Выжы калыкъёс шахматэн шудӥзы Дэриын

Ӝӧк выл шудонъя вожвылъяськон кыкетӥ арзэ ортче. Сӥземын со Ашот Айрапетянэз буре ваёнлы. Ӵапак солэн кичӧлтэменыз элькунамы армянъёслэн огазеяськонзы кылдӥз. Трос аръёс ӵоже со Дэри ёросысь армян кенешен кивалтӥз.

«Данъяськисько таӵе адямиен, — шуэ Дэри муниципал кылдытэтлэн тӧроез Анатолий Усманов. — Туж трос уж лэсьтӥз со Завьяловоын, ёросын но. Туж трос выриз благоустройствоен».

Шахмат шудонъя вожвылъяськонэ кылем арын 96 командаос пыриськизы. Туэ ӧжытгес ке но, шумпоттытэ мукетыз — трос пиналъёс шудӥзы. Кылсярысь, сизьым аресъем пияш 80 аресъем пиосмуртэн вожвылъяськиз. Ужрадэ пыриськизы али гинэ шахматэн тодматскемъёс но, зэмос мастеръёс но.

Калыкез огазеяны, эшлыко мылкыд пыӵатыны, спортэз но йӧскалык лулчеберетэз азинтыны — турнирлэн валтӥсь ужпумъёсыз луо.

http://www.myudm.ru/