Яр ёросын удмурт флэшмоб ортчиз

18-тӥ оштолэзе 12 часын пӧртэм гуртъёсын улӥсьёс огвакытэ «Лымы тӧдьы» тодмо удмурт кырӟанэз быдэстыны люкаськизы. Флэшмоб удмурт кыллы гажан пыӵатон, данъяськон мылкыдэз ӝутон понна ортчытӥське.

Шумпоттэ, туэ флэшмобе нылпи садъёс но пыриськизы. Ярысь 2 номеро но Бармашурысь нылпи садъёсысь покчиос бадӟымъёсын ӵош шулдыръяськизы.