Зэмос кузьым удмурт калыклы

    Зэмос кузьым удмурт калыклы 1

    Книгаен журналистъёс тодматскизы. Пресс-конференция ортчиз Кузебай Герд нимо музейын.

    Книгаен тодматсконэз усьтӥз Татьяна Витальевна: «Туж шумпотӥсько луонлык шедьтӥм, ӵошен кариськыса та чебер, быдэсак удмурт кылын книгаез печатланы быгатӥм шуыса. Туж трос тодмо адямиослэн ӵыжы-выжыоссы татчы пыртэмын. Удмуртъёслэн таӵе книгазы ӧй вал на».

    Зэмос кузьым удмурт калыклы 2

     

     

     

     

     

     

     

     

     

    Выль бичетэз «Вунонтэм полк» энциклопедиен ӵошатыны луоз. 696 бамъем книгае 1300 пала 1-тӥ дунневыл, Граждан но Быдӟым оже пыриськем удмурт командиръёслэн но солдатъёслэн нимъёссы, соослэн туспуктэмъёссы но подвигъёссы сярысь гожъямъёс печатламын. Татчы Удмурт шаерысьтымы гинэ ӧвӧл, Башкортостан, Татарстан элькунъёсысь но Пермь улосвылысь батыръёс пыртэмын. Книгае люкамын геройлыко ожмаськисьёс, Ленин орденэн, Невский, Суворов, Кутузов орденъёсын пусъемъёс но мукет. «Бичетэ удмурт ожгарчиос, зэмос батыръёс пыртэмын. Соос ноку огазе ӧй луысалзы таӵе книга ке ӧм поттысалмы. Та зарни фондэз луэ кадь удмурт ожгарчиосмылэн», – шуиз книгалэн авторез.

    Зэмос кузьым удмурт калыклы 3

     

     

     

     

     

     

     

     

     

    «Дауръёслы улэпесь удмуртъёс» бичэтлэн быдэсак тиражез пӧсьтолэзе потоз. Соку ини котькуд ёросын презентациоз ортчозы, книгаос одно ик бибилиотекаосы люкемын луозы.

    https://m.vk.com/wall-118970249_1646