Ыбылӥськон тӥрлык лэсьтӥсьёслэн форумзы усьтӥськиз Ижкарын

    Ыбылӥськон тӥрлык лэсьтӥсьёслэн форумзы усьтӥськиз ижкарын 1

    Пыӵал-тӥрлык поттӥсьёслэсь нуналзэс Россиын 7-тӥзэ ортчыто ни. Та праздникез пусйыны асьме дано конструктормы Михаил Калашников кичӧлтӥсь луиз. Ӵапак со 2010-тӥ арын ай оружейниклэсь нуналзэ валтӥсь ужрадъёсын дырпусэ пыртыны ӵектиз. Ӟеч сямъя, удысысь устоосыз та нуналэ данъетъёс басьто.

    «Ижкар быдэс кунысь оружейникъёслэн валтӥсь карзы луыны кулэ, — шуиз элькун тӧро Александр Бречалов. — Нош форумез федерал уровене поттыны «Росконгресс» юрттоз. Соосын кенешонъёс быдэс ар ӵоже мынӥзы».

    «Росконгресс» вить ар ӵоже форумез ортчытъялоз. Вуоно арын ужрадэз дано конструкторлэн Михаил Калашниковлэн 100 аръем юбилеезлы сӥзезы.

    http://www.myudm.ru/