Выль удмурт фильмен тодматозы Ижкарын 25-тӥ толшоре
Кызьы вераз Павел Эль, фильм мамблкор ӧрын лэсьтэмын, ӵемысьгес отын нимаз сюжетэз ӧвӧл, геройёслэн улонысьтызы пичи люкетэз возьматӥське.
AMBIENT фильмын гуртысь кык нылашъёслэн каре кошконзы азьын берпуметӥ гужем нуналъёссы возьматэмын. Съёмкаос Шаркан ёросысь Пороз гуртын но Ижкарын 2017-тӥ арын гудырикошконэ-куарусёнэ лэсьтэмын.
Та уженыз Павел Эль калыклы но вазиськыны малпа: мылкыд вань ке, быдэстыны луэ.
«Тросэз ӵемысьгес возьмало, нош мон лэсьтыны малпай. Та кыкетӥез фильме ни. Фильм сценарийтэк кылдытэмын шуыны луоз, мыным «Рыцарь кубков» фильмез (режиссёрез Теренс Малик) кылдытон малпан кельшиз. Отын ӧй вал сюжетэз, тросаз сценаосын геройёс ӧз тодылэ, кыӵе текстэз луоз», — шуиз Павел Эль.
Ужрад 18 час 30 минутэ кутскоз, пыронэз эркын.