Йӧскалык музейын адӟытон усьтӥськиз

Отын возьматисько музейлэн фондысьтыз наукая ужъёс, книгаос, туспуктэмъёс, Кузёбай Гердлэн диссертациосыз борды Удмуртиысь дано суредасьлэн Илья Ходыревлэн быдэстэм ужъёсыз, озьы ик Гердлэн улон-вылоназ кутӥськем арбериос.

Йӧскалык музей понна пусйымон, Кузёбай Герд та ужъюртлэн нырысетӥ кивалтӥсьёсыз пӧлын вал. Со кутскон сётӥз этнографияя коллекциослы, кудъёсыз туннэ утисько-возисько отын.

2000-тӥ арысен музей нуллэ дано югдытӥсьлэсь, тодосчилэсь  нимзэ. Адӟытон чакламын покчиослы но бадӟымъёслы. Озьы ик та музейлэн залаз ужаны кутскиз Чеберлыко киужъёсъя элькун центрлэн «Куиськон крезь» адӟытонэз. Отын возьматэмын элькунысь кибашлыослэн куэм ужъёссы. Со радъяське «Ковры Удмуртии» ӵектосэз йылпумъян улсын.

http://www.myudm.ru/