Йӧскалык библиотекаын Кузебай Гердлэсь кылбуръёссэ шара лыдӟозы

Ӝыт сӥземын Кузебай Гердлэн вордскемез дырысен 120 ар тырмонлы. Ужрадэ лыктэмъёс ӟечгес тодматскозы кылбурчилэн творчествоеныз, кылзозы удмурт чеберлыко кыллэсь чузъяськемзэ, мургес шӧдозы Гердлэсь кылбуретсэ.

Йӧскалык библиотека вазиське вань мылкыд карисьёслы, кылбур лыдӟонъёсы мед пыриськозы шуыса, Кузебай Гердлэсь кылбурзэ ужрад дыръя шара мед лыдӟозы шуыса.
Йӧскалык библиотекаын дасямын луоз удмурт писательлэн кылбур бичетъёсыныз – «Крезьчи» (1922-тӥ ар), «Сяськаяськись музъем» (1927-тӥ ар), «Лёгетъёс» (1931-тӥ ар) — но берлогес поттэм книгаосыныз адӟытон. Ӝыт куспын куноос, кылбур бырйыса, сое калык азьын лыдӟыны быгатозы.

Со сяна, ужрадын чузъяськозы Кузебай Гердлэн кырӟанъёсын аудиозаписьёсыз.

http://udmdunne.ru/2018/01/jj%D3%A7skalyk-bibliotekayn-kuzebajj-gerdlehs-kylburjosseh-shara-lyd%D3%9Fozy/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий