«Выжы-выжы-выжыкыл» Элькун фестивальлэн йылпумъян ужрадэз ортчиз

Воткакарысь нылпиос «Кин котькинлэсь кужмо» пор калык выжыкылэз возьматӥзы. Толэзь куспын пичи артистъёс нуналысь нуналэ репетициос каризы. Юнме оз луы. Каразы ортчись "Выжы-выжы-выжыкыл "фестивальын нырысетӥ интые потӥзы.

Вера Воткакарысь 47 номеро нылпи садысь визьнодась Галина Перевозчикова: «Бырйимы пор калыклэсь выжыкылзэ. Трос книгаосты бугыръям, интернетын но утчаським. Отчы-татчы жингыръям шонер-а берыктиськом шуыса. Пичи артистъёсмы пӧлысь 2-ез валало удмурт кылэз, но уг верасько, мукетъёсыз нош уг ик валало. Но ужмы пӧрмиз. Пиналъёсы капчиен дышетӥзы выжыкылэз».