Выль арез Ижкарын улӥсьёс Шор площадьын ӵошен пумитаны быгатозы

    Выль арез ижкарын улӥсьёс шор площадьын ӵошен пумитаны быгатозы 1

    Удмуртилэн шоркарысьтыз валтӥсь площадь 2019-тӥ арез ӵошен одӥг бадӟым семьяен пумитаны мылкыд карисьёс понна бадӟым «патер» луоз.

    Валтӥсь сцена вӧзысь экран телевизорлы пӧрмоз. 20 часысен 21 час 30 минутозь отын Удмуртиысь крезьгурасьёслэсь клипъёссэс возьматозы. 22 час 30 минутозь тодмо кинофильмъёсысь крезьгуро люкетъёссэ адӟыны луоз, собере — карысь предприятиослэн но огазеяськонъёслэн ӟечкыланъёсынызы видеоконцертэз. 2019-тӥ ар вуон азьын экранъёс пыр калыкез Ижкарлэн тӧроез Олег Бекмеметьев но Удмуртилэн тӧроез Александр Бречалов ӟечкылалозы.

    Уйшоре Ижкар тымет вадьсын салют Выль арлэсь вуэмзэ возьматоз. Шулдыръяськонэз «Эктоника» дискотека азьланьтоз. Нош 00:55 часын Ижкарын улӥсьёсты экран пыр Россилэн азьмуртэз Владимир Путин ӟечкылалоз. Солэн вазиськонэз бере Шор площадьын 5 минутъем салют гудыръялоз.

    Собере «Как в сказке!» шоу-концертын сцена вылысен пӧртэм удысын ужасьёслы крезьгуро ӟечкыланъёс чузъяськозы.  улӥсез ӟечкылалозы. Выль ар программаез «Эктоника» дискотека йылпумъялоз. Шулдыръяськон 1-тӥ толшорысь 3 часозь мыноз.

    Ватсалом, Выль ар каникулъёсы Ижкарын нуналлы быдэ пӧртэм ужрадъёс ортчозы.

    https://udmurt.media/udm/news/kultura-i-turizm/47956/