«Выль ӝук» шулдыръяськон ортчоз Киров улосвылын

Выль емышъёсты, бакча сиёнъёсты бичан нуналэз пусъён удмуртъёслэн вашкала дырысен сяме пыӵамын. Христиан вӧсьлыке пырем бере, праздник Илья-пророклэн нуналэныз тупаз но 2-тӥ гудырикошконэ пусйиськылӥз. «Выль ӝук» шулдыръяськонэз радъясьёс праздникез гудырикошконлэн кыкетӥ кӧснуналаз ортчытъяны пуктӥзы. 

«Выль ӝук» празднике Киров улосвылысь вань удмуртъёс люкасько. Соос тросэн уло Слободской, Кильмезь, Богородское, Зуевка, Фалёнки, Малмыж, Вятские Поляны но мукет ёросъёсын.

Светозаревоын улӥсьёс праздниклы арлы быдэ узыр программа дасяло. Шулдыръяськонэ лыктэмъёсты возьма «Удмурт шаерме яратыса» концерт-театр возьматон. Отчы пыриськозы Удмуртиысь «Гуждор» (Вавож черкогурт), «Мылысь-кыдысь» (Белезино ёросысь Ушур гурт) калык ансамбльёс, озьы ик бускель улосвылъёсысь коллективъёс.

«Выль ӝук» шулдыръяськонлэн радлыкез:

11.00 — «Удмурт шаерме яратыса», концерт-театр возьматон;

12.30 — Киров улосвылысь коллективъёслэн но куноослэн Гала-концертсы;

12.00 — йӧскалык сиён-юонъёсъя вожвылъяськон-вузкарон — «Кинлы сюкась да куар нянь, а кинлы мусур да табань»

— егитъёс понна «Батыр-шоу» ӵошатскон (пиослы)

— семьяос понна «Кузо пало» вожвылъяськон

— Киров улосвылысь чеберлыко киужъёсъя учточиослэн ужъёсынызы адӟытон, мастер-класс

— пиналъёслы шудонъёс

— бакча уробоослэсь парад — «Удалтэм бакча сиёнлы — чебермам уробо»

— «Эшъяськон круг»

15.00–16.00 — Удмурт егитъёслэн «Шунды» огазеяськонзы (Ижкар):

16.00–18.00 —  «Эрико микрофон»

18.00–19.00 — «Эктоно ни вал но»

22.00–02.00 — «Эктомы эшъёсы» этно-дискотека (Йӧскалык лулчеберетъя центрын)