Ярын  нош ик Губифест ортчоз

«Губиез удмуртъёс вашкала дырысен сиё. Котькуд семьялэн губи сылалтон, соин пыжиськон ласянь  аслаз амалъёсыз. Нош Яр ёрос котьку но данъяське вал аслаз губиен бусьтыр тэльёсыныз. Ми дорын сяна, кытын та будослы сӥзем фестиваль ортчоз на», — шуо радъясьёс.

Ужрад кылдытэмын инкуазен герӟаськем йылолъёсты утён вылысь, семьяен ӵош шутэтскон сямез азьинтон понна.

Фестиваль  узыр луоз пӧртэм ужрадъёсын.

Валтӥсь сцена вылын «Азвесь губи зор» концерт программа мыноз. Отын элькунысь но Яр ёросысь коллективъёс быгатонлыкъёссэс возьматозы.

Сое азьланьтоз этнодӥськут возьматонъя «Губи ӵыжы- выжыос» конкурс.

Нош губиен герӟаськем синпель кузьымъёс, губияны кулэ луись арбериос басьтыны луоз «Губиё базар Ярын» площадкаын.

Нылпиос понна ужалоз «Пинальёс – пичи губиос» нимо шудон площадка.

«Нюлэскы губияны» конкурсын вожвылъяськозы губиясьёс. Кин трос бичаз — со вормись.

«Кужмо пиос» конкурсын вожвылъяськозы воргоронъёс.

Тужгес тунсыко, валтӥсь губиез быръёзы куара сётыса. Со понна дасямын луоз нимысьтыз быръён кабина.

Нош лотореяын вормисез вите аспӧртэм кузьым — быдэс артана пилем пис.