Женеваысь дирижёр Ижкарын Хоръёслэн бадӟым соборазы пыриськоз

Ужрадлэн пуштросаз — Пётр Ильич Чайковскийлэн крезьгурез, озьы ик англи крезьгурчиослэн произведениоссы. Али Марк Чарльз Ижкарысь муниципал камерной хорысь кырӟасьёс понна мастер-классъёс ортчытэ.

«Та ӧнерлыко коллективен ужаны туж кельше. Соос лулчеберетлы дышетскемын», — пусйиз Женеваысь крезьгурась. Солэн верамезъя, кыл ласянь шугъяськонъёс дирижёр но кырӟасьёс куспын ӧз кылдэ.

Тодэ вайытом, 11-тӥ инвожое хорын 500 пала кырӟасьёс но симфони оркестр Хоръёслэн бадӟым соборзы улсын Ижкарысь Александр Невский черклэн тубатъёсыз вылын концерт возьматозы.

Радъясьёслэн верамзыя, урод куазь бадӟым праздникез ортчытыны уз люкеты.

«Туэ ми куазь понна туж кышкаськомы, котькуд нунал чакланъёсты учкиськомы. Ярам, кезьыт. Нош зориз ке?! Шер пумиськылӥсь инструментъёсын шудӥсь крезьгурасьёс пумит луизы ке?», — сюлмаськонъёсыз сярысь вераз Россиысь дано артист, Ижкарысь Чайковский нимо муниципал камерной хорлэн чеберлыкъя кивалтӥсез Владимир Михайлов.

Озьы ик со пусйиз, Хоръёслэн бадӟым соборзы кызь ар ӵоже одӥг пол но дугдытэмын ӧй вал шуыса, ужрадэ пыриськисьёслэн но учкисьёслы лыдзэ арлы быдэ йылэ.

http://udmurt.media/udm/news/kultura-i-turizm/20399/