрмиз — Ижын удмурт дискотекаосы акыльтымон ӵем ветлылӥ.
«О, удмурты, в омут ваш
Я ныряю. Насовсем»
— 10-тӥ классын малпай: одно ик историяя факультетэ пыро. Мыным история пичи дырысеным кельше. Со сяна, учки «Большая перемена» фильмез. Отысь валтӥсь герой Нестор Петрович, егит историк, аспирантурае пырыны турттӥз, но ӧз быгаты. Со герой мыным туж кельшиз. Мон малпай: мон но историклы дышетско но собере аспирантурае пырыны утчало. Серем, малы ке шуоно мон со вакытэ уг но тодӥськы вал, мар со аспирантура, но син азям сыӵе чебер суред пуксиз соку. Мон сыӵе адями — кыӵе ке арберилэн чебер вылтусыз, кыллэн тунсыко чузъяськемез бордазы кыско. Мон мар ке яркытсэ соку ик синйылтӥсько, собере туж зол кельшись арбери малпаськон ӧрме воштэ, творчествоме бурдъя.
Школа бере азьвыл улонэ чигиськиз кадь. Мыным туж кельше вал Пургалан улыны. Бадӟым классъёсын кырӟасько вал ини, эшъёсыным «Летопись» рок-группа кылдытӥм. Баграш-Бигра гуртэ гастролен потам, Пургалась культурая юртын кырӟаллям. Школаын спектакльёсын шудылӥ. Сыӵе ваньмыз умой вал. Городэ вуи но — ыши, ас поннам кыли, возьдаськон сямы нош ик берытскиз.
Истфакын 1-тӥ курсын научной уже Богдан Хмельницкийлы, Запорожьеысь войскоосын кивалтӥсьлы, сӥземын вал. Со вакытэ мыным украин кыл, культура кельшо вал. Но собере сюресэ мукет пала кожиз.
2-тӥ курсын дышетскыкум, мон туала удмурт культура, тунсыко егитъёс, ужрадъёс сярысь кылыны-адӟыны кутски. Кылсярысь, «Мынам Удмуртие» телеканалын передача адӟытӥзы: Ижкарын, пе, удмурт дискотекаос ортчыло, Павел Поздеев продюсер пичи интервью сётӥз. Собере Арланысен «Инвожо» журналэз шедьтӥ. Отын удмуртъёс эльфъёсын ӵошатэмын вал, журналлэн выл бамыз яркыт, тузӥ. Со но, чебер фантик кадь, монэ бордаз кыскиз. Собере «ВКонтакте» вотэс бамын Yumshan Promo, «Удмуртлык» огинъёс кылдӥзы. Нош университетын милемлы этнологияя лекциос лыдӟизы. Соку факультетамы туж яркытэсь дышетӥсьёс вал, ваньзы удмуртлыкен герӟаськемын: Алексей Шепталин, Андрей Прокопьев, Павел Орлов, Юрий Перевозчиков, Алексей Загребин, Владимир Владыкин…
Со аре мон Дэриын улӥ, университетэ автобусэн ветлылӥ. Огпол, автобусын пукыкум, малпай: курисько этнологияя кафедрае, удмурт темалы сӥзем научной уж гожто, этнофутуризмез эскеро. Этнофутуризм сярысь мон нырысьсэ кылӥ, школаын дышетскыкум. Лыдӟи «Малопургинская земля — моя родина» книгаез. Отын пумаз пичи гинэ статья Надежда Уткина кырӟась сярысь. Вакчияк гожтэмын, со этнофутуризм ӧрын ужа шуыса. Этнофутуризм калыккультураез но туалазэ огазея, пе. Вау, кыӵе круто, малпай! Дипломной ужлы ӵектэм темаос пӧлын этнофутуризм темаез адӟи.
Озьы удмурт культураен тунсыкъяськонэ пичиен-пичиен будӥз, нош соку, автобусын пукыкум, валай: мон удмурт культураен выро.
«Все ржут, когда я
по-удмуртски
Пытаюсь что-то
говорить…»
— Удмурт кылэз кыллюкамъя, книгаосъя дышетӥ. Арланэ бертыса, малпай: али мон верасько удмуртъёсын удмурт кылын, ваньзы шумпотозы, ваньмыз луоз супер-пупер! Нош мыным отысь пиналъёс шуо: тон шуккем-а, мар-а? Эн изъянты милесьтым кылмес. Собере мон огдыре грузчик луыса ужай, ужамы одӥг удмурт воргорон вал. Солы удмуртэн вази. Со шуэ: эн вераськы удмурт кылын, со тынад ӧвӧл. Мон валасько: янгышъёсын соку вераськи, ӟуч акцентэ зол шӧдӥськиз. Мылкыды куашказ. Тон кутскиськод кылэз дышетыны, тыныд юрттэт кулэ, нош тыныд шуо: палды татысь!
Кунгож сьӧрысь вуэмъёсын озьы ӧвӧл, соосты удмуртъёс ярато. Соослэн акцентсы мусо потэ, нош ӟуч акцентэз туж аламаен пумитало. Мон кадьёс кыстӥсько ке удмуртъёс пӧлы — милемыз уг куто, шуо: уд ке быгатӥськы вераськыны, эн вераськы. Со адямилэсь мылкыдзэ быдтэ. Кылбуръёсме но гожъякум, аслым ужпум пуктӥ: мед мон кадь адямиос адӟозы, кылэз калленэн дышетыны луэ шуыса.
«Шайвылын.
Вы лыком шиты!»
— Мон удмуртъёслэн историзы сярысь трос книгаос лыдӟи. Маргарита Гришкиналэн «Удмурты. Этюды из истории IX-XIX вв.» книгаез бере йырам ваньмыз воштӥськиз. Отын, конешно, удмуртъёслэн историзы романтизировать карыса возьматэмын. Малпай: удмуртъёслэн сыӵе секыт улонзы вал, сыӵе трагической историзы. Кызьы соос дунне вылэ кыльыны быгатӥзы на? Ваньмыз урод, удмурт кыл кошке, удмуртъёс быро, нош мон кылме уг тодӥськы. Кызьы озьы? Малы мон озьы карисько, малы анай-атае монэн удмурт кылын ӧз вераське? Удмурт кылэз утёно.
Пичи Пурга библиотекаысь 30 манетэн пичи гинэ ӟуч-удмурт кыллюкам басьтӥ. Мон сое огнуналскын лыдӟи. Мылкыды соку сокем пурӟиз! Соку ик гожтӥ «Шайвылын» нырысетӥ удмурто-ӟучо кылбурме. Мыным кыллэн чузъяськемез кельшиз. Со вал сыӵе шок мон понна, мон удмурт кылын кылбуръёс гожъяны кутски, удмурт кылын мар ке но кылдытӥ шуыса. Выль улон кутскиз. Серем учыр вал. Соку мон эшъёсыным ӵош квартираын улӥ. Одӥг ӟуч пияш шуэ: Богдан, тон шаман-а, мар-а? Уйин, пе, валантэм кылъёсын вераськид. Валай, кылбурме шара лыдӟи шуыса.
Кутски кылбуръёсме «ВКонтакте» бамам потталляны. 2009-тӥ арын пыриськи «Артэ» туала удмурт фестивале. Сое Павел Поздеев продюсер ортчытӥз. Со монэ удмурт дискотекае чортӥз, монэ телевидение ӧтчазы, пӧртэм ужрадъёсы пыриськыны кутски, трос тунсыко удмуртъёсын тодматски, эшъяськи соосын, «Амисовот» группамы люкаськиз. Удмурт кылме но волятӥ.
Мон али малпасько: ваньмыз мукет сямен но луыны быгатысал. 1-тӥ курсын мон «Рифма» фестивале ӟуч кылбуръёсыным пыриськи, соку учкись-кылзӥсьёслэсь кузьымзэс мыным сётӥзы, бичетын кылбуръёсме печатлазы. 1-тӥ но 2-тӥ курсъёс вискын мон сюрес вожын сылӥ кадь. Ӧйтӧд, мар луысал, кыльысал ке ӟуч дуннее. Но удмурт культура тунсыкогес потӥз. Отын вал сомында луонлыкъёс астэ возьматыны, мар ке выльзэ лэсьтыны.
«Будем верить —
эшшо улом…»
— 2015-тӥ арозь сомында проектъёсы вал. «Айшет будущего» кылбур бичетэ потӥз, клипъёс, кырӟанъёс вордскылӥзы, мон передачаосы ветлылӥ, ужрадъёсы пыриськылӥ. Сомында вылез, сомында тунсыко адямиос но группаос: Брангуртысь песянайёс, «Амисовот», Silent Woo Goore, «Эктоника», Дарали Лели, Алексей Шкляев… Конешно, троссэ мытӥз Павел Поздеев. Мыным со туж трос сётӥз, сотэк нокыӵе проектъёсы ӧз луысалзы, дыр.
Собере ваньмыз бырыны, пашмыны кутскиз, огдышем сямен кошкиз кадь. Нокыӵе выль малпанъёс ӧз ни поталлялэ. Соку монэ удмурт культура бурдъямысь дугдӥз. Удмурт культура луиз сыӵе, кыӵе со луыны кулэ, дыр. Алёна Тимерханова, Николай Анисимов, Иван Котельников — удмурт эстрадалэн алангасаръёсыз кадь — сомында хитъёс лэсьяло, Иван Белослудцевлэн, Алексей Пикулевлэн тунсыко проектъёссы. Но со мынам культурае ӧвӧл ини. 2008-тӥ арын ваньмыз лозунг кадь вал. Удмурт кылэз афишае пуктӥськод но — со ини футуризм. Суро-пожо кыл воштӥськиз литературной удмурт кылын, огыр-бугыр культура гань-ганьгес, ӵошкытгес луиз. Азьвыл мон улӥсько вал малпанэн: удмурт кылэз быремлэсь утёно! Али со бугыръяськонэ ортчиз. Огласянь, со туж умой. Мукет ласянь, ортчемезлэсь мӧзмоно.
Соку, 2008-тӥ арын, мон понна ошмес син усьтӥськиз вал. Удмурт куиськон, фольклор кырӟанъёс сураськизы мынам со вакытысь тунсыкъяськонъёсам — поп-артэн, эмо культураен, этнофутуризмен. Ваньмыз соку тупаз. Али со ошмес син мон понна кулэсмиз. Мукет ласянь ке учконо, берло дыре мон трос кырӟалляй бадӟым ужрадъёсын, элькун концертъёсын. Бадӟым ужрадъёсы пыриськыкум но, мон кыӵе ке миссиме адӟисько. Котьку удмурт кылэз пыртыны дэмласько.
«Мед модаын луоз
тодон-валан!»
— Мыным туж кельше совето вакытысь удмурт культура. Котьку яратӥсько вал вуж туспуктэмъёсын альбомъёсты учкылыны. Туж кельшо вуж удмурт книгаос, журналъёс. Мон соосты люкасько, вотэс баме поттыны тыршисько.
Асме дилетант нимасько. Кылбуретын но, эстрадаын но, наукаын но мон профессионал ӧвӧл. Мон кырӟась ӧвӧл ук. Туж уг кельшы, куке монэ рэпер шуо. Мынам потэ вал, удмурт кылын пӧртэм кырӟанъёс мед луозы шуыса. Кин ке соосты лэсьтысал ке, мон кылзысал гинэ. Но мон адӟи: нокин уг лэсьты. Ярам, мон специалист ӧвӧл ке но, рэп лыдӟо, рок-группаен кырӟало. Историен но озьы ик — нокин вашкалазэ уг вӧлмыты, соку мон ачим. Мыным кельше историен тодматскыны чыры-пырыос пыр, огшоры адямиослэн улэм-вылэмзы пыр, вуж газет-журналъёс пыр.
Котькуд нунал Интернетэз бугыръясько, маке удмуртсэ отысь утчасько. Пӧртэм сайтъёсысь, архивъёсысь, библиотекаослэн фондъёсысьтызы — котькытын мар ке тунсыкоез сюре, дыр но чидан гинэ кулэ. Огпол кытысь ке лыдӟи, ог 200 фильмъёс удмурт кылэ берыктэмын шуыса. Азьвыл та ужлы трос коньдон висъяллязы, Казаньысь киностудиын удмурт артистъёс ужазы, киноосты, мультфильмъёсты удмурт куараен поттӥзы. Нош кытын со плёнкаос? Одӥг вотэс бамысь адӟи: «Маугли» мультфильмлэн удмурт кылын киноплёнкаез вузаське. Мон вуз карисьлы вазиськи, ӧз-а быгатысалыз фильмлэсь цифровой копизэ лэсьтыны. Со 3 сюрс манет куриз. Мон калыклы «ВКонтакте» вотэс бам пыр вазиськи: ойдолэ коньдон люкалом. Со нуналэ ик Кукмор ёросысь егит ужбергатӥсь Александр Ожмеков мыным уксё келяз. Озьы та мультфильм удмуртъёс доры вуиз.
Сюлмы бӧрдэ, со вуж берыктэмъёс сярысь малпаськыкум. Оло, соос ГТРК-лэн архиваз кыллё, нокин соосты уг утча, уг адӟы. Мед соос вотэсын потысалзы. 1960-тӥ аръёсысь удмурт передачаосты учкысал. Оло, соос архивъёсын вань? Асьмеос трос вераськиськом Кузебай Герд, Ашальчи Оки сярысь, нош мар вал соос бере, война бере — ум тодӥське. Арлыдогес адямиос со вакытэ улӥзы. Нош егитъёс понна со ворсамын, ватэмын. Со копак мукет культура. Кылсярысь, Надежда Уткиналэсь вуж клипсэ учки. Со Виктор Цой кадь, зэмос кизили, сыӵе йӧно. Ваньмыз гольтыръяськытэк лэсьтэмын, со уг тыршы калыкез шулдыртыны. Мынам но, со шоры учкыса, удмурт кылын рос-прос выреме потэ. Тросгес сыӵе передачаосты поттыны луысал ке, ми, егитъёс, адӟысалмы, шулдыръяськон вылысь гинэ культураен выроно ӧвӧл шуыса.
«Малпаськонэ мон уси но пайми:
Мар весь кулэ на тыныд,
Адями?»
— Али ужасько Эшъяськон юртын, солэсь азьвыл Калык творчествоя элькун коркан, Писательёслэн союзазы ужай. Зэмзэ вераса, идеальной дуннеын мон фрилансер луысал, творчествоен гинэ вырысал нокыӵе отчётъёстэк, бумагаостэк. Нунал ӵоже йырын уж берга, собере кылбур гожтыны кужым уг ни тырмы. Али удмурт культура шоры палэнысен учкыны но уг быгатӥськы, мон ачим со пушкы выемын.
2014-тӥ арын Америкае вуылӥм. Соку Уйпал Дакотаысь кыӵе ке конгрессмен юаз: нош кыӵе тӥляд лемлет малпанды? Со дырозь мынэсьтым нокин та сярысь ӧз юалляськы. Соку верай: уен-нуналэн ужась удмурт телеканал мед луысал. Али вотэсын но сое лэсьтыны луонлык вань. Та дыре мон «ВКонтактеын» MTV Udmurtia бамез нуисько. «Признание» премиен валче мыным сётӥзы удмурт телеканал бордын ужаны луонлык — сертификат. Туж потэ передачаосын сетка лэсьтэм. Соку мон нош ик мар ке выльзэ кылдыто удмурт культура понна.
Шумпотӥсько но, паймисько но та премиез басьтэмелы. Мон капчиен ӝоже усисько, пушкам весь копаськисько. Кышкаса малпасько: али монэ курлалозы, уродэн мон сярысь вераськыны кутскозы. Вот, шуозы, ваньмыз алама, удмурт кыл быре, нош солы премия сёто. Мон ачим асме нырысь ик тышкаськисько. Малы ке шуоно мыным возьыт, мон ушъямлы дышемын ӧвӧл.
Зэмзэ вераса, мыным аслым воксё номыр кулэ ӧвӧл. Мынам вань улыны-вылыны кӧня ке уксёе. Солэсь трос кулэ ӧвӧл.
Мон уг быгатӥськы адямиосын кивалтыны, соосты сьӧрам кыскыны, кышкасько тодмотэм адямиосын вераськыны. Сцена вылын кырӟакум, асме мукет дуннеын кадь шӧдӥсько. Мынэсьтым ӵем юало: малы тон сцена вылын сыӵе шулдыр кырӟанъёс быдэстӥськод, собере васькиськод но, ымнырыд сыӵе ӝож. Мон зэмос улонэ берытскисько, кытын трос шуг-секытъёс. Озьы ик маскарчиос но уло, дыр. Верало ук: маскарчиос — дунне вылысь самой ӝожмуртъёс.
«Мне очень повезло, и я не устаю об этом говорить, — работаю в удивительном регионе, где людей инициативных, искренне любящих свою родину, свою землю очень много. Благодаря вам мы справляемся с этим нелёгким этапом развития республики.
Какие бы ни были ресурсы, которые нам сейчас предоставляет Федерация в рамках национальных проектов, какие бы ни были усилия со стороны Главы, Правительства, руководителей районов, у нас ничего не получится, если вы, жители республики, своими инициативами, своим трудом не поддержите нас.
А когда мы видим, как реализуются ваши проекты (зачастую не благодаря, а вопреки), то у меня и нашей команды не возникает никаких сомнений, что нам надо ставить перед собой самые высокие цели и достигать их«.
Глава Удмуртии Александр Бречалов искренне поблагодарил всех лауреатов и участников церемонии за добросовестную работу во благо Удмуртии, за активную жизненную позицию и инициативность.
В числе награждённых врачи, спортсмены, жители деревень, председатель ТСЖ, ученые и другие.
Богдан Анфиногенов — методист Дома Дружбы народов, поэт, музыкант, исполнитель, лауреат премии «Признание» — написал слова благодарности в своем инстаграмм-аккаунте:
«Спасибо большое, я очень рад!
Наверное главная из наград,
Но всё же она не совсем моя,
Её получают все предки мои и друзья!
Прости же меня, мой удмуртский народ,
Быть может я и не совсем тот,
Кто больше достоин, но сердце моё как и прежде поёт: «Мы — суперудмурты! Полный вперёд!»
Также Богдану Анфиногенову вручили сертификат на создание удмуртскоязычного интернет-телеканала «Даур ТВ».
Наградами Главы Удмуртии также отмечены: