Йӧскалык кадръёсъя резерв кылдытон ужлэн 2-тӥ люкетэз йылпумъяськиз

Нырысь анкетаосты люказы. Резерве пырыны Элькунысьтымы 100 пала мурт мылкыд кариз.

Соос туннэ пӧртэм удысъёсын тыршо. Пӧлазы вань кивалтӥсьёс но, шаерамы тодмо адямиос но. Мытэм ужлэн кыкетӥ люкетаз ваньзы соос собеседование пыр потӥзы. Комиссилэн ёзчиосыз пусйизы, соос уноез кивалтонын ужаны али ик дась. Табере уж 3-тӥ этапаз выже. Комиссилэн ёзчиосыз кандидатъёсты пӧртэм удысъёсы ӵектыны быгато.

«Валаны кулэ, адямиослэн министр, депутат гинэ луэмзы уг поты, — шуэ «Удмурт Кенеш» огазеяськонлэн тӧроез Татьяна Ишматова. – Кылсярысь, вань егит пияшъёс, кудъёсыз мылкыд каро гурт возёсэн кивалтыны. Соослэн гуртысь кошкемзы уг поты, музъем вылын ужамзы потэ. Туж юрттэм потэ сыӵе адямиослы. Адӟиське, синзы ӝуа, мылкыдзы вань, кӧня ке гинэ юрттыны кулэ соослы».

http://www.myudm.ru/