Йӧскалык лулчеберетэн тодматскозы Германиысь студентъёс но дышетӥсьёс Удмуртиын

«Ижкарлэн лулчеберетэз, вӧсьлыкез но калык аспӧртэмлыкъёсыз» ӵектос улсын немец куноос «Лудорвай» музей-заповеднике, Пичи Пурга ёросысь Пуро-Можга удмурт гуртэ, Ижкарын «Пельняньлэн дунневыл нуналэз» фестивале, Михаил Калашников нимо музее но мукет интыосы вуылозы.

“Студентъёсты но дышетӥсьёсты перепеч пӧранъя мастер-класс, гынсапеген хоккей но пӧртэм шудонъёс, эктонъёс, кырӟанъёс пыр удмурт лулчеберетэн но вӧсьлыкен тодматскон возьмало”, – ивортэ Ижкарысь политехникая колледжлэн пресс-службаез.

Пусъём, Ижкарысь политехникая колледжын дышетскисьёс но Ольденбургысь экономикая школаысь студентъёс куспын вошъяськон 2015-тӥ арысен ужа. Со улсын Удмуртиысь студентъёс ӟуч-поляк-немец воштӥськонэ пыриськизы но Германиысь предприятиосын куинь нуналъем практика ортчизы.

Тодэ вайытом, дышетскисьёс но дышетӥсьёс понна вошъяськон программаос Удмуртиысь мукет дышетон юртъёсын но радъясько. Кылсярысь, Удмурт кун университет Венгриен кусыпъёс возе, Ижкарысь гурт возёсъя академиысь студентъёс практикае Европае потало, дышетӥсьёс алигес Германиын тодон-валанъёссэс узырмытӥзы. Озьы ик Ижкарысь 17 номеро школаын Таиландысь, Италиысь, Германиысь пиналъёс дышетско.

https://udmurt.media/udm/news/obrazovanie-i-nauka/50066/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий