Шаерамы улӥсьёс арез выль бесерман календарен мытыны быгатӥзы.

2-тӥ бесерман календарез поттон бордын тыршизы Балезиноысь исксствоосъя нылпи школаысь пиналъёс, соосты валтӥз дышетӥсьсы Галина Владиславовна Главатских.

«Нуналлөд» календарьлэн котькуд бамаз суредамын бесерманъёслэн йылолъёссы, шулдыръяськонъёссы, дӥськутсы, улон-вылон радлыксы. Со сяна, QR-кодъёслэн юрттэменызы котькуд сямлэн но арберилэн историенызы пыр-почгес тодмасткыны луэ.

Суредаськись пиналъёсты тау каризы Балезино ёросысь Юндаысь Бесерман лулчеберетъя центрлэн кивалтӥсез Надежда Сидорова но “Атай” огазеяськонлэн кивалтӥсез Алексей Караваев. Соос нылпиослы “Лудорвай” музей-заповеднике билетъёс кузьмазы.

Со интыяськемын шай вылын. Секыт война аръёсы уго тросаз гуртъёсысь эмъяськонниосы вайылӥзы сӧсырмем яке висись солдатъёсты. Йӧнамъёсыз выльысь фронтэ берытскылӥзы, но ваньмыз бурмонлы ӧз сётӥське. Сыӵеосты отысь ик шай вылэ ватылӥзы. Озьы пыраклы кылемъёс вань Юнда музъем вылын но. Со сярысь вера синпелетлы кичӧлтон сётӥсь, уно аръёс ӵоже гуртысь музейын ужам нылкышно Ангелина Урасинова.

«Азвесь ошмесъелэн шаерзы» — А.П.Урасинова

интервью дасямын ГТРК «Удмуртия»