Выль гожъяськисьёсты утча музей

Конкурсэ вань мылкыд карисьёс пыриськыны быгато. Ужъёсты эскерозы, вожвылъяськисьёслэсь арлыдзэс лыдэ басьтыса. Конкурсэ ыстэм уж «Удмуртия — вордскем доре» темалы сӥземын луыны кулэ, котькыӵе жанрез уже кутыны луоно. Жюри чаклалоз гожтэмлэсь чеберлыксэ, выль шӧмо луэмзэ, ыстэм ужлэн жанрезлэсь, темаезлэсь но пуштросэзлэсь герӟаськемзэс.

Ужъёсты ыстоно 10-тӥ толсурысен 31-тӥ толшорозь krasmuzey@mail.ru электронной почтае RTF форматэн, одно ик «На конкурс» гожтэмен пусйыса. Гожтэм произведение 3 бамлэсь ятыр луыны кулэ ӧвӧл (А4, 12-тӥ кегль). Котькудӥз одӥг ужзэ гинэ ыстыны быгатэ, азьвыл конкурсэ пыриськемъёслэсь ужъёссэс уз кутэ. Ӟуч яке удмурт кылын гожтоно. Уж бордын гожтэмын луыны кулэ авторлэн нимтулыз, кытын дышетскемез яке ужан интыез, вордӥськем нуналэз, адресэз (индексэн), творческой ужлэн нимыз но жанрез, телефонэз, электронной почтаез. Уж гожтэмын ке кин ке юрттэмен, паспортэ ватсано на солэсь нимзэ, кытын но кин луыса ужамзэ но телефонзэ.

Конкурсын вормисьёслэсь нимъёссэс шараялозы 2019-тӥ арын оштолэзе. Котькуд группаын (1-тӥ-7-тӥ классъёсын дышетскисьёс, 8-тӥ-11-тӥ классъёсын дышетскисьёс, вузъёсысь но ссузъёсысь студентъёс но мукетъёсыз) пусъемын луозы 3 призовой инты басьтӥсьёс.

Вань юанъёсын вазиськыны луэ, krasmuzey@mail.ru почтае гожтыса яке 8 (3412) 78-67-65 телефон номере жингыртыса.

https://vk.com/udmdunne

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий