Йӧскалык политикая министерство муниципал кылдытэтъёс куспын конкурс ялӥз

Вожвылъяськонлэн валтӥсь мугез: интыысь кивалтэтлы калык кусыпъёсты радъяны но экстремизмлы, терроризмлы пумит нюръяськыны юрттон.

Котькуд ар пусйиське ог дасо проект. Туэ висъямын 600 сюрс манетлэсь ятыр коньдон. Котькуд ӵектослы — 80 сюрс манетозь. Ӵектосъёсты улонэ пыӵатыны коньдон висъяське Удмурт Элькунысь «Йӧскалыкъёслэсь мерлыко улонзэс азинтон но кусыпъёссэс юнматон» нимо кун программаез быдэстон улсын.

«Али возьмаськом муниципал кылдытэтъёслэсь ӵектонъёссэс – вера йӧскалык политкая министерствоысь валтӥсь ӧнерчи Елизавета Ложкина. – Проектъёс одно герӟаськемын луыны кулэ йӧскалык кусыпъёсты юнматонэн но экстремизмлы, терроризмлы пумит нюръяськонэн. Со ӵектосъёс улонэ пыӵаны кулэ та ар пумозь».

Вазиськон сётыны луэ 2017-тӥ арын 10-тӥ куартолэзьысен 23-тӥ куартолэзёзь таӵе адресъя: 426063, Ижкар к., Орджоникидзе ур., 33 А юрт, Калыкъёслэн Эшъяськон юртсы, 211-тӥ бӧлет., 8.30-ысен -17.00-озь.

Герӟетъёс: Удмурт Элькунысь йӧскалык политикая министерство, Ижкар к., Орджоникидзе ур., 33 Б. Нимлыко вотэсбам: www.minnac.ru (3412) 68-78-39 – Васева Вера Васильевна, Удмурт Элькунысь йӧскалык политикая министерствоысь план лэсьтонъя но йӧскалык азинтонъя ёзэтэн кивалтӥсь.

УЭ КВУ «Калыкъёслэн Эшъяськон юртсы», Ижкар к., Орджоникидзе ур. 33 А, Е-mail: ormo_ddn@mail.ru, (3412) 63-10-23 — Наталья Борисовна Шергина, Калыкъёслэн Эшъяськон юртысьтызы ӧнерчи.