Йӧскалык пумиськон ортчиз Сутэр Починкаын

    Йӧскалык пумиськон ортчиз сутэр починкаын 1

    Таӵе ужрад ӟеч сямлы пӧрмемын ни. Кутскиз со 90 — тӥ аръёсы. Пумиськонъёс котькуд аре уг ке но ортчыло, удмурт школаослэн кивалтӥсьёссы, дышетӥсьёс но клубъёсын кивалтӥсьёс сямез возьыны тыршо.
     
    Туэ та ужрадлэн бадӟым аспӧртэмлыкез вал: Сутэр Починка школаен кивалтӥсьёс куное ӧтиллям на Поч. Кучукысь пор дышетскисьёсты но. Соос но удмурт пиналъёсын оградын визьсынанъёсы пыриськизы, эктыны- кырӟаны быгатэмзэс возьматӥзы, ӵош шулдыръяськизы.
     
    Ужрадэз сӥё-дано усьтэмзы бере, пиналъёслы ӵектэмын вал таӵе станциостӥ ортчыны:
    1.»Эктыса лэзём али» (кивалтӥсез А.Г.Ахметов).
    2. «Тодӥськоды — а удмурт писательёсыз?» (Э.П.Вояшева).
    3. «Визькылъёс но лэчыт кылъёс» (Л.М.Петрова).
    4. «Бигер кылын вераськом» (Ч.Г. Кельмакова)
    5. «Егит журналистъёс» (В.Г.Ахметов).
    6. «Калык шудонъёс» (О.А.Сарамакова).
    7.»»Ойдолэ кырӟалом» (З.И.Усманова).
     
    Ваньзэ та сюресэз пиналъёс сӥё-дано ортчизы, тодон-валанъёссэс, быгатонлыкъёссэс возьматӥзы, выль эктонъёс, шудонъёс, кырӟанъёс дышетӥзы. Озьы ик визькылъёс, удмурт писательёсыз но соослэсь произведениоссэс, бигер кылэз тодэмзэс возьматӥзы .
     
    Берло, актовой залэ люкаськыса, пиналъёс удмурт, пор костюмъёс возьматӥзы, кырӟанъя-эктонъя ӵошатскизы, ческыт кунояськояськизы.