Зямай гуртын “Шудор” ӵектосэн тодматскон-кенешон ортчиз

Фото женщины обсуджают строительство музея мудор

 Пумиськонэ “Удмурт Кенеш” огазеяськемлэн валтӥсь бухгалтерез Алевтина Чиркова но валтӥсь секретарез Елена Александрова вуылӥзы. Озьы ик Сьӧлта ёросысь кенешчиос, муниципал поселениослэн кивалтӥсьёссы, проект бордын ужасьёс пыриськизы.

Ӵектослэн кивалтӥсез Наталья Русских пыр-поч тодматӥз проектлэн пуштросэныз, нош Алевтина Чиркова валэктӥз, кызьы ужкагазъёсын шонер ужано, коньдонэз кулэезъя шырыт но интыё кутоно.

Мылкыдзэ вераз Елена Александрова но: “Инкуазьды туж чебер, сюресъёс вольытэсь, нюлэсъёс, пӧртэм буёло сяькаос, шуръёс, коркаос. Паймымон, ваньмыз утялтэмын. Ваньмызлы синмаськыса кошкиськом. Ужды одно ик мед пӧрмоз, мед кылдоз Сьӧлта ёросын «Шудор» азбар, куно пумитан шутэтскон инты. Улӟытом но адӟытон вашкала калмез удмуртъёсмылэсь узыр сямъёссэс но йылолъёссэс, утёмы но  пыӵатомы сое будӥсь нылпиосмылы, Сибирь тракт сюреслэсь историзэ бугыртом но тодытом”.

Озьыен, кенешчиосмылы сӥзём ужазы азинлык, ӝутскем мылкыдын, рос-прос басьтӥськыны та проект борды.

Тодады вайытом, “Удмурт Кенеш” огазеяськемлэн Сьӧлта ёросысь ёзэтэз шаертодонъя музеен огазьын дасям “Шудор” ӵектосэз Азьмуртлэсь грантсэ утӥз. Ӵектос улсын Сьӧлта ёросысь Зямай гуртын калмез удмуртъёслэсь музей-усадьбазэс кылдытозы.

Зямай гуртын "Шудор" ӵектосэн тодматскон-кенешон ортчиз

Контентмейкер, мемолог и журналист

Дом Дружбы народов
Добавить комментарий