Йӧ скульптурая кык фестивальёс кутскизы Ижкарын

    Йӧ скульптурая кык фестивальёс кутскизы ижкарын 1

    «Удмуртский лёд» Ижкар тыметлэн ярдураз кыкетӥзэ ортчоз ни. Таяз арын ужрад «Мынам ошмесъёсы» («Мои Родники») тема улсын радъяськоз. Ижкарысь, Москваысь, Пермьысь, Екатеринбургысь, Уфаысь, Рязаньысь но мукет каръёсысь суредасьёс 16 пала кабъёс кылдытозы. 13-тӥ толшорозь суредасьёслэсь ужамзэс учкыны луоз, нош 14-тӥ толшоре вань мылкыд карисьёс «йӧ галереяез» адӟыны быгатозы.

    Ангелъёслэн но Архангелъёслэн 8-тӥ фестивальзы туэ Йӧвылэсултонлы сӥземын, соин ик скульптураосты кылдытон ӵапак 19-тӥ толшоре йылпумъяськоз. Ужрадэ ваньмыз 30 команда пыриськоз. Сомында ик кабъёс Туала искусствоя паркын, Пригов нимо ошмес дурын, Михаил Архангеллэн черкез котырын но Вулэн музеяз кылдозы. Пусъемын, «Удмуртский лёд» фестиваль йылпумъяськем бере, куд-огез суредасьёс «Ангелы и Архангелы» фестиваль борды итӥськозы.

    https://udmurt.media/udm/news/proisshestviya/48518/