Ярын нырысьсэ удмурт нылкышноос куспын конкурс ортчиз

Вожвылъяськонэ пыриськисьёс пӧртэм арлыдо но пӧртэм удысын тыршисьёс:

Надежда Симанова — Казак поселениысь ӧнерчи. Спортэн эшъяське, 35 ар ӵоже ини кырӟанъя ансамбле пыриське.

Лариса Дюкина – Ворца школаысь покчи классъёсты дышетӥсь. Вань мылкыдзэ сётэ яратоно ужезлы. Бесерман калык лулчеберетэз азинтэ. «Бесерман крезь» ансамбле ветлэ.

Надежда Максимова – Дизьминоын улӥсь. Кема ар ӵоже Сибирьын улӥз, но сюлмыз берен дор палъёсаз кыскиз. Сяськаос будэтэ, киужен выре.

Фаина Дюкина –  чебер кырӟа, черсэ, керттӥське, ческыт пӧраське. Ёросын улӥсьёс сое тодо «Ярчанка» ансамбльысь артист шуыса.

Елена Поздеева – Озёрки культурая юртысь аккомпониатор. Трос пӧртэм крезьгур инструментъёсын шудэ. Лулчеберет удысэ гуртооссэ кыске.

Надежда Трефилова — Юдчи гурт фермаысь скал кыскись. Спорт, шунды пуксён эктонъёс, бакча сиён будэтон – солэн яратоно ужъёсыз.

Елена Данилова – ужа Никольское черкогуртысь лыдӟиськонниын. Шутэтскон дыраз вуриське.

7 кышномуртъёс асьсэлэсь котыр ласянь быгатонлыкъёссэс возьматӥзы: кырӟазы-веразы, калык дӥськутзэс, семья сям-йылолъёсты возьматӥзы. Тросэсзлы сцена вылын юрттӥськизы нылпиоссы, нунокъёссы.

Вормисьёс таӵе номинациосъя пусъемын:

«Зэмос удмурт нылкышно» – Елена Поздеева;

«Яркыт кизили» – Фаина Дюкина;

«Зарни сюлэм» – Лариса Дюкина;

«Усточи нылкышно» – Надежда Симанова;

«Кибашлы зарни киос» – Надежда Трефилова;

«Задор мылкыдо нылкышно» – Елена Данилова;

«Йӧно нылкышно» – Надежда Максимова.

Ваньзы соос синпель кузьымъёс басьтӥзы.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий