Юртъер пушкысь тужгес но тунсыко арберилы – сандыклы – сӥзем адӟытон усьтӥськиз Ижкарын

Вашкала дырысен сандык пӧртэм выжыысь калыкъёслэн улоназы нимысьтыз инты басьтылӥз. Удмуртъёс сое нырысь ик бызьыны вуэм нылмуртлэн узырлыкеныз герӟаллязы.

«Кышномуртлэн улонэзлэн туж бадӟым ӧрез усьтӥське, ку атаез яке кин ке но выжыез пӧлысь солы кузьма ке чебермаса лэсьтэм шыкыс. Со кышномурт понна сыӵе пус луэ, солы та семьяысь потоно ини шуыса, солэн пирданэз мед луоз ни, мед со пирданзэ туж чебер сандыказ тыроз. Пирданэз кинлы ке яраса, солы син медаз усьы шуыса, кыӵе ке но пус пукто», – вера Чеберлыко киужъёсъя центрысь ӧнерчи Анна Образцова.

Туала улонамы сандыкез сокем паськыт уг куто ни, но со али выльысь тунсыко луыны кутске. Вашкалаосыз но туала манерен лэсьтэмъёсыз улон интыосын тыриськон интыосты вошто, пукон интыын кутӥсько, пичи шыкысъёс – чеберъяськон арбериосты утё.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий