Якшур- Бӧдьяысь гимназиын удмурт арня мынэ

Гимназиын 21 ар ӵоже удмурт кылэз факультатив амалэн дышето. Со арняяз одӥг пол луэ. Котькуд ар одӥгез арня быдэсак удмурт кыллы сӥземын луэ. Удмурт арня шулдыр ортче — нылпиос удмурт калык шудонъёсты, эктонъёсты, кырӟанъёсты дышето. Урокъёс но шудон амалэн мыно. Арня куспын тыршо тросгес удмурт кылын вераськыны.

«Ужрадэ анай-атайёс но мыло-кыдо пырисько, — шуэ Якшур-Бӧдья гимназиысь покчи классъёсын дышетӥсь Наталья Байкузина. – Кӧня ке ар талэсь азьло ай куд-огъёсыз анай кыллы пумит вал, нош али сыӵеосыз ӧвӧл ни. Кылем арын удмурт арнямы ӵоже малы гинэ ӧз дышетэ соос пиналъёсмес – куролэсь арбериос но лэсьтӥзы, пиослы кускерттон но пунӥзы. Ужало милемын ӵош. Лыкто».

http://www.myudm.ru/