Пумиськон улсын чакламын пӧртэм пумо тодосчиосын но мерлыко ӵектосъёсты лэсьтон бордын тыршись ӧнеричосын кенешонъёс-тодматсконъёс, удмурт, ӟуч но немец калыкъёслэн лулчеберетэнызы матэгес тодмастскон.
Кылчиос эскерозы но валэктозы — малы пӧртэм кылъёсын кутӥськись букваос вадьсын пуктылыны чаклам точкаосты аналтыны уг яра.
Пумиськонэз радъяло Элькунысь немецъёслэн огазеяськонзы но Удмурт кун университетысь шаертодонъя но кунсьӧр кылъёсъя ёзэтъёс. Ӵапак отын ик Ё буквалэн нуналэзлы сӥзем пумиськон ортчоз.
Ё буква сярысь куд-ог тунсыко ивортонъёс:
– Ё буква ӟуч, белорус но русин алфавитъёсын гинэ кутӥське.
– Белорус кылын Ё букваез одно пуктоно ке, ӟуч кылын пуктытэк но яра.
– Нырысетӥез фамилия, кудаз пуктэмын вал Ё буква – Со Потёмкин.
– Ё буквалэн гожъяськонэ каллен пыӵамез герӟаськемын ӝог гожъяськонэн. Точкаосты пуктыны одно ик ручкаез бумага вылысь ӝутоно луэ.
– Ульяновскын Николай Карамзинлэн вордскем караз Ё буквалы синпелет сылэ.
