«Выль» шулдыръяськон ортчиз Грак ёросын

"выль" шулдыръяськон ортчиз грак ёросын 1 Иворъёс

Выль емышъёслы сӥзем удмурт йӧскалык шулдыръяськон радъяськиз «Удмурт Кенеш» огазеяськонлэн Грак ёросысь ёзэтэзлэн кичӧлтэмезъя.

Грак ёросын «Выль» шулдыръяськон арлы быдэ ортче. Таяз радэ но со туж шулдыр праздниклы пӧрмиз. Люкаськем калыкез ӟечкылазы Грак ёрослэн йырыз Виктор Белов, «Удмурт Кенеш» огазеяськонлэн Тӧроез Татьяна Ишматова, Грак ёросысь ёзэтмылэн кивалтӥсез Александр Аблаев.

Праздникын радъямын вал кибашлыослэн ужъёсынызы вузкарон, выль сиён-юонъёсын адӟытонъёс. Сцена вылысен чузъяськизы шулдыр кырӟанъёс. Мылкыд карисьёсты мае ке ас киынызы лэсьтыны дышетӥзы. Пичи пиналъёс понна нимысьтыз площадкаос ужазы. Нош егитъёс вожвылъяськонын кужымзэс мерттазы. Праздник пумын вань люкаськемъёсты ческыт ӝукен куноятӥзы.

«Удмурт калыклэн сям-йылолъёсыз утисько шуыса тау карисько ёросъёсын но каръёсын тыршись кенешчиосмылы. Малы ке шуоно таӵе выллем праздникъёс семья куспын возисько ик ай, нош куке соос радъясько быдэс ёрос понна, со туж бадӟым огазеяськон, удмуртлыкез утён мылкыд сётэ калыклы, нимысьтыз егитъёслы! Туж шулдыр но асшӧмо ортчиз «Выль» шулдыръяськон Грак музъем вылын! Ӝутскем мылкыдын бертӥ сомында тодмоосын адӟиськыса, кырӟаса- вераськыса, выль бакча сиёнъёсын куно луыса», — гожтӥз мылкыдзэ аслаз вотэс бамаз Татьяна Ишматова.

Поделитесь с друзьями:
Дом Дружбы народов