Яр ёросын  Михаил Федотовез буре ваёзы

Фестивале возьмало Балезино, Глазов но Юкаменск ёросъёсысь бесерман коллективъёсты , Ижкарысь но Киров улосвылысь куноосты. Радъясьёслэн чакламъёссыя, ужрадэ оглом  250 пала адями пыриськоз.

Люкаськемъёс Михаил Федотовез буре ваёзы, солэсь кылбуръёссэ лыдӟозы, музейзэ сӥё-дано усьтозы. Озьы ик фестивальын кылбурчилэн  ужъёсызъя ёросысь нылпиосын кылдытэм суредъёсын адӟытон ужалоз. Ужрадэз вашкала сям-йылолъёсты но туала  лулучеберетэз огазеясь концерт йылпумъялоз.

Ватсало на, Михаил Федотовлы вордскемез дырысен 60 ар тырмонлы буре-ваён ӝыт ортчоз Ижкарын но — Удмурт кун филармониын 6-тӥ коньывуонэ.

http://www.myudm.ru/