Жильыртӥсь кырӟан ошмес

    Жильыртӥсь кырӟан ошмес 1

    Шаерысьтымы 17 кырӟасьёс академ амалъя кырӟаны быгатонлыкъёссэс возьматозы.

    Одӥгез пыриськись Александр Сапожников искусствоосъя элькун нылпи школаын баянчилы дышетске. Озьы ик кырӟа «Ингур» капеллаын. «Мынам удмуртие» телерадиокомпаниен элькунысь композиторъёслэн огазеяськонэнызы но удмурт кун филармониен валче ялэм академ кырӟанъя конкурсазы ассэ та удысын эскертоз. Апаеныз Анастасия Сапожниковаен ӵош (нош со вынзэ конкурсэ дася) бырйизы Михаил Покчи-Петровлэн кылъёсызъя гожтэм Геннадий Корепанов-Камскийлэсь «Эктон гур» кырӟанзэ.

    «Шуг кырӟан, но мон дасяськисько, — шуэ Александр Сапожников. – Малпасько, асме быгато возьматыны. Вераны кулэ на, та вожвылъяськонэ пыриськоз милям анаймы но Алнаш ёросысь Сырьез гуртысь Людмила Гергиевна Сапаожникова. Со аслэсьтыз гожтэм кырӟанзэ быдэстоз».

    Ужрадын чузъяськозы туала но вашкала крезьгуръёс академ амалэн. Благотворительной концертын поттэм уксё Григорий Титовлэсь синпелетсэ-барельефсэ лэсьтыны мыноз. Интямын луоз со кун филармонилэн юрт вылаз.

    http://www.myudm.ru/