Яркыт мунё шоу но Ангара шур сярысь мадёс пуктэмын луоз Элькунысь мунё театрын

Нош Удмуртиысь артистъёс дасясько Марий- Элэ. Сыӵе луонлык мунё театръёслы сётэ “Бадӟым гастрольёс” нимо федерал программае пыриськемзы. Со кутскиз оштлэзе, йылпумъяськоз толсуре. Программае шедемын Россиысь 30 театръёс.

Гастрольёс 50 улосвылъёсын ортчо. Учкисьёс та вакытэ 300-лэсь уно спектакльёсты адӟозы, тодматскозы театръёсысь валтӥсь режиссёръёсын но тодмо артистъёсын.

Элькунысьтымы мунё театр гастроле потоз вуоно арня пумын. Тужгес но тодмо “Кошкин дом” но “Рикки-тикки-тави ” спектакльёссэ возьматоз Йошкар-Ола карысь мунё театрлэн сцена вылаз. Та вакытэ ик Ижкарысь мунё театрын покчиосты возьма Саранскысь ваем спектакль. Мордва артистъёс паймытозы учкисьёсты гурткеч сярысь выжыкылэнызы.

«Котькытын мунё театръёс умой ужало, – шуэ Элькунысь мунё театрысь артистка Татьяна Масьярова. – Артистъёс тунсыко пьессаосъя спектакльёс возьмато. Милям но чебересь ужъёсмы. Соин ик туж тунсыко учкыны мукет калыкъёслэсь возьматоньёссэс».

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий