«Юнды-Шунды» бесермян ансамбльлы — 15 ар

«Юнды-Шунды» ансамбль 2001-тӥ арын кылдытэмын вал. Со дырысен отчы пыриськисьёс бесермян калыклэсь фольклорзэ утён бордын мыло-кыдо тыршо.

«Туннэ ансамбльлэн репертуараз 8 вашкала крезьёс, кудъёссэ быдэстылӥзы песянайёсмы, — шуэ «Юнды-Шунды» ансамблэн кивалтӥсез Ирина Зянкина. – 15 ар ӵоже артистъёсмы трос концертъёс возьматылӥзы. Пыриськизы ёрос, элькун, улосвылкуспо фестивальёсы но конкурсъёсы.

Юбиляръёсты ӟечкыланы лыктозы Глаз ёросысь «Янчик» бесермян ансамбль но Балезино ёросысь коллективъёс.