Яръёс гожъясько

    Яръёс гожъясько 1

    2019-тӥ арез ЮНЕСКО выжы калыкъёслэсь кылъёссэс утёнлы сӥзиз, угось пичи калыкъёслэн кылъёссы но юртто дуннеез азинтыны но калыкъёслы тупаса улыны. Удмурт шаерын та нуналэз арысь аре мыло-кыдо пусъё. Котькуд ёрос ас сяменыз анай кылэз яратэмзэ возьматэ. Кылсярысь, яръёс удмурт кылэз макем ӟеч тодэмзэс эскеро.

    «Бадӟым удмурт диктантэз» Яр ёрос библиотека 21-тӥ феврале 4-тӥзэ радъя ини. Озьы ужрадын анай кылын шонер гожъяськонлэсь кулэлыксэ возьмато.

    Вань пыриськисьёслы сертификатъёс сётозы, вормисьёслы — кузьымъёс. Со сяна, нимысьтыз номинациос чакламын — самой покчиезлы но арлыдоезлы но чебер почеркен гожъяськисьлы.

    Со сяна, Яр ёрос библиотека та нуналэ ортчытэ калык дӥсьлы сӥзем акция. Библиотекаын ужасьёс адямиослы дэмлало ужан яке дышетскон интыосазы калык костюмен лыктыны но, туспуктэм лэсьтыса, сое #День_в_стиле_ЭТНО но #Яр хештегъёсын ӵош вотэсэ пуктыны. Тросгес «лайк» люкам муртэ кузьымен пусъёзы.

    https://vk.com/udmdunne